سوڭعى جارتى عاسىردا ازييا قايتا تٷلەپ, قارقىندى دامىپ كەلەدٸ. بۇل تۋرالى بٷگٸن ەلوردادا ٶتٸپ جاتقان ازييا ەلدەرٸ قالامگەرلەرٸنٸڭ تۇڭعىش فورۋمىندا قازاقستان پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«ۇلى دالامىز - سان الۋان ٶركەنيەتتەر مەن مەدەنيەتتەردٸڭ كۋەسٸ. ەلٸمٸز الىپ قۇرلىقتىڭ باتىسى مەن شىعىسىن, كٷنگەيٸ مەن تەرٸسكەيٸن جالعاعان توعىز جولدىڭ تورابىندا ورنالاسقان. بٸز بٸر كەزدەرٸ ۇلى تٷركٸ قاعاناتىنان ميراس بولعان تٷركٸ تەگٸمٸزدٸ ساقتاي بٸلگەن حالىقپىز. بٷگٸنگٸ تٷركٸ جۇرتىنىڭ تەڭدەسسٸز جەتٸستٸكتەرٸ سول دەۋٸرلەردەن قالىپتاسقان ۇلى مۇرالارمەن تىعىز بايلانىستى», - دەدٸ قازاقستان پرەزيدەنتٸ.
مەملەكەت باسشىسى ازييا ۇلى ٶركەنيەتتەردٸڭ دٷنيەگە كەلۋٸنە, ٶركەن جايۋىنا, كەيٸن تاريح قاتپارىنا سٸڭٸپ, قالىپتاسۋىنا كۋە بولعان كٶنە قۇرلىق ەكەندٸگٸن باسا ايتتى.
«اراب, پارسى, قىتاي, ٷندٸ ٶركەنيەتتەرٸ - ادامزات تاريحىنىڭ اجىراماس بٶلٸگٸ. شىعىس مەدەنيەتتەرٸ سان الۋان سيپاتتارىنا قاراماستان, ٶزارا استاسىپ جاتىر. ازييا حالىقتارى ٶركەنيەتتەر قاقتىعىسىنا ۇشىراماي, ەتەنە ٷندەستٸكتە دامۋىنىڭ باستى سىرى دا وسىندا. سوڭعى جارتى عاسىردا ازييا قايتا تٷلەپ, قارقىندى دامىپ كەلەدٸ. شىعىس مەملەكەتتەرٸ ەلەمدٸك الپاۋىتتار قاتارىنان نىق ورىن الدى.
جاھاندانۋدىڭ شىعىستىق دەستٷرٸ ناقتى سيپاتقا يە بولىپ, كەڭەيە تٷسۋدە. مىسالى, قازٸر ۇلى جٸبەك جولىنىڭ ەكونوميكالىق مەن-ماڭىزى عانا كٶبٸرەك ايتىلادى. شىن مەنٸندە ونىڭ تۇتاس ٶركەنيەتتەردٸ توعىستىراتىن كٷشكە يە بولعانى ەسكەرٸلە بەرمەيدٸ. بٷگٸندە ازييانىڭ وزىق ەكونوميكاسىمەن بٸرگە ەدەبيەتٸ, ٶنەرٸ, بٸلٸم جٷيەسٸ دە الدىڭعى قاتارعا شىقتى. ازييا حالىقتارىنىڭ سٶز ٶنەرٸ باي, تامىرى تەرەڭدە», - دەدٸ ق.توقاەۆ.
وسى رەتتە مەملەكەت باسشىسى جەر بەتٸندەگٸ جازۋ-سىزۋدىڭ شىعىستاعى مىسىر مەن قىتايدا پايدا بولۋى سونىڭ ايقىن دەلەلٸ ەكەندٸگٸنە نازار اۋدارتتى.
«تٷركٸ, قىتاي, ٷندٸ, اراب, پارسى ەلدەرٸنٸڭ كٶپتەگەن كٶنە جەدٸگەرلەرٸ دەۋٸر سىنىنان سٷرٸنبەي ٶتٸپ, بٷگٸنگە دەيٸن جەتتٸ. بۇل مۇرالاردىڭ قۇندىلىعى نەدە? كٶنە ەسكەرتكٸشتەردٸڭ نەگٸزٸندە جاتقان جالپى ادامزاتتىق قۇندىلىقتار ەدەبيەت ارقىلى ەلەمگە تارالدى. ەر وقىرماننىڭ كٶكەيٸندەگٸ ساۋالداردىڭ جاۋابى مەن جاھاندىق مەسەلەلەردٸڭ شەشٸمٸ دە دەل وسىنداي تۋىندىلاردان تابىلادى», - دەدٸ قازاقستان پرەزيدەنتٸ.
سونداي-اق ول شىعىستان شىققان قالامگەرلەردٸڭ كٷللٸ دٷنيەنٸ مويىنداتىپ وتىرعانىن ايتتى.
«ازييا ەدەبيەتٸنٸڭ ٶرٸسٸ ايتارلىقتاي كەڭەيٸپ كەلەدٸ. شىعىستان شىققان قالامگەرلەر كٷللٸ دٷنيەنٸ مويىنداتىپ وتىر. بۇل رەتتە ازييا ەدەبيەتٸن ەلەمگە ەيگٸلەپ, دەرٸپتەي تٷسۋ - فورۋمنىڭ تاعى دا بٸر ماڭىزدى مٸندەتٸ دەپ سانايمىن. شىعىس دانالارىنىڭ دەستٷر ساباقتاستىعى سٸزدەردٸڭ تۋىندىلارىڭىز ارقىلى جالعاسىن تابادى دەپ ويلايمىن», - دەدٸ مەملەكەت باسشىسى.
قازاقستان پرەزيدەنتٸ جاھاندانۋ دەۋٸرٸندە ازييا سىن-قاتەرلەرگە لايىقتى تٶتەپ بەرە وتىرىپ, ٶزٸنە تەن بٸرەگەي ەرەكشەلٸكتەرٸن ساقتاپ كەلە جاتقانىن ايتتى.
«باتىس تەحنولوگيياسى ازييا رۋحانيياتىمەن ٷندەسٸپ, شىعىستىق جاڭعىرۋ ٷردٸسٸن دٷنيەگە ەكەلدٸ. قالالاردا شىعىس ەلەمٸنٸڭ بولمىس-بٸتٸمٸن ناسيحاتتايتىن كرەاتيۆتٸك كلاسس پايدا بولدى. رۋحاني بايلانىستاردى كەڭەيتۋ - جاڭا زامانداعى ازييا حالىقتارىنىڭ بٸرتۇتاستىعىنىڭ كەپٸلٸ. بٸز بۇل ٷردٸستٸ قولداپ, ەلەم حالىقتارىنىڭ ىنتىماق-بٸرلٸگٸن نىعايتۋعا ٷلەس قوسۋعا تيٸسپٸز», - دەدٸ ق.توقاەۆ.
