مەملەكەت باسشىسى قاسىم-جومارت توقاەۆ QazaqGaz ۇك اق باسقارما تٶراعاسى سانجار جاركەشوۆتٸ قابىلدادى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنتكە QazaqGaz ۇك اكتسيونەرلٸك قوعامىنىڭ بيىلعى بٸرٸنشٸ جارتىجىلدىقتا اتقارعان قارجى-شارۋاشىلىق جۇمىستارىنىڭ قورىتىندىسى, سونداي-اق, ٸشكٸ نارىقتى تاۋار گازىمەن قامتاماسىز ەتۋ جٶنٸندەگٸ تاپسىرماسىنىڭ ورىندالۋ بارىسى تۋرالى ەسەپ بەرٸلدٸ.
قاسىم-جومارت توقاەۆقا ۇلتتىق كومپانييانىڭ قابىلداعان شۇعىل شارالارى ٸشكٸ نارىقتاعى تاۋار گازىنىڭ تاپشىلىعىن بولدىرماۋعا مٷمكٸندٸك بەرگەنٸ جٶنٸندە باياندالدى.
سانجار جاركەشوۆتٸڭ ايتۋىنشا, قازٸر ٸشكٸ نارىقتىڭ گازعا دەگەن سۇرانىسى تولىق قامتاماسىز ەتٸلگەن. QazaqGaz قاشاعاندا قۋاتى 1 ميلليارد تەكشە مەتر بولاتىن گاز ٶڭدەۋ زاۋىتىن سالۋعا كٸرٸسكەن. گازدى بارلاۋ جەنە ٶندٸرۋ جٶنٸندەگٸ جاڭا جوبالاردى ٸسكە قوسۋ ارقىلى رەسۋرستىق بازانى ۇلعايتۋ جۇمىستارى جٷرگٸزٸلٸپ جاتىر. سونداي-اق, گاز سالاسىن دامىتۋدىڭ 2022-2026 جىلدارعا ارنالعان كەشەندٸ جوسپارى بەكٸتٸلگەن.
مەملەكەت باسشىسىنا كومپانييانىڭ قىزمەتٸنە جٷرگٸزٸلٸپ جاتقان كەشەندٸ تەكسەرۋ جۇمىسىنىڭ بارىسى تۋرالى مەلٸمەت بەرٸلدٸ. قازاقستاننىڭ گاز تاسىمالداۋ جٷيەسٸنە حالىقارالىق تەحنيكالىق اۋديت جٷرگٸزٸلٸپ جاتىر. ۇلتتىق كومپانييانىڭ شىعىندارىن وڭتايلاندىرۋ نەتيجەسٸندە جىل باسىنان بەرٸ 9 ميلليارد تەڭگە ٷنەمدەلگەن.
بۇدان بٶلەك, QazaqGaz ۇك اق باسقارما تٶراعاسى گازعا قوسىلۋ جٶنٸندەگٸ تەحنيكالىق شارتتاردى بەرۋ ٷشٸن تالاپ ەتٸلەتٸن قۇجاتتار تٸزٸمٸن قىسقارتۋ جۇمىستارى جٷرگٸزٸلٸپ جاتقانىن ايتتى.
باعا بەلگٸلەۋدٸڭ ەلەۋمەتتٸك ەدٸل رەفورماسىنا قاتىستى شارالار كەشەنٸ ەزٸرلەنٸپ, قاراۋعا ۇسىنىلعان.
كەزدەسۋ سوڭىندا پرەزيدەنت بٸرقاتار مٸندەت جٷكتەدٸ, سونىڭ ٸشٸندە ەلٸمٸزدەگٸ گازبەن قامتۋ جۇمىستارىنىڭ قارقىنىن ارتتىرۋ جٶنٸندە تاپسىرما بەردٸ.
