مەملەكەت باسشىسى قاسىم-جومارت توقاەۆ رەسەي فەدەراتسيياسىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ الەكسەي بوروداۆكيندٸ قابىلدادى, دەپ حابارلايدى اقوردانىڭ باسپاسٶز قىزمەتٸ.
الەكسەي بوروداۆكين قاسىم-جومارت توقاەۆقا كەزدەسۋگە مٷمكٸندٸك بەرگەنٸ ٷشٸن ريزاشىلىق بٸلدٸرٸپ, پرەزيدەنت سايلاۋىنداعى جەڭٸسٸنە بايلانىستى رەسەي فەدەراتسيياسىنىڭ پرەزيدەنتٸ ۆلاديمير پۋتيننٸڭ قۇتتىقتاۋىن جەتكٸزدٸ.
- مەن سٸزدٸ داۋىس بەرۋشٸلەر بەلسەندٸ قاتىسقان سايلاۋداعى ايقىن جەڭٸسٸڭٸزبەن قۇتتىقتايمىن. بۇل - تازا جەڭٸس ەرٸ حالىقتىڭ سٸزدٸ قازاقستان پرەزيدەنتٸ رەتٸندە تاڭداۋىنىڭ ايقىن دەلەلٸ, - دەدٸ رەسەي ەلشٸسٸ.
سونىمەن قاتار, قازاقستان-رەسەي قارىم-قاتىناستارىن ودان ەرٸ تەرەڭدەتۋ جەنە ەكٸ ەلدٸڭ حالىقارالىق ۇيىمدار اياسىنداعى ىنتىماقتاستىعىنا قاتىستى مەسەلەلەر تالقىلاندى.
