فوتو: Akorda.kz
مەملەكەت باسشىسى تەجٸكستان پرەزيدەنتٸمەن كەلٸسسٶز جٷرگٸزدٸ, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
تەجٸكستان پرەزيدەنتٸنٸڭ استاناعا ساپارى شاعىن قۇرامداعى كەلٸسسٶزدەردەن باستالدى.
قاسىم-جومارت توقاەۆ ەكٸجاقتى ىنتىماقتاستىقتى نىعايتۋ ٷشٸن بۇل ساپاردىڭ ماڭىزى زور ەكەنٸن اتاپ ٶتتٸ.
– سٸزدٸڭ ساپارىڭىز بٸزدٸڭ باۋىرلاس ەلدەرٸمٸز اراسىنداعى شىنايى دوستىق قارىم-قاتىناستى ودان ەرٸ نىعايتۋ تۇرعىسىنان زور ماڭىزعا يە. ەلدەرٸمٸز اراسىنداعى ستراتەگييالىق سەرٸكتەستٸك, وداقتاستىق قارىم-قاتىناس تۋرالى ايتۋعا تولىق نەگٸز بار. استاناداعى تەجٸك مەدەنيەتٸ كٷندەرٸنٸڭ اشىلۋىنا سٸزدٸڭ ارنايى كەلۋٸڭٸزدٸڭ ٶزٸ كٶپ نەرسەنٸ اڭعارتادى, – دەدٸ پرەزيدەنت.
ٶز كەزەگٸندە ەمومالي راحمون كٶرسەتٸلگەن قۇرمەت ٷشٸن ريزاشىلىعىن بٸلدٸردٸ.
– قۇرمەتتٸ قاسىم-جومارت كەمەلۇلى, شاقىرتۋىڭىزعا, ٸلتيپاتىڭىزعا, قوناقجايلىق كٶرسەتكەنٸڭٸزگە كٶپ راقمەت! ەڭ الدىمەن, بٷگٸن سٸزبەن ەكٸ ەل اراسىنداعى قارىم-قاتىناستىڭ احۋالى مەن پەرسپەكتيۆالارىن, سونداي-اق حالىقارالىق جەنە ايماقتىق مەسەلەلەردٸ تالقىلاعىم كەلەدٸ, – دەدٸ تەجٸكستان پرەزيدەنتٸ.
ودان كەيٸن كەلٸسسٶزدەر ەكٸ ەلدٸڭ دەلەگاتسييا مٷشەلەرٸنٸڭ قاتىسۋىمەن ٶتتٸ.
قاسىم-جومارت توقاەۆ قازاقستاندا تەجٸكستانمەن اراداعى دوستىق قارىم-قاتىناستى جوعارى باعالايتىنىن جەتكٸزدٸ.
– باۋىرلاس تەجٸك حالقىنا قازاق جەرٸندە ايرىقشا قۇرمەتپەن قارايدى. وتانداستارىمىز قازٸرگٸ تەجٸكستان تۋرالى كٶبٸرەك بٸلٸپ, تەجٸك حالقىنىڭ باي مەدەنيەتٸمەن تەرەڭٸرەك تانىسقىسى كەلەدٸ. وسى ورايدا سٸزدٸڭ وسىنداي اۋقىمدى ٸس-شارالار ۇيىمداستىرۋ تۋرالى باستاماڭىزدى قازاقستان حالقى مەن ەلٸمٸزدٸڭ قوناقتارى ەرەكشە ىقىلاسپەن قابىل الدى. بۇل ايتۋلى شارا ەكٸ ەل اراسىنداعى ديپلوماتييالىق قارىم-قاتىناستىڭ ورناعانىنا 30 جىل تولعان كەزەڭدە ٶتكٸزٸلۋٸنٸڭ ەرەكشە سيمۆولدىق مەنٸ بار, – دەدٸ پرەزيدەنت.
مەملەكەت باسشىسى بارلىق سالاداعى ەكٸجاقتى ىنتىماقتاستىقتىڭ, سونىڭ ٸشٸندە سۋ جەنە ەنەرگەتيكا كەشەنٸندەگٸ ٶزارا ٸس-ەرەكەتتٸڭ قارقىندى دامىپ كەلە جاتقانىن اتاپ ٶتتٸ.
