مەملەكەت باسشىسى نۇر-سۇلتان جەنە الماتى قالالارىنىڭ ەكٸمدەرٸمەن بەينەبايلانىس ارقىلى كەڭەس ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
التاي كٶلگٸنوۆ قاسىم-جومارت توقاەۆقا ەلورداداعى قازٸرگٸ احۋال جەنە كوروناۆيرۋستىڭ تارالۋىنا قارسى كارانتين ەنگٸزٸلۋٸنە بايلانىستى قابىلدانعان شارالار جايىندا ەسەپ بەردٸ.
پرەزيدەنت قالا تۇرعىندارىن ەڭ قاجەتتٸ تاۋارلارمەن جەنە ازىق-تٷلٸكپەن تولىق قامتاماسىز ەتۋدٸڭ ماڭىزدىلىعىن اتاپ ٶتتٸ.
مەملەكەت باسشىسى نۇر-سۇلتان قالاسىندا ورنالاسقان شەت مەملەكەتتەردٸڭ ديپلوماتييالىق ٶكٸلدٸكتەرٸ مەن حالىقارالىق ۇيىمدارعا قاتىستى تۋىنداعان مەسەلەلەردٸ تەز ارادا شەشٸپ, تيٸستٸ كٶمەك كٶرسەتۋ كەرەكتٸگٸن ايتتى.
قاسىم-جومارت توقاەۆ كوروناۆيرۋسكە قارسى كٷرەستٸڭ ماڭىزدىلىعىن ايتا كەلە, قالا تٸرشٸلٸگٸندەگٸ باسقا دا ٶزەكتٸ مەسەلەلەردٸ كٷن تەرتٸبٸنەن تٷسٸرمەۋدٸ, اتاپ ايتقاندا, سۋ تاسقىنىن ەرەكشە باقىلاۋدا ۇستاۋدى تاپسىردى.
سونىمەن قاتار باقىتجان ساعىنتاەۆ قاسىم-جومارت توقاەۆقا الماتى قالاسىنىڭ كارانتين ەنگٸزۋ جاعدايىنا ەزٸرلٸگٸ, قوسىمشا دايىندالعان تٶسەك-ورىندار سانى, كوروناۆيرۋس ٸندەتٸنٸڭ تارالۋىنا قارسى كٷرەسكە قاجەتتٸ بارلىق رەسۋرستار مەن قۇرالداردى جۇمىلدىرۋ تۋرالى باياندادى.
مەملەكەت باسشىسى ەلٸمٸزدٸڭ ٸرٸ مەگاپوليسٸن ازىق-تٷلٸكپەن قامتاماسىز ەتۋگە بايلانىستى مەسەلەلەردٸڭ شەشٸلۋٸنە ەرەكشە كٶڭٸل بٶلۋدٸ, سونداي-اق, ەلەۋمەتتٸك ماڭىزى بار تاۋارلاردىڭ باعاسىن قاتاڭ باقىلاۋدا ۇستاۋدا تاپسىردى.
قاسىم-جومارت توقاەۆ باقىتجان ساعىنتاەۆقا الماتى وبلىسىنىڭ ەكٸمٸمەن بٸرلەسٸپ الماتى قالاسىندا جۇمىس ٸستەيتٸن ٶڭٸر تۇرعىندارىنىڭ مەگاپوليسكە قاتىناۋ مەسەلەلەرٸن پىسىقتاۋ قاجەتتٸگٸن ايتتى.
