قازاقستان پرەزيدەنتٸ قاسىم-جومارت توقاەۆ قىتايعا مەملەكەتتٸك ساپارى بارىسىندا وسى ەل تٷرمەسٸندە جاتقان وتانداسىمىز اقجارقىن تۇرلىبايدىڭ مەسەلەسٸن كٶتەردٸ. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ بريفينگتە قر پرەزيدەنتٸنٸڭ كٶمەكشٸسٸ مۇرات نۇرتٸلەۋوۆ مەلٸمدەدٸ, دەپ حابارلايدى "ۇلت اقپارات".
«بٸز جول جٷرگەلٸ وتىرعاندا قاسىم-جومارت كەمەلۇلىنىڭ اتىنا 2014 جىلى گۋانچجوۋ ەۋەجايىندا قىتاي قۇقىققورعاۋ ورگاندارى ۇستاعان وتانداسىمىز اقجارقىن تۇرلىبايدىڭ اناسىنان ٶتٸنٸش تٷسكەن بولاتىن. ونىڭ مەتٸنٸ باق-تا جارييالاندى. وسىعان وراي مەملەكەت باسشىسى بەيجٸڭدەگٸ كەزدەسۋلەردە قىتاي تاراپىنا جەكە ٶزٸنٸڭ ٶتٸنٸشٸن جەتكٸزدٸ. بۇل مەسەلە جان-جاقتى تالقىلاندى», - دەدٸ مۇرات نۇرتٸلەۋوۆ.
ونىڭ اتاپ ٶتۋٸنشە, ٶتٸنٸش نەتيجەسٸ بويىنشا سىرتقى ٸستەر مينيسترلٸگٸ ارقىلى وسى جۇمىستى جالعاستىرۋ ۋاعدالاستىعىنا قول جەتكٸزٸلدٸ.
«مەملەكەت باسشىسى ٶز تاراپىنان بۇل مەسەلەگە ٷلكەن كٶڭٸل بٶلٸپ وتىر. سوندىقتان ساپار نەتيجەسٸ بويىنشا بەرٸلەتٸن تاپسىرمالار تٸزٸمٸنە وتانداسىمىزدىڭ تاعدىرىنا قاتىستى مەسەلە ارنايى تارماق رەتٸندە ەنگٸزٸلەدٸ», - دەدٸ پرەزيدەنت كٶمەكشٸسٸ.
ەسكە سالا كەتەيٸك, قازاقستان ازاماتى اقجارقىن تۇرلىباي 2014 جىلى ناۋرىزدا گۋانچجوۋ ەۋەجايىندا ۇستالعان بولاتىن. وعان شەكارادان 4,5 كەلٸ ەسٸرتكٸنٸ الىپ ٶتپەك بولدى دەگەن ايىپ تاعىلدى. ول كەزدە وتانداسىمىز 20 جاستا بولعان ەدٸ. 2015 جىلدىڭ ماۋسىمىندا قىتاي سوتى ونى ٶمٸر بويىنا باس بوستاندىعىنان ايىردى. سوتتا اقجارقىن شەتەلدٸك دوسى الداپ كەتكەنٸن ايتىپ, كٸنەسٸن مويىنداعان جوق.
2016 جىلى سوت شەشٸمٸ جويىلىپ, ٸس قايتا قاراۋعا جٸبەرٸلدٸ.
بيىل 3 قىركٷيەكتە قىتايدىڭ گۋانچجوۋ قالالىق سوتىندا اقجارقىن تۇرلىبايدىڭ ٸسٸ بويىنشا وتىرىس ٶتتٸ. وتىرىستا قورعاۋشى تاراپ ۇسىنعان قىلمىستىق ٸس ماتەريالدارى قارالدى. ٷكٸمنٸڭ قاشان جارييالاناتىنى بەلگٸسٸز.
ال 9 قىركٷيەكتە وتانداسىمىزدىڭ اناسى زۋحرا سەيتٸموۆا قازاقستان پرەزيدەنتٸنە كٶمەك سۇراپ حات جازعانى حابارلاندى.
