پرەزيدەنت قاسىم-جومارت توقاەۆ ەليحان بٶكەيحانوۆتىڭ «ۇلتقا قىزمەت ەتۋ بٸلٸمنەن ەمەس, مٸنەزدەن» دەگەن ۇستانىمىن ەستەن شىعارماۋعا شاقىردى, دەپ حابارلايدى "ۇلت اقپارات".
«بٸز نە ٸستەسەك تە, بەرٸن كەلەر ۇرپاق ٷشٸن جاسايمىز. مەملەكەتتٸك ساياساتتىڭ بولاشاق الدىنداعى جاۋاپكەرشٸلٸگٸن تەرەڭ سەزٸنەمٸز. بۇل ۇستانىمنان ەشقاشان اينىمايمىز. ەڭ عاجايىپ ەرلٸكتەر وتانعا شەكسٸز سٷيٸسپەنشٸلٸكتەن تۋىندايتىنى سٶزسٸز. شىن وتانسٷيگٸشتٸك دەگەنٸمٸز – جالاڭ ۇران تاستاۋ ەمەس, ەلٸڭە, حالقىڭا قىزمەت ەتۋ», - دەپ جازدى پرەزيدەنت «تەۋەلسٸزدٸك بەرٸنەن قىمبات» اتتى ماقالاسىندا.
مەملەكەت باسشىسىنىڭ پايىمداۋىنشا, ادام بالاسى دٷنيەگە پاتريوت بولىپ كەلمەيدٸ. ول بٸلٸم مەن تەربيە الىپ, ەلەۋمەتتٸك ورتامەن ارالاسىپ, ازاماتتىق بولمىسىن قالىپتاستىرۋ كەزٸندە پاتريوتقا اينالادى. ٶزٸنٸڭ جەكە ماقسات-مٷددەلەرٸ قوعام يگٸلٸگٸمەن ٷندەسٸپ, ەلٸنٸڭ دامۋىنا ەلەۋلٸ ٷلەس قوسىپ جاتقانىن جان-جٷرەگٸمەن سەزٸنگەن ادام ناعىز باقىتقا كەنەلەدٸ.
«حالقىمىزدىڭ بٸرتۋار پەرزەنتٸ ەليحان بٶكەيحانوۆ «ۇلتقا قىزمەت ەتۋ بٸلٸمنەن ەمەس, مٸنەزدەن» دەگەن. بٸز شىنايى پاتريوتتىق سەزٸممەن رۋحتانىپ, قاسيەتتٸ تەۋەلسٸزدٸگٸمٸزدٸ ودان ەرٸ نىعايتا تٷسۋ ٷشٸن بٸرلەسە جۇمىس ٸستەۋٸمٸز كەرەك. بارشا وتانداستارىما, ەسٸرەسە, جاستارعا ايتارىم: كەڭ بايتاق قازاقستاندى اسقاق ارماندارىڭ مەن باتىل جوسپارلارىڭدى ەمٸن-ەركٸن جٷزەگە اسىرا الاتىن, تابىسىڭا مارقايىپ, ەردايىم تٸلەۋٸڭدٸ تٸلەيتٸن قاسيەتتٸ وتانىڭ رەتٸندە باعالاڭدار! مەن جاڭا قازاقستان پاتريوتيزمٸنٸڭ جاسامپازدىق قۇدٸرەتٸنە سەنەمٸن», - دەيدٸ قاسىم-جومارت توقاەۆ.
مەملەكەت باسشىسى تەۋەلسٸز ەل بولۋ ونى جارييالاۋمەن نەمەسە مەملەكەتتٸڭ ٸرگەتاسىن قالاۋمەن شەكتەلمەيتٸنٸن جەتكٸزدٸ.
«تەۋەلسٸزدٸك ٷشٸن ناعىز كٷرەس كٷندەلٸكتٸ ەڭبەكپەن, ٷزدٸكسٸز ەرٸ دەيەكتٸ ەلدٸك ساياساتپەن مەڭگٸ جالعاسادى. بٸز قۋاتتى تەۋەلسٸز مەملەكەتٸمٸزبەن عانا ۇلت رەتٸندە جەر بەتٸندە ساقتالامىز. وسى اينىماس اقيقاتتى بەرٸك ۇستانۋىمىز قاجەت. «تەۋەلسٸزدٸك بەرٸنەن قىمبات!» دەگەن بٸر اۋىز سٶز مەڭگٸ ۇرانىمىز بولۋعا تيٸس. ۇلتىمىزدىڭ ۇلى ۇستىنى – قاستەرلٸ تەۋەلسٸزدٸگٸمٸز بارشا جۇرتىمىزدىڭ پاتريوتتىق رۋحىمەن اسقاقتاي بەرسٸن!» - دەپ تٷيدٸ پرەزيدەنت.
