مەملەكەت باسشىسى كوروناۆيرۋس پاندەميياسىنىڭ تارالۋىنا بايلانىستى ەلٸمٸزدە تٶتەنشە جاعداي جارييالانىپ, ەلوردادا كارانتين ەنگٸزٸلگەننەن كەيٸن جٸبەك جولى اۋىلى ماڭىنا قويىلعان №6 باقىلاۋ-ٶتكٸزۋ بەكەتٸنە بارىپ, جۇمىسىمەن تانىستى, دەپ حابارلايدى "ۇلت اقپارات".
قازاقستان پرەزيدەنتٸ كارانتين رەجيمٸن قامتاماسىز ەتەتٸن قالا ەكٸمدٸگٸنٸڭ, دەنساۋلىق ساقتاۋ, ٸشكٸ ٸستەر ورگاندارىنىڭ, قورعانىس مينيسترلٸگٸ مەن ۇلتتىق گۆاردييانىڭ ەسكەري قىزمەتشٸلەرٸنٸڭ دايىندىعىنا وڭ باعا بەردٸ.
قاسىم-جومارت توقاەۆ ەلوردا ەكٸمٸنٸڭ, دەنساۋلىق ساقتاۋ, ٸشكٸ ٸستەر, قورعانىس مينيسترلەرٸنٸڭ كوروناۆيرۋس ٸندەتٸنە قارسى كٷرەسۋ ٷشٸن قابىلداعان شارالارى جايىنداعى ەسەپتەرٸن تىڭدادى.
ەلٸمٸزدەگٸ مەديتسينا قىزمەتكەرلەرٸنٸڭ پاندەميياعا قارسى كٷرەستەگٸ اۋىر ەڭبەگٸن اتاپ ٶتكەن مەملەكەت باسشىسى, ولارعا ريزاشىلىعىن بٸلدٸرٸپ, ەڭبەكاقىلارى مەن سىياقىلارىن ۋاقىتىلى ەرٸ تولىق كٶلەمدە بەرۋدٸڭ ماڭىزدى ەكەنٸن اتاپ ٶتتٸ.
پرەزيدەنت قاسىم-جومارت توقاەۆ پرەمەر-مينيستر اسقار مامينگە اسا قولايسىز ەلەمدٸك كونيۋكتۋرا جاعدايىندا ەكونوميكانى باسقارۋدىڭ جاڭا ەدٸستەرٸن ەزٸرلەۋ قاجەتتٸگٸن ايتتى.
– كەز كەلگەن قولايسىز جاعدايعا, تٸپتٸ اسا كٷردەلٸ احۋالعا, سونداي-اق, ەكونوميكانى موبيليزاتسييالايتىن قادامعا دا ەزٸر بولۋىمىز كەرەك. قىسقاسى, ساقاداي ساي بولعان جٶن, – دەدٸ قاسىم-جومارت توقاەۆ.
مەملەكەت باسشىسى قورعانىس مينيسترلٸگٸنٸڭ ەسكەري قىزمەتشٸلەرٸنە, ٸشكٸ ٸستەر مينيسترلٸگٸ مەن باسقا دا ۆەدومستۆو قىزمەتكەرلەرٸنە تابىس تٸلەپ, كارانتين ەنگٸزۋدٸڭ سەبەپتەرٸن تٷسٸندٸردٸ.
– قازٸرگٸ جاعدايدا كارانتين ەنگٸزبەسە بولمايدى. ەلەمدە نە بولىپ جاتقانىن كٶرٸپ وتىرسىزدار. مۇنداي كەزدە ناقتى ەرەكەت جاساپ, ۇيىمشىلدىق تانىتۋ كەرەك. سوندىقتان كارانتين ەنگٸزۋ سيياقتى تەسٸلدەردٸ قولدانۋعا تۋرا كەلەدٸ. ازاماتتارىمىز قابىلدانعان شارالارعا تٷسٸنٸستٸكپەن قارايدى دەپ ويلايمىن. مۇنىڭ بەرٸ حالقىمىزدىڭ دەنساۋلىعىن ساقتاۋ ٷشٸن ٸستەلٸپ وتىر, – دەدٸ مەملەكەت باسشىسى.
قر پرەزيدەنتٸ تەلەراديوكەشەنٸ جارييالاعان ۆيدەودا نۇر-سۇلتان قالاسىنىڭ ەكٸمٸ قاسىم-جومارت توقاەۆقا قالاداعى جاعداي تۋرالى باياندايدى.
التاي كٶلگٸنوۆ قازٸرگٸ ۋاقىتقا دەيٸن قالاعا 3600-دەن استام اۆتوكٶلٸك كٸرگەنٸن مەلٸم ەتتٸ. ولارمەن نۇر-سۇلتان قالاسىنىڭ تۇرعىندارى مەن ترانزيت ارقىلى كەتەتٸندەر كەلگەن. ترانزيتپەن كەلگەندەر قالاعا كٸرمەي, اينالما جول ارقىلى شىعىپ كەتٸپ جاتىر.
«ەلوردادا قازٸرگٸ ۋاقىتتا 47 مىڭ توننا استىق بار. ايلىق قاجەتتٸلٸك – 38 مىڭ توننا. ەڭ ماڭىزدى ازىق-تٷلٸك بويىنشا باعانى تۇراقتاندىرىپ جاتىرمىز. ازاماتتارعا قاجەت بولماعان جاعدايدا كٶشەگە ارتىق شىعۋدىڭ قاجەتٸ جوق دەپ ايتۋدامىز», - دەدٸ پرەزيدەنتكە ەلوردا ەكٸمٸ.
ٶز كەزەگٸندە دەنساۋلىق ساقتاۋ مينيسترٸ ەلجان بٸرتانوۆ بٷگٸندە نۇر-سۇلتاندا 7 ناۋقاستىڭ انىقتالعانىن جەتكٸزدٸ.
مينيستردٸڭ ايتۋىنشا ولارمەن بايلانىستا بولعانداردى انىقتاۋ جۇمىستارى جٷرگٸزٸلۋدە. دەرٸگەرلەر قالاعا كٸرٸپ جاتقان ازاماتتاردىڭ تەمپەراتۋراسىن ٶلشەپ, قولىنا كوروناۆيرۋس جايلى انىقتاما پاراعىن بەرۋدە.
