قازاقستان پرەزيدەنتٸ قاسىم-جومارت توقاەۆ تٷركٸستان وبلىسى ماقتاارال اۋدانىنداعى تٶتەنشە جاعدايعا بايلانىستى پٸكٸر بٸلدٸردٸ, دەپ حابارلايدى "ۇلت اقپارات".
«ٶزبەكستانداعى سۋ قويماسى بٶگەتٸنٸڭ بۇزىلۋ سالدارىنان تٷركٸستان وبل. جەڭٸس جەنە جاڭا تۇرمىس اۋىلدارىن سۋ باستى. بٷگٸن پم اسقار مامين مەن وبلىس ەكٸمٸ ٶمٸرزاق شٶكەەۆ اۋىل تۇرعىندارىن ەۆاكۋاتسييالاۋ بويىنشا قابىلدانعان شارالار تۋرالى باياندادى. زارداپ شەككەن وتباسىلارعا كٶمەك كٶرسەتۋدٸ تاپسىردىم», - دەپ جازادى مەملەكەت باسشىسى Twitter پاراقشاسىندا.
ەستەرٸڭٸزگە سالا كەتەيٸك, 1 مامىردا ساردوبا سۋ قويماسى بٶگەتٸن سۋ شايىپ كەتۋٸنە بايلانىستى ٶزبەكستاننىڭ سىردارييا وبلىسىنداعى ەلدٸمەكەندٸ سۋ باستى.
سونىڭ سالدارىنان ماقتاارال اۋدانىندا شەكارا ماڭىنداعى بٸرنەشە كوللەكتور سۋعا تولىپ قالعان. ماقتاارالداعى ورتالىق كوللەكتوردان سۋ تٶگٸلٸپ, جەڭٸس, جاڭا تۇرمىس اۋىلدارىن سۋ الىپ كەتتٸ. وبلىستىق ماڭىزى بار «مىرزاكەنت - جەڭٸس - جاڭا تۇرمىس» اۆتوموبيل جولىن سۋ باسىپ, كٶلٸك جٷرە الماۋدا. تٶرت اۋىلدان 5400 ادام قاۋٸپسٸز جەرگە كٶشٸرٸلگەن.
سونداي-اق تٷركٸستان وبلىسىندا سۋ تاسقىنى قاۋپٸ تٶنگەن 3 اۋىلدىڭ حالقى ەۆاكۋاتسييالانىپ جاتىر. وبلىس ەكٸمٸ ٶمٸرزاق شٶكەەۆ حالىقتى سابىرعا شاقىرىپ, تٶتەنشە جاعدايدى رەتتەۋگە ايماقتىڭ تولىق مٷمكٸندٸگٸ بار ەكەنٸن ايتتى.
