قازاقستان پرەزيدەنتٸ مەن گەرمانييا كانتسلەرٸ باق ٶكٸلدەرٸ ٷشٸن بٸرلەسكەن باسپاسٶز مەسليحاتىن ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸ گەرمانييا كانتسلەرٸنە قوناقجايلىق كٶرسەتكەنٸ ٷشٸن ريزاشىلىعىن بٸلدٸرٸپ, مەركەل حانىمنىڭ ەكٸ ەل اراسىنداعى دوستىق بايلانىستاردى نىعايتۋعا قوسقان ٷلەسٸن جوعارى باعالايتىنىن ايتتى. مەملەكەت باسشىسى الداعى ۋاقىتتا قازاقستان ٶزٸنٸڭ سىرتقى ساياساتىنداعى ساباقتاستىقتى ساقتاپ, تۇڭعىش پرەزيدەنت – ەلباسى نۇرسۇلتان نازارباەۆتىڭ باستامالارىن جالعاستىرا بەرەتٸنٸن اتاپ ٶتتٸ.
قاسىم-جومارت توقاەۆ پرەزيدەنت رەتٸندە ەۋروپا وداعى بويىنشا العاشقى رەسمي ساپارىن گەرمانييادان باستاعانىن ايتىپ, قازاقستان ٷشٸن وسى ەلمەن ىنتىماقتاستىقتى نىعايتۋدىڭ ماڭىزى زور ەكەنٸنە توقتالدى. سونداي-اق مەملەكەت باسشىسى بۇل ساپاردىڭ باستى ماقساتى ەكٸ ەل اراسىنداعى ەكونوميكالىق ىنتىماقتاستىق پەن ساياسي ىقپالداستىققا جاڭا سەرپٸن بەرۋ ەكەنٸن جەتكٸزدٸ.
– گەرمانييا ەكونوميكالىق ەلەۋەتٸ جاعىنان ەلەمدەگٸ تٶرتٸنشٸ مەملەكەت بولعانىمەن, بٸزگە تٸكەلەي ينۆەستيتسييا سالىپ وتىرعان ەلدەردٸڭ ٸشٸندە 12-ورىندا. قازاقستان ەرتٷرلٸ سالاداعى 700-دەن استام جوبانى جەكەشەلەندٸرەتٸن بولادى. بۇل نەمٸس ينۆەستورلارى مەن كومپانييالارىنا جاقسى مٷمكٸندٸك تۋعىزادى دەپ سانايمىن. نەعۇرلىم ينۆەستيتسييا كٶپ تارتىلسا, سوعۇرلىم ەكٸ ەل ٷشٸن دە تيٸمدٸ بولماق, – دەدٸ مەملەكەت باسشىسى.
سونىمەن قاتار قاسىم-جومارت توقاەۆ قازاقستاننىڭ گەرمانييا ينۆەستورلارى ٷشٸن ارنايى جەڭٸلدٸكتەر ۇسىنىپ وتىرعانىن, بۇل ەكٸ تاراپقا دا ٶتە تيٸمدٸ بولاتىنىن ايتتى.
باسپاسٶز مەسليحاتى بارىسىندا جۋرناليستەر گەرمانيياعا ەكسپورتتالاتىن تاۋار كٶلەمٸنٸڭ سوڭعى 8 ايدا 21,4%, ياعني 2,258 ميلليارد ەۋروعا تٶمەندەپ كەتكەنٸن, ساراپشىلار مۇنىڭ سەبەبٸن مۇناي نارىعىنداعى جاعدايمەن بايلانىستىرىپ وتىرعانىن سۇرادى.
– راسىندا, مۇنداي ٷردٸس بار. بٷگٸنگٸ ساپارىمنىڭ باستى ماقساتى – وسى جاعدايدى مەيلٸنشە ٶزگەرتۋ. سوندىقتان كەلٸسسٶزدەر بارىسىندا كانتسلەر حانىمعا بٸرنەشە ناقتى ۇسىنىستارىمدى جەتكٸزدٸم, – دەپ جاۋاپ بەردٸ قازاقستان پرەزيدەنتٸ.
مەملەكەت باسشىسىنا دۋالدٸ بٸلٸم بەرۋ سالاسىنا قاتىستى ەكٸجاقتى ىنتىماقتاستىقتىڭ قازٸرگٸ جاعدايى مەن پەرسپەكتيۆاسىنا بايلانىستى دا سۇراق قويىلدى.
– دۋالدٸ بٸلٸم بەرۋ جٷيەسٸندە نەمٸس تەجٸريبەسٸن قولدانىپ كەلەمٸز. الداعى ۋاقىتتا بٸلٸم بەرۋ سالاسىندا ىنتىماقتاستىقتى جالعاستىرا بەرەمٸز, – دەدٸ پرەزيدەنت.
گەرمانييا فەدەراتيۆتٸك رەسپۋبليكاسىنىڭ كانتسلەرٸ انگەلا مەركەل قازاقستانمەن ارادا بەرٸك ىنتىماقتاستىقتىڭ ورناعانىن, ەلباسى نۇرسۇلتان نازارباەۆپەن ٶزارا تٷسٸنٸستٸكتە جۇمىس ٸستەگەنٸن اتاپ ٶتٸپ, قاسىم-جومارت توقاەۆتىڭ ەكٸ ەل اراسىنداعى ىقپالداستىقتى جاڭا دەڭگەيگە كٶتەرەتٸنٸنە سەنٸم بٸلدٸردٸ, سونداي-اق بٷگٸنگٸ كەلٸسسٶزدەردٸڭ نەتيجەلٸ ٶتكەنٸن ايتتى.
