پرەزيدەنت قاسىم-جومارت توقاەۆ قحر تٶراعاسى سي تسزينپيندٸ "التىن قىران" وردەنٸمەن ناگرادتادى, - دەپ حابارلايدى "ۇلت اقپارات" اقورداعا سٸلتەمە جاساپ.
"مەملەكەت باسشىسى قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى ەكٸجاقتى ساياسي, ەكونوميكالىق جەنە مەدەني قاتىناستاردى نىعايتۋعا جەنە دامىتۋعا قوسقان ايرىقشا ٷلەسٸ ٷشٸن قحر تٶراعاسى سي تسزينپيندٸ "التىن قىران" وردەنٸمەن ناگرادتادى", - دەلٸنگەن حابارلامادا.
سونداي-اق, اقوردانىڭ باسپاسٶز قىزمەتٸ ەكٸ ەل باسشىسىنىڭ ماراپاتتاۋ رەسٸمٸندە سٶيلەگەن سٶزٸن جارييالادى.
قازاقستان پرەزيدەنتٸ قاسىم-جومارت توقاەۆتىڭ سٶيلەگەن سٶزٸ:
قۇرمەتتٸ سي تسزينپين مىرزا! قىمباتتى دوسىم! حانىمدار مەن مىرزالار!
بٷگٸن ۇلى قىتاي ەلٸنٸڭ باسشىسى سي تسزينپين مىرزا قازاقستانعا مەملەكەتتٸك ساپارمەن كەلٸپ وتىر. بۇل – بٸز ٷشٸن زور مەرتەبە. سٸز – حالقىڭىزدىڭ جاپپاي قولداۋىنا يە بولعان ناعىز كٶشباسشىسىز. بٷكٸل قىتايعا جاڭاشىلدىق, رۋح بەرٸپ, دانا ساياساتىڭىزبەن مەملەكەتتٸ العا باستاپ كەلەسٸز. ەل باسقارۋ ٸسٸندە مول تەجٸريبەڭٸز جەنە ەرەكشە تۇلعالىق قاسيەتتەرٸڭٸز بار. وسىنىڭ بەرٸ ٶزٸڭٸزدٸ جۇرتىڭىزدىڭ ىقىلاسىنا بٶلەدٸ. سٸزدٸڭ باسشىلىعىڭىزبەن حالقىڭىز جاڭا دەۋٸرگە قادام باستى. قىتاي ۇلتىنىڭ ۇلى جاڭعىرۋ كەزەڭٸ باستالدى. بىلتىر قىتاي ەلٸ بٸرٸنشٸ جٷزجىلدىق مەرەيتويىنىڭ ماقساتىن ورىندادى. وعان بارشا ەلەم جۇرتشىلىعى كۋە بولدى. سٸزدەر كەدەيلٸكتٸ بٸرجولاتا جويىپ, ورتاشا تۇرمىسى بار قوعام قۇردىڭىزدار. تۇتاس دەۋٸردٸ ٶزگەرتكەن وسى جەڭٸس ەكٸنشٸ جٷزجىلدىق مەرەيتويدىڭ باستى مٸندەتتەرٸن تابىستى ورىنداۋعا جول اشارى انىق. قىتاي حالىق رەسپۋبليكاسى عاسىرلىق بەلەسٸنە دەيٸن دامىعان, الدىڭعى قاتارلى مەملەكەتكە اينالادى دەپ سەنەمٸن. سٸزدٸڭ تاعدىرى ورتاق ادامزات قوعامداستىعىن قۇرۋ تۋرالى وزىق يدەياڭىز جەنە «بٸر بەلدەۋ - بٸر جول» اتتى تاريحي باستاماڭىز جەر جٷزٸنٸڭ نازارىن اۋداردى. وسى تۇجىرىم جاڭا ٷلگٸدەگٸ حالىقارالىق قاتىناستار جٷيەسٸن قۇرۋعا نەگٸز بولدى. بۇل ٷلگٸ ٶزارا تيٸمدٸ ىنتىماقتاستىق ورناتۋدى كٶزدەيدٸ. سٸزدٸڭ جاھاندىق قاۋٸپسٸزدٸك پەن دامۋدى قامتاماسىز ەتۋ جٶنٸندەگٸ ستراتەگييالىق باستامالارىڭىزدىڭ ماڭىزى ٶتە زور. قازٸر بارشا ادامزاتتىڭ الدىندا كٷردەلٸ سىن-قاتەرلەر تۇر. سٸزدٸڭ ويلارىڭىز وسىعان باتىل تويتارىس رەتٸندە باعالانىپ, ەلەمدە كەڭٸنەن تالقىلانۋدا.
