قازاقستان پرەزيدەنتٸ سىرتقى ٸستەر مينيسترٸ مۇحتار تٸلەۋبەردٸنٸ قابىلدادى, دەپ حابارلايدى اقوردانىڭ باسپاسٶز قىزمەتٸ.
مينيستر مەملەكەت باسشىسىنا اقش-قا جاساعان رەسمي ساپارىنىڭ نەگٸزگٸ نەتيجەلەرٸ مەن بيىلعى 15-16 جەلتوقساندا مادريدتە ٶتكەن «ازييا-ەۋروپا» سىرتقى ٸستەر مينيسترلەرٸ فورۋمىنىڭ 14-كەڭەسٸنە قاتىسقانى جٶنٸندە باياندادى.
مۇحتار تٸلەۋبەردٸنٸڭ ايتۋىنشا, كەلٸسسٶز بارىسىندا اقش-تىڭ مەملەكەتتٸك حاتشىسى مايك پومپەو امەريكا قۇراما شتاتتارىنىڭ قازاقستاندى ٶڭٸردەگٸ سەنٸمدٸ سەرٸكتەسٸ ەرٸ ٶڭٸرلٸك قاۋٸپسٸزدٸكتٸ قامتاماسىز ەتۋ ٸسٸندەگٸ نەگٸزگٸ ەرٸپتەسٸ سانايتىنىن ايتتى.
«ازييا-ەۋروپا» فورۋمىنىڭ قاتىسۋشىلارى ازييا مەن ەۋروپا ەلدەرٸن بايلانىستىراتىن جەنە كٶلٸك جولدارىن دامىتۋعا ىقپال ەتەتٸن قازاقستاننىڭ ترانزيتتٸك ەلەۋەتٸن جوعارى باعالادى.
2020 جىلعا ارنالعان حالىقارالىق كٷن تەرتٸبٸن تالقىلاۋ بارىسىندا قاسىم-جومارت توقاەۆ قازاقستان رەسپۋبليكاسىنىڭ سىرتقى ساياساتىنداعى باسىم باعىتتار جٶنٸندە بٸرقاتار ناقتى تاپسىرما بەردٸ.
