قاسىم-جومارت توقاەۆ مەملەكەت جەنە قوعام قايراتكەرٸ بەردٸبەك ساپارباەۆتى قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسىنا ٶڭٸرلەردە اتقارىلىپ جاتقان جۇمىستار تۋرالى, پرەزيدەنتتٸڭ باستامالارى مەن ساياسي رەفورمالارىن حالىقتىڭ كەڭٸنەن تالقىلاپ جاتقانى تۋرالى مەلٸمەت بەرٸلدٸ.
بەردٸبەك ساپارباەۆ ٶزٸ قىزمەت اتقارعان جامبىل وبلىسىندا ورىندالىپ جاتقان پرەزيدەنت تاپسىرمالارىنىڭ نەتيجەلەرٸن كەڭٸنەن باياندادى. اتاپ ايتقاندا, ازاماتتاردىڭ تۇرمىس ساپاسىن ارتتىرۋعا, قوعامنىڭ ىنتىماعى مەن بٸرلٸگٸن نىعايتۋعا باعىتتالعان «اسار», «تۋعان جەرگە تاعزىم», «جومارت تٷلەك» جەنە «بەيبٸتشٸلٸك پەن كەلٸسٸم» اتتى جوبالار جايلى ايتىلدى. سونىمەن قاتار جامبىل ٶڭٸرٸندە جٷزەگە اسىرىلعان پيلوتتىق جوبا تۋرالى مەلٸمەت بەرٸلدٸ. بۇل باستامالار ەربٸر وتباسىنىڭ ٶزٸن-ٶزٸ اسىراۋىنا جاعداي جاساۋعا نەگٸزدەلگەن.
بەردٸبەك ساپارباەۆ قاسىم-جومارت توقاەۆقا قۋاڭشىلىق جاعدايىندا اۋىل شارۋاشىلىعىن ەلسٸرەتٸپ الماي, ودان ەرٸ دامىتۋ جٶنٸندە, سونداي-اق جەرگٸلٸكتٸ بيلٸك پەن اتا-انالاردىڭ بٸرلەسە وتىرىپ, بالالاردى ەڭبەككە باۋلۋ ٸسٸن قولعا الۋ تۋرالى ۇسىنىستارىن ايتتى.
كەزدەسۋ بارىسىندا جاستار اراسىنداعى جۇمىسسىزدىقتى شەشۋ مەسەلەسٸ دە تالقىلاندى.