سٸزدٸڭ قازاق-قىتاي قارىم-قاتىناسىن تۇراقتى دامىتۋعا قوسقان ٷلەسٸڭٸز ۇشان-تەڭٸز. بٸز 2019 جىلى ٶزٸڭٸزبەن بٸرگە ەكٸ ەلدٸڭ ىنتىماقتاستىعىن جاڭا دەڭگەيگە كٶتەرۋگە كٸرٸستٸك. مەڭگٸلٸك ەرٸ جان-جاقتى ستراتەگييالىق سەرٸكتەستٸك ورناتۋعا ۋاعدالاستىق. قازاقستان قىتاي ەلٸمەن تٷرلٸ سالاداعى ىنتىماقتاستىقتى نىعايتۋعا مٷددەلٸ. بٸز بولاشاققا بٸرگە قادام باسامىز. وسى جولدا مىزعىماس دوستىقتان اينىمايمىز.
سٸز قازاقستان مەن قىتاي حالىقتارى اراسىنداعى دوستىق پەن ىنتىماقتاستىقتى نىعايتۋعا وراسان زور ەڭبەك سٸڭٸردٸڭٸز. بٸز مۇنى جوعارى باعالايمىز. مەن وسى سالاداعى ايرىقشا تاريحي رٶلٸڭٸزدٸ ەسكەرە وتىرىپ, سٸزدٸ «التىن قىران» وردەنٸمەن ماراپاتتاۋ تۋرالى شەشٸم قابىلدادىم. بۇل ماراپات – قازاقستان رەسپۋبليكاسىنىڭ ەڭ جوعارى ناگراداسى. بۇل شەشٸم ەكٸجاقتى قارىم-قاتىناستار شەجٸرەسٸنە التىن ەرٸپپەن جازىلارى سٶزسٸز.
قىتاي حالىق رەسپۋبليكاسىنىڭ تٶراعاسى Cي تسزينپيننٸڭ سٶيلەگەن سٶزٸ:
قۇرمەتتٸ پرەزيدەنت توقاەۆ مىرزا! قۇرمەتتٸ دوستار!
بٷگٸن مەنٸ «التىن قىران» وردەنٸمەن ناگرادتادىڭىز. بۇل ماعان عانا كٶرسەتٸلگەن ەرەكشە قۇرمەت ەمەس, سونداي-اق سٸزدٸڭ ەلٸڭٸزدٸڭ قازاق-قىتاي قاتىناستارىن دامىتۋعا زور مەن بەرەتٸنٸن جەنە قازاق حالقىنىڭ قىتاي حالقىنا دەگەن دوستىق سەزٸمٸن كٶرسەتەدٸ.
پرەزيدەنت توقاەۆ مىرزا, سٸزگە جەنە دوستاس قازاق حالقىنا شىن جٷرەكتەن ريزاشىلىعىمدى بٸلدٸرەمٸن. ەكٸ ەل اراسىنداعى ديپلوماتييالىق قاتىناستارعا 30 جىل تولدى. سودان بەرٸ قازاق-قىتاي ىنتىماقتاستىعىنىڭ جوعارى دامۋ دەڭگەيٸ بەرٸك ساقتالىپ كەلەدٸ.
بٸزدٸڭ ەلدەرٸمٸز اراسىنداعى ساياسي ٶزارا سەرٸكتەستٸك نىعايىپ كەلەدٸ. ەرتٷرلٸ سالاداعى ىنتىماقتاستىق قارقىندى دامۋدا. حالىقارالىق قاتىناستاردا تىعىز بايلانىس ورنادى. مۇنىڭ بەرٸ ەلدەرٸمٸزدٸڭ دامۋى مەن ٶركەندەۋٸنە بەرٸك تٸرەك بولدى. ايماقتاعى بەيبٸتشٸلٸك پەن تۇراقتىلىقتى قولداۋعا تىڭ سەرپٸن بەردٸ.
وسى ساپار بارىسىندا پرەزيدەنت توقاەۆ ەكەۋٸمٸز قىتاي مەن قازاقستان قارىم-قاتىناسىنىڭ مەرتەبەسٸن كٶتەرۋگە كەلٸستٸك. بولاشاققا كٶز جٷگٸرتە وتىرىپ, بٸز مەڭگٸلٸك دوستىققا, ٶزارا تيٸمدٸلٸككە جەنە ٶركەندەۋگە باعىتتالعان بايلانىستارىمىزدىڭ جارقىن بولاشاعىنا سەنٸممەن قارايمىز.
مەن حالىقتارىمىزدىڭ دوستىعىن تانىتاتىن بۇل وردەندٸ ٶتە جوعارى باعالايمىن. بٸرلەسكەن كٷش-جٸگەرٸمٸزدٸڭ ارقاسىندا قازاقستان مەن قىتاي اراسىنداعى ىنتىماقتاستىقتىڭ نىعايىپ, ەلدەرٸمٸز بەن حالىقتارىمىزدىڭ يگٸلٸگٸ ٷشٸن قىران قۇستاي الىسقا سامعايتىنىنا سەنٸمدٸمٸن!
