ٷكٸمەت ەكٸمدەرمەن بٸرلەسٸپ, شۇعىل تٷردە تۇراقتى جۇمىس ورىندارىن كٶبەيتۋگە كٸرٸسۋٸ كەرەك. بۇل تۋرالى ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات" اقوردا باسپاسٶز قىزمەتٸنٸڭ Twitter-دەگٸ پاراقشاسىنا سٸلتەمە جاساپ.
«بٸز «جۇمىسپەن قامتۋ جول كارتاسىن» قابىلدادىق. ونى جٷزەگە اسىرۋ ٷشٸن 1 ترلن تەڭگە قارجى بٶلدٸك. بٸراق جوسپاردا كٶرسەتٸلگەندەي 255 مىڭ ەمەس, 150 مىڭعا جۋىق ادام عانا جۇمىسقا ورنالاستى. جوبالاردىڭ دەنٸ, نەگٸزٸنەن, جٶندەۋ جۇمىستارىنا باعىتتالعان», - دەپ اتاپ ٶتتٸ قاسىم-جومارت توقاەۆ.
مەملەكەت باسشىسىنىڭ ايتۋىنشا, جوبالاردىڭ 6 پايىزىندا عانا تۇراقتى جۇمىس ورنى قاراستىرىلعان.
«ونىڭ ٶزٸندە مەملەكەتتٸك سەكتورلاردا, ياعني مەكتەپتەر مەن اۋرۋحانالاردا. مۇنداي جۇمىس مەنٸ قاتتى الاڭداتادى. ٷكٸمەت ەكٸمدەرمەن بٸرلەسٸپ, شۇعىل تٷردە تۇراقتى جۇمىس ورىندارىن كٶبەيتۋگە كٸرٸسۋٸ كەرەك», - دەدٸ پرەزيدەنت.