– سۋ جەنە ەنەرگەتيكا سالالارىنداعى مٸندەتتەمەلەردٸ ورىنداۋعا, اتاپ ايتقاندا, قازاقستانعا سۋ جەنە ەلەكتر ەنەرگيياسىن جەتكٸزۋگە بايلانىستى شەشٸمدٸ ۋاقتىلى قابىلداعانىڭىز ٷشٸن سٸزگە جەنە بارشا تەجٸك تاراپىنا العىسىمىز شەكسٸز. قازاقستان ٶز تاراپىنان سٸزدٸڭ الدىڭعى ساپارىڭىز كەزٸندە ٶزارا كەلٸسكەن بارلىق مٸندەتتەمەنٸ ورىنداپ جاتىر, – دەپ اتاپ ٶتتٸ قاسىم-جومارت توقاەۆ.
قاسىم-جومارت توقاەۆ تەجٸكستان پرەزيدەنتٸ ەمومالي راحموننىڭ مامىر ايىندا قازاقستانعا ساپارى كەزٸندە قول قويىلعان قازاقستان مەن تەجٸكستان اراسىنداعى وداقتاستىق ٶزارا ٸس-قيمىل تۋرالى دەكلاراتسييانىڭ سەتتٸ جٷزەگە اسىرىلىپ جاتقانىن اتاپ ٶتتٸ. پرەزيدەنتتٸڭ ايتۋىنشا, بيىل 6 ايدا تاۋار اينالىمى 500 ميلليون دوللاردان اسقان. بۇل رەتتە ٶزارا ساۋدا-ساتتىق كٶلەمٸن 2 ميلليارد دوللارعا دەيٸن ارتتىرۋ جوسپارلانىپ وتىر.
تەجٸكستان پرەزيدەنتٸ دە ەكٸجاقتى ىنتىماقتاستىقتىڭ قازٸرگٸ جاعدايىنا جوعارى باعا بەردٸ
– تەجٸكستاننىڭ مەدەنيەت كٷندەرٸن جەنە كٶرمەسٸن, سونداي-اق ەلٸمٸزدٸڭ اۋىل شارۋاشىلىعى مەن ٶنەركەسٸپ سەكتورى ٶنٸمدەرٸنٸڭ جەرمەڭكەسٸن استانا, الماتى جەنە شىمكەنت قالالارىندا ٶتكٸزۋگە قولداۋ كٶرسەتكەنٸڭٸز ٷشٸن العىس ايتامىن. بۇل شارالاردى تەجٸكستان مەن قازاقستان اراسىنداعى قارىم-قاتىناستىڭ, ستراتەگييالىق سەرٸكتەستٸك پەن وداقتاستىقتىڭ ٷزدٸكسٸز دامۋىنىڭ بٸر بەلگٸسٸ دەپ باعالايمىز. بۇل شارالار ەكٸ ەل اراسىنداعى ديپلوماتييالىق قارىم-قاتىناستاردىڭ ورناعانىنا 30 جىل تولعان كەزەڭدە ٶتۋٸنٸڭ ٶزٸندٸك مەنٸ بار. بٷگٸندە ەلدەرٸمٸز اراسىنداعى قارىم-قاتىناستىڭ ٶزارا تٷسٸنٸستٸك, جوعارى قۇرمەت پەن سەنٸمگە نەگٸزدەلگەنٸ قۋانتادى. بايلانىستارىمىزدى ودان ەرٸ نىعايتۋ تەجٸكستاننىڭ سىرتقى ساياساتىنىڭ نەگٸزگٸ باسىمدىعى بولىپ قالا بەرەدٸ, – دەدٸ تەجٸكستان پرەزيدەنتٸ.
ەڭگٸمەلەسۋ بارىسىندا ساۋدا-ەكونوميكا, كٶلٸك-لوگيستيكا, اۋىل شارۋاشىلىعى, ەنەرگەتيكا, قارجى جەنە مەدەني-گۋمانيتارلىق سالالارداعى ٶزارا ٸس-ەرەكەتتٸ ودان ەرٸ دامىتۋ پەرسپەكتيۆالارى تالقىلاندى.
