قازاقستان پرەزيدەنتٸ حالىقارالىق ەلەكتر بايلانىسى وداعىنىڭ باس حاتشىسى چجاو حوۋليندٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا قازاقستان مەن حالىقارالىق ەلەكتر بايلانىسى وداعىنىڭ ينفوكوممۋنيكاتسييالىق تەحنولوگييا سالاسىنداعى ٶزارا ٸس-قيمىل مەسەلەلەرٸ تالقىلاندى.
پرەزيدەنت قازاقستاندا جاڭا يننوۆاتسييالار مەن تەحنولوگييالاردى دامىتۋعا جەنە ەنگٸزۋگە باسا مەن بەرٸلەتٸنٸن اتاپ ٶتتٸ. مەملەكەت باسشىسى ٶڭٸردە زاماناۋي ينفوكوممۋنيكاتسييالىق ينفراقۇرىلىم قۇرۋدىڭ ماڭىزدىلىعىن ايتتى.
چجاو حوۋلين قاسىم-جومارت توقاەۆقا حالىقارالىق ەلەكتر بايلانىسى وداعى قىزمەتٸنٸڭ نەگٸزگٸ باعىتتارى تۋرالى مەلٸمدەدٸ. اتاپ ايتقاندا, ول پرەزيدەنتكە ٶزٸ باسقاراتىن وداقتىڭ 4G جەنە 5G سيياقتى تەلەكوممۋنيكاتسييالار مەن قىزمەت كٶرسەتۋ سالاسى بويىنشا ەزٸرلەپ جاتقان حالىقارالىق ستاندارتتارى جٶنٸندە ايتتى.
حالىقارالىق ەلەكتر بايلانىسى وداعى باس حاتشىسىنىڭ باعالاۋىنشا, قازاقستاندا بلوكچەين, Big Data تەحنولوگييالارىن, جاڭا ساندىق قارجى قۇرالدارىن پايدالانۋعا, سونداي-اق, اۋىل شارۋاشىلىعىندا, بٸلٸم بەرۋ جەنە دەنساۋلىق ساقتاۋ سالالارىندا, مەملەكەتتٸك باسقارۋ ٸسٸندە كەڭٸنەن قولدانىلاتىن اقپاراتتىق-كوممۋنيكاتسييالىق تەحنولوگييالاردى ەنگٸزۋگە جاقسى مٷمكٸندٸكتەر جاسالعان دەپ سانايدى.
كەزدەسۋگە تسيفرلىق دامۋ, قورعانىس جەنە اەروعارىش ٶنەركەسٸبٸ مينيسترٸ اسقار جۇماعاليەۆ, پرەزيدەنتتٸڭ كٶمەكشٸسٸ مۇرات نۇرتٸلەۋوۆ, حالىقارالىق ەلەكتر بايلانىسى وداعىنىڭ ٶڭٸرلٸك ٶكٸلٸ كيريلل وپارين قاتىستى.
