قازاقستان پارلامەنتٸ سەناتىنىڭ تٶراعاسى قاسىم-جومارت توقاەۆ نۇرسۇلتان نازارباەۆ 2020 جىلى ٶتۋٸ تيٸس كەزەكتٸ پرەزيدەنت سايلاۋىنا تٷسپەيدٸ دەپ ەسەپتەيدٸ. بۇل تۋرالى ريا نوۆوستي جازدى.
"اشىعىن ايتايىن, مەن پرەزيدەنت نازارباەۆ 2020 جىلعى پرەزيدەنت سايلاۋىنا قاتىساتىنىنا سەنبەيمٸن. ٶيتكەنٸ ول اقىلدى ادام, ٶتە پاراساتتى. 2020 جىلى بٸزدە پرەزيدەنت سايلاۋى نازارباەۆتان باسقا كانديداتتارمەن ٶتەدٸ دەپ ويلايمىن", — دەدٸ توقاەۆ بي-بي-سيدەگٸ Hardtalk باعدارلاماسىنا بەرگەن سۇحباتىندا.
سونىمەن قاتار سەنات سپيكەرٸ بۇل ٶزٸنٸڭ "جەكە پٸكٸرٸ" ەكەنٸن اتاپ ٶتتٸ.
"ەرينە, سايلاۋعا بارا ما, جوق پا, بۇل پرەزيدەنت نازارباەۆتىڭ ٶزٸنە بايلانىستى نەرسە. الايدا ول سايلاۋعا تٷسەتٸنٸنە سەنبەيتٸنٸمدٸ اشىق ايتۋعا تيٸسپٸن", — دەپ مەلٸمدەدٸ توقاەۆ.
"ٶزٸڭٸز 2020 جىلى پرەزيدەنت سايلاۋىنا تٷسۋدٸ جوسپارلاپ وتىرسىز با?" دەگەن سۇراققا توقاەۆ: "ولاي ايتپاس ەدٸم" دەپ جاۋاپ بەردٸ.
"ەگەر پرەزيدەنت نازارباەۆ تٸپتٸ ەل پرەزيدەنتٸ بولماسا دا, ٸشكٸ جەنە سىرتقى ساياساتقا زور ىقپال ەتەتٸن بولادى", — دەپ تٷيٸندەدٸ سەنات باسشىسى.
قازاقستاننىڭ قازٸرگٸ پرەزيدەنتٸ وسى جازدا 78 جاسقا تولادى. ول 1991 جىلدىڭ 1 جەلتوقسانىندا العاشقى بٷكٸلحالىقتىق سايلاۋدىڭ قورىتىندىسى بويىنشا پرەزيدەنت بولىپ, سودان بەرٸ ەلدٸ باسقارىپ كەلەدٸ. 2015 جىلدىڭ 26 سەۋٸرٸندە ٶتكەن سوڭعى كەزەكتەن تىس سايلاۋدا مەملەكەت باسشىسى سايلاۋشىلاردىڭ 98% داۋىسىن يەلەنٸپ, بەسٸنشٸ رەت جەڭٸسكە جەتتٸ. ونىڭ ٶكٸلەتتٸگٸ 2020 جىلدىڭ سەۋٸرٸندە اياقتالادى. كوستيتۋتسيياعا سەيكەس, نازارباەۆ قازاقستاننىڭ تۇڭعىش پرەزيدەنتٸ رەتٸندە بۇل لاۋازىمعا ٶمٸر بويى سايلاۋعا تٷسە الادى.
