مەملەكەت باسشىسى قاسىم-جومارت توقاەۆ قورعانىس مينيسترٸ نۇرلان ەرمەكباەۆقا قاتاڭ سٶگٸس جارييالادى, دەپ حابارلايدى "ۇلت اقپارات".
«بارلىق كٸنەلٸ ازاماتتار جاۋاپقا تارتىلۋى قاجەت. ارسەنالعا جاقىن جەر بەرگەن مەملەكەتتٸك قىزمەتكەرلەر دە جاۋاپقا تارتىلۋى شارت.
تيٸستٸ جۇمىستار جٷرگٸزٸلٸپ جاتقانى كٶرٸنٸپ تۇر. الايدا بٸز قازٸر جٷيەلٸك كەمشٸلٸكتەردٸڭ, سونداي-اق ەسكەري ۆەدومستۆو تاراپىنان باقىلاۋدىڭ ەلسٸرەۋٸنٸڭ سالدارىمەن كٷرەسٸپ جاتىرمىز. قورعانىس مينيسترلٸگٸ جٷيەسٸنە كەلگەنٸڭٸزگە كٶپ بولعان جوق, الايدا سالاداعى جاعدايعا تولىق جاۋاپتىسىز. جوعارعى باس قولباسشى رەتٸندە قورعانىس مينيسترلٸگٸندە تۋىنداعان جاعدايعا قاناعاتتانبايمىن. سوندىقتان سٸزگە قاتاڭ سٶگٸس جارييالايمىن», - دەدٸ توقاەۆ ٷكٸمەتتٸڭ كەڭەيتٸلگەن وتىرىسىندا.
مەملەكەت باسشىسىنىڭ قاتاڭ سٶگٸس جارييالاعانىن ەستٸگەن قورعانىس مينيسترٸ نۇرلان ەرمەكباەۆ بٸردەن «ەست!» دەپ ورنىنان تۇردى.
وسى ورايدا پرەزيدەنت ارىستاعى جارىلىستىڭ سالدارى ٶتە اۋىر ەكەنٸن اتاپ ٶتتٸ.
«بٸز كٷش-جٸگەردٸ وسى سالداردى جويۋعا جۇمىلدىردىق. قالانىڭ باسىم بٶلٸگٸ قيرادى», - دەدٸ ق.توقاەۆ.
ەسكە سالا كەتسەك, ارىس قالاسىنداعى ەسكەري بٶلٸمنٸڭ قويماسىندا 24 ماۋسىم كٷنٸ تاڭەرتەڭ جارىلىس بولدى. سالدارىنان ٷش ادام قازا تاپتى - ارىس تۇرعىنى مەن ەكٸ ەسكەري قىزمەتشٸ. 170-كە جۋىق ادام زارداپ شەكتٸ. 20-عا جۋىق ٷي, 9 قورا-قوپسى جانىپ, دالالى اۋماقتا 14 وشاق تۇتاندى. ٷي-جايلار مەن عيماراتتاردىڭ 80-90 پايىزىنا ەرتٷرلٸ دەڭگەيدە زاقىم كەلدٸ. بٸرقاتار ٶڭٸردە شۇعىل جەلٸلەر قۇرىلدى.
تٷركٸستان وبلىسىنا ارنايى بارعان قازاقستان پرەزيدەنتٸ قاسىم-جومارت توقاەۆ ارىستاعى ەسكەري بٶلٸمشەدەگٸ وق-دەرٸ قويماسىنداعى جارىلىستان زارداپ شەككەن قالا تۇرعىندارىمەن كەزدەسٸپ, قالانىڭ قالپىنا كەلتٸرٸلەتٸنٸنە ۋەدە بەردٸ.
ٷكٸمەت وتىرىسىندا پرەمەر-مينيستر اسقار مامين جارىلىس سالدارىنان كٶز جۇمعانداردىڭ تۋعان-تۋىستارىنا كٶڭٸل ايتىپ, تۇرعىندارعا بارلىق كٶمەك كٶرسەتٸلەتٸنٸن ايتتى. كەلتٸرٸلگەن زالالدىڭ كٶلەمٸ باعالانىپ, ٷكٸمەت رەزەرۆٸنەن اقشا بٶلٸنەدٸ.
ەۆاكۋاتسييالاۋ كەزٸندە مىڭنان استام اتا-انا بالارىنان كٶز جازىپ قالدى. سەبيلەردٸڭ بارلىعى تۋىس-تۋعاندارىنا دٸن-امان تاپسىرىلدى.
جارىلىس بولعاننان كەيٸن تٶرتٸنشٸ كٷنٸ تۇرعىندار ارىس قالاسىنا قايتتى.
