مەملەكەت باسشىسى قاسىم-جومارت توقاەۆ رەسەي پرەزيدەنتٸ ۆلاديمير پۋتينمەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنتتەر ەكٸ مەملەكەت اراسىنداعى ساۋدا-ەكونوميكالىق ىنتىماقتاستىقتىڭ قازٸرگٸ جاعدايى مەن دامۋ پەرسپەكتيۆالارىن ەگجەي-تەگجەيلٸ تالقىلادى.
ەكٸجاقتى ساۋدا-ساتتىقتىڭ قارقىنىن ساقتاۋ ٷشٸن ەكٸ ەل ٷكٸمەتٸ اراسىندا ەڭ ماڭىزدى تاۋار تٷرلەرٸ بويىنشا ىقپالداستىقتى جانداندىرۋ تۋرالى ۋاعدالاستىققا قول جەتكٸزٸلدٸ.
ۆلاديمير پۋتين قاسىم-جومارت توقاەۆقا رەسەي مەن ۋكراينا اراسىنداعى كەلٸسسٶزدەردٸڭ بارىسى تۋرالى مەلٸمەت بەردٸ. ۋكراينانىڭ بەيتاراپتىق, بلوكتاردان تىس, يادرولىق قارۋسىزدىق مەرتەبەسٸنە قاتىستى ۋاعدالاستىققا قول جەتكٸزۋدٸڭ اسا ماڭىزدىلىعى جٶنٸندەگٸ ورتاق تٷسٸنٸستٸك تۋرالى ايتىلدى.
"ريا نوۆوستي" اگەنتتٸگٸنٸڭ حابارلاۋىنشا, تەلەفون ەڭگٸمە بارىسىندا رەسەي پرەزيدەنتٸ ۆلاديمير پۋتين قازاقستاندىق ەرٸپتەسٸنە "دونباستى قولداۋ ارنايى وپەراتسيياسى (ۋكرايناداعى سوعىستى كرەمل وسىلاي دەپ اتايدى - رەد.) مەن رەسەي مەن ۋكراينا كەلٸسسٶزٸنٸڭ بارىسى" تۋرالى مەلٸمەت بەرگەن.
ايتا كەتەيٸك, قازاقستان رەسەيدٸڭ ۋكرايناعا باسقىنشىلىعىن ايىپتاعان جوق, قولداعان دا جوق. بٸراق وسى اپتادا قازاقستان پرەزيدەنت ەكٸمشٸلٸگٸ باسشىسىنىڭ ورىنباسارى تيمۋر سٷلەيمەنوۆ ەۋروپالىق اقپارات جەلٸسٸ – Euractiv سايتىنا بەرگەن سۇحباتىندا "ۋكراينانىڭ اۋماقتىق تۇتاستىعىن قولدايتىنىن", سوعىستى سوعىس دەپ اتايتىنىن جەنە سانكتسييا سالىنعان تاۋارلاردىڭ رەسەيگە ٶتٸپ كەتپەۋٸنە بار كٷشٸن سالاتىنىن مەلٸمدەگەن. سٷلەيمەنوۆ – ۋكرايناداعى جاعدايعا بايلانىستى ۇستانىمىن اشىق جەتكٸزگەن قازاقستانداعى العاشقى جوعارى لاۋازىمدى تۇلعا.
