مەملەكەت باسشىسى قاسىم-جومارت توقاەۆ ٶزبەكستان پرەزيدەنتٸ شاۆكات ميرزيەيوۆپەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
ەڭگٸمەلەسۋ بارىسىندا قازاقستان پرەزيدەنتٸ سىردارييا وبلىسىنداعى ساردوبا سۋ قويماسى بٶگەتٸنٸڭ بۇزىلۋ سالدارىن جويۋ جٶنٸندەگٸ ٶزبەكستاننىڭ قولعا العان ٸس-قيمىلدارىن جوعارى باعالاپ, باۋىرلاس ەرٸ تاتۋ كٶرشٸ ٶزبەك حالقىنا كٶمەك كٶرسەتۋگە دايىن ەكەنٸن جەتكٸزدٸ.
شاۆكات ميرزەيوۆ قاسىم-جومارت توقاەۆقا قولداۋ بٸلدٸرگەنٸ ٷشٸن العىس ايتىپ, اتالعان اپات قازاقستاننىڭ وڭتٷستٸگٸندەگٸ بٸرقاتار ەلدٸ مەكەنگە دە زييان تيگٸزگەنٸنە ٶكٸنٸش بٸلدٸردٸ. وسىعان وراي ٶزبەكستان پرەزيدەنتٸ سۋ تاسقىنىنان زارداپ شەككەن اۋدانداردى تەزٸرەك قايتا قالپىنا كەلتٸرۋ ماقساتىندا بٸرلەسكەن شارالار قابىلداۋعا نيەتتٸ ەكەنٸن ايتتى.
مەملەكەتتەر باسشىلارى قالىپتاسقان جاعدايعا وراي تۋىنداعان بارلىق مەسەلەنٸ شۇعىل شەشۋ ٷشٸن ەكٸ ەلدٸڭ ٷكٸمەتتەرٸ دەڭگەيٸندەگٸ ٷيلەسٸمدٸ جۇمىستىڭ ماڭىزدىلىعىن اتاپ ٶتتٸ. سونىمەن قاتار تاراپتار COVID-19 ۆيرۋسىنا قارسى كٷرەستە ەكٸ ەلدٸڭ اتقارىپ جاتقان تيٸمدٸ ەرٸ جٷيەلٸ جۇمىستارىنا كٶڭٸلدەرٸ تولاتىنىن ايتىپ, سونىڭ ارقاسىندا ٸندەتتٸڭ كەڭ تارالۋىنا جول بەرٸلمەگەنٸنە توقتالدى.
وسى رەتتە تاراپتار پاندەمييانىڭ قازاقستان مەن ٶزبەكستان اراسىنداعى ساۋدا-ەكونوميكالىق قاتىناستارعا كەرٸ ەسەرٸن بولدىرماۋ ماقساتىندا ەكٸجاقتى ىقپالداستىقتى جانداندىرۋ قاجەتتٸگٸنە نازار اۋداردى. اتاپ ايتقاندا اۋىل شارۋاشىلىعى, ماشينا جاساۋ, جەڭٸل ٶنەركەسٸپ جەنە تاعى باسقا سالالارداعى ەكسپورت ەلەۋەتٸن ارتتىرۋ ٷشٸن بٸرلەسكەن ٶندٸرٸس ورىندارىن اشۋ تۋرالى ۋاعدالاستىققا قول جەتكٸزٸلدٸ.
قازاقستان تاراپىنىڭ باستاماسىمەن بولعان ەڭگٸمەلەسۋ جىلى جەنە دوستىق رەۋٸشتە ٶتتٸ.
ەستەرٸڭٸزگە سالا كەتەيٸك, 1 مامىردا ساردوبا سۋ قويماسى بٶگەتٸن سۋ شايىپ كەتۋٸنە بايلانىستى ٶزبەكستاننىڭ سىردارييا وبلىسىنداعى ەلدٸمەكەندٸ سۋ باستى. سونىڭ سالدارىنان ماقتاارال اۋدانىندا شەكارا ماڭىنداعى بٸرنەشە كوللەكتور سۋعا تولىپ قالعان. ماقتاارالداعى ورتالىق كوللەكتوردان سۋ سىرتقا جايىلىپ, جەڭٸس, جاڭاتۇرمىس اۋىلدارىن سۋ الىپ كەتتٸ. وبلىستىق ماڭىزى بار «مىرزاكەنت - جەڭٸس - جاڭا تۇرمىس» اۆتوموبيل جولىن سۋ باسىپ, كٶلٸك جٷرە الماۋدا. تٶرت اۋىلدان 5400 ادام قاۋٸپسٸز جەرگە كٶشٸرٸلگەن. سونداي-اق تٷركٸستان وبلىسىندا سۋ تاسقىنى قاۋپٸ تٶنگەن 3 اۋىلدىڭ حالقى ەۆاكۋاتسييالانىپ جاتىر. وبلىس ەكٸمٸ ٶمٸرزاق شٶكەەۆ حالىقتى سابىرعا شاقىرىپ, تٶتەنشە جاعدايدى رەتتەۋگە ايماقتىڭ تولىق مٷمكٸندٸگٸ بار ەكەنٸن ايتتى
بۇدان بۇرىن قر پرەزيدەنتٸ ماقتاارال اۋدانىندا سۋ تاسقىنىنان زارداپ شەككەندەرگە كٶمەك كٶرسەتۋدٸ تاپسىرعان ەدٸ.
