توقاەۆ پەن پۋتين كرەملدە كەزدەسٸپ, ستراتەگييالىق سەرٸكتەستٸكتٸ جاڭا دەڭگەيگە كٶتەرۋ تۋرالى دەكلاراتسيياعا قول قويدى

فوتو: اقوردا

12 قاراشا كٷنٸ مەسكەۋدەگٸ كرەمل سارايىندا پرەزيدەنت قاسىم-جومارت توقاەۆتى سالتاناتتى تٷردە قارسى الۋ رەسٸمٸ ٶتتٸ, دەپ حابارلايدى Ult.kz.

مەملەكەت باسشىسى قاسىم-جومارت توقاەۆ ەكٸ ەل اراسىنداعى ىنتىماقتاستىقتىڭ ماڭىزدىلىعىن اتاپ ٶتٸپ:

«قازاقستان مەن رەسەي – ٶزارا سەنٸمدٸ, ۋاقىت تەزٸنەن ٶتكەن ستراتەگييالىق سەرٸكتەستەر ەرٸ وداقتاستار. بٸزدٸڭ ەلدەرٸمٸزدٸڭ تاريحي تامىرى, ٶتكەنٸ مەن قۇندىلىقتارى ورتاق. قوس حالىقتىڭ دوستىعى – تاعدىردىڭ جازۋى», – دەدٸ.

پرەزيدەنتتٸڭ ايتۋىنشا, بارلىق دەڭگەيدە سەنٸمدٸ ديالوگ ورناتۋدىڭ ارقاسىندا قازاقستان مەن رەسەي اراسىنداعى ىنتىماقتاستىق مازمۇنى ٷنەمٸ كەڭەيٸپ كەلەدٸ. سونداي-اق توقاەۆ ەكٸ ەل اراسىنداعى ەلەمدەگٸ ەڭ ۇزىن قۇرلىق شەكاراسى حالىقتار اراسىنداعى مەڭگٸلٸك دوستىقتىڭ ايعاعى ەكەنٸن اتاپ ٶتتٸ.

كەلٸسسٶزدەر قورىتىندىسى بويىنشا قاسىم-جومارت توقاەۆ پەن ۆلاديمير پۋتين قازاقستان رەسپۋبليكاسى مەن رەسەي فەدەراتسيياسىنىڭ مەملەكەتارالىق قاتىناسىن جان-جاقتى ستراتەگييالىق سەرٸكتەستٸك جەنە وداقتاستىق دەڭگەيٸنە دەيٸن جەتكٸزۋ جٶنٸندەگٸ دەكلاراتسيياعا قول قويدى.

مەملەكەتتەر باسشىلارىنىڭ قاتىسۋىمەن بٸرقاتار ماڭىزدى قۇجاتتارمەن الماسۋ رەسٸمٸ ٶتتٸ. ولاردىڭ قاتارىندا:

1. 2026–2030 جىلدارعا ارنالعان ەكونوميكالىق ىنتىماقتاستىقتىڭ كەشەندٸ باعدارلاماسى;

2. ٷشٸنشٸ ەلدەرگە ەكسپورتقا ارنالعان جٷكتەردٸ تەمٸر جولمەن ترانزيتتٸك تاسىمالداۋ تۋرالى كەلٸسٸم;

3. كٶلٸك قاۋٸپسٸزدٸگٸن قامتاماسىز ەتۋ سالاسىنداعى ىنتىماقتاستىق تۋرالى كەلٸسٸم;

4. «سويۋز-5» جەنە «بەيتەرەك» عارىش زىمىران كەشەندەرٸنٸڭ ۇشۋ سىناعىن جٷرگٸزۋ جٶنٸندەگٸ كوميسسييا قۇرۋ تۋرالى كەلٸسٸم;

5. اقتاۋ قالاسىندا رەسەي فەدەراتسيياسىنىڭ باس كونسۋلدىعىن اشۋ تۋرالى كەلٸسٸم;

6. سانيتارلىق-ەپيدەميولوگييالىق قاۋٸپسٸزدٸك سالاسىنداعى ىنتىماقتاستىق تۋرالى كەلٸسٸم;

7. ەرەكشە ەكونوميكالىق ايماقتاردى دامىتۋ جٶنٸندەگٸ مەموراندۋم;

8. قازاقستان مەن رەسەيدە قازاق-ورىس جەنە ورىس-قازاق مەكتەپتەرٸن اشۋ تۋرالى نيەتتەستٸك تۋرالى مەموراندۋم;

9. رەسەيدەن قازاقستانعا امۋر جولبارىستارىن ەكەلۋ جٶنٸندەگٸ بٸرلەسكەن ٸس-شارالار جوسپارى;

10. اتوم ەنەرگيياسىن بەيبٸت ماقساتتا پايدالانۋ كەزٸندە يادرولىق جەنە رادياتسييالىق قاۋٸپسٸزدٸكتٸ رەتتەۋ سالاسىنداعى ىنتىماقتاستىق تۋرالى مەموراندۋم;

11. قازاقستان-رەسەي شەكاراسىنداعى اۆتوكٶلٸك ٶتكٸزۋ بەكەتتەرٸن دامىتۋ جٶنٸندەگٸ ٸس-شارالار جوسپارى;

12. «قتج» مەن «رتج» اراسىنداعى 2030 جىلعا دەيٸنگٸ مەملەكەتارالىق تٷيٸسۋ پۋنكتتەرٸن دامىتۋ تۋرالى كەلٸسٸم;

13. «قازپوشتا» مەن «رەسەي پوشتاسى» اراسىنداعى ىنتىماقتاستىق تۋرالى مەموراندۋم.

مەملەكەت باسشىلارى ەكٸ ەلدٸڭ ٶزارا ىنتىماقتاستىعىن ودان ەرٸ نىعايتۋعا جەنە ورتاق ماقساتتارعا بٸرلەسە جەتۋگە سەنٸم بٸلدٸردٸ.