قاسىم-جومارت توقاەۆ ەكونوميكالىق رەسۋرستاردىڭ زاڭسىز شوعىرلانۋىنا قارسى ٸس-قيمىل مەسەلەلەرٸ جٶنٸندەگٸ ۆەدومستۆوارالىق كوميسسييانىڭ وتىرىسىن ٶتكٸزدٸ, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنت جيىنعا قاتىسۋشىلار الدىندا سٶيلەگەن سٶزٸندە حالىقتىڭ كونستيتۋتسيياعا ەنگٸزٸلەتٸن تٷزەتۋلەردٸ رەفەرەندۋمدا قابىلداعانىن جەنە ونىڭ زاڭدى تٷردە كٷشٸنە ەنگەنٸن اتاپ ٶتتٸ. وسىلايشا, ازاماتتارىمىز جاڭا, ەدٸلەتتٸ قازاقستان قۇرۋدى قولدادى.
"رەفەرەندۋم اۋقىمدى جاڭعىرتۋلاردى جالعاستىرۋعا جول اشتى. بٸز ەلدٸڭ ٷمٸتٸن جەنە سەنٸمٸن اقتاۋعا تيٸسپٸز. بارلىق سالادا بەرٸنە بٸردەي مٷمكٸندٸك بەرٸلەتٸن قوعام قۇرۋىمىز قاجەت. تۇرعىندار ەكونوميكالىق ٶسٸمنٸڭ يگٸلٸگٸن شىن مەنٸندە كٶرۋٸ كەرەك. مەملەكەتتٸڭ بايلىعى بەلگٸلٸ بٸر ادامدارعا ەمەس, بارشا حالىققا تيەسٸلٸ. سوندىقتان, بٷكٸل حالىقتىڭ ەل-اۋقاتىن ارتتىرۋ - الدىمىزدا تۇرعان اسا ماڭىزدى مٸندەت", - دەدٸ پرەزيدەنت.
مەملەكەت باسشىسى ەكونوميكا سالاسىن تەرتٸپكە كەلتٸرٸپ, تٷسٸنٸكتٸ ەرٸ ەدٸل ويىن ەرەجەسٸن بەكٸتۋ قاجەت دەپ سانايدى. ونىڭ ايتۋىنشا, بۇل باعىتتا قوردالانعان پروبلەمالار مەن ولقىلىقتار بار.
قاسىم-جومارت توقاەۆ جاڭا قازاقستاندا ەكونوميكالىق دامۋدىڭ باستى قاعيداتى تابىستىڭ ەدٸل بٶلٸنۋٸ جەنە ازاماتتاردىڭ تۇرمىس ساپاسىن ارتتىرۋ بولۋعا تيٸس ەكەنٸن اتاپ ٶتتٸ.
"جۋىردا مەنٸڭ جارلىعىممەن ەكونوميكالىق رەسۋرستاردىڭ زاڭسىز شوعىرلانۋىنا قارسى كوميسسييا قۇرىلدى. بۇل كوميسسييا زاڭسىز جىلىستاتىلعان قاراجاتتى ەلگە قايتارۋمەن اينالىسادى. ونىڭ جۇمىسى ۇدايى قوعام نازارىندا بولادى. حالىق بٸزدەن بوس ۋەدە ەمەس, ناقتى نەتيجە كٷتەدٸ", - دەدٸ پرەزيدەنت.
پرەزيدەنتتٸڭ پٸكٸرٸنشە, ىنتىماقتى, زاڭدىلىقتى جەنە جاۋاپكەرشٸلٸكتٸ مٸنسٸز ساقتاۋ ماڭىزدى.
"بارلىق ٸس-ەرەكەت قۇقىقتىق نورمالارعا تولىق ساي بولۋعا جەنە زاڭعا قاتاڭ ەرٸ مٷلتٸكسٸز نەگٸزدەلۋگە تيٸس. پروكۋراتۋرا قاداعالاۋشى ورگان رەتٸندە قابىلداناتىن بارلىق رەسٸمدەردٸڭ زاڭعا تولىقتاي سەيكەس كەلۋٸن قامتاماسىز ەتۋگە مٸندەتتٸ. بۇل مەسەلەدە قاتەلەسۋگە جەنە بٸلٸكسٸزدٸك تانىتۋعا بولمايدى", - دەدٸ قاسىم-جومارت توقاەۆ.
سونىمەن قاتار مەملەكەت باسشىسى ۆەدومستۆوارالىق كوميسسييانى بەلسەندٸ ەرٸ نەتيجەلٸ جۇمىس ٸستەۋگە شاقىردى.
"كوميسسييا جۇمىسىنىڭ نەتيجەسٸ ناقتى ەرٸ ساپالى بولۋى كەرەك", - دەدٸ قاسىم-جومارت توقاەۆ.
مەملەكەت باسشىسىنىڭ ايتۋىنشا, ەلٸمٸزدەن زاڭسىز شىعارىلعان كاپيتالدى بارلىق زاڭدى رەسٸمدەردٸ ساقتاي وتىرىپ قايتارۋ ٷشٸن بەلگٸلٸ بٸر ۋاقىت كەرەك ەكەنٸن تٷسٸنۋ قاجەت.
قاسىم-جومارت توقاەۆتىڭ پٸكٸرٸنشە, باستى ماقسات سوتقا بەرٸلگەن قىلمىستىق ٸستەردٸڭ سانى ەمەس, ەكونوميكانى ناقتى ساۋىقتىرۋ.
پرەزيدەنت كوميسسييانىڭ قىزمەتٸ جٶنٸندە جۇرتشىلىققا جٷيەلٸ تٷردە حابار تاراتىپ وتىرۋدى تاپسىردى.
"بٸزدٸڭ ماقساتىمىز - ايقىن. حالىقتان ۇرلانعان اكتيۆتەردٸ ەلگە قايتارىپ, ەدٸلدٸك ورناتۋىمىز كەرەك. قازٸر, ەڭ باستىسى, جۇمىستى تيٸمدٸ ۇيىمداستىرۋ قاجەت. كوميسسييا مٷشەلەرٸ وسى مٸندەتتٸ ابىرويمەن اتقارادى دەپ سەنەمٸن. پرەزيدەنت ەكٸمشٸلٸگٸ بارلىق جۇمىستى باقىلاۋدا ۇستايدى", - دەدٸ مەملەكەت باسشىسى.
سونىمەن قاتار, جيىندا پرەمەر-مينيستر ەليحان سمايىلوۆ جەنە باس پروكۋرور بەرٸك اسىلوۆ بايانداما جاسادى.
