قازاقستان پرەزيدەنتٸ قاسىم-جومارت توقاەۆ حالىقارالىق ارمييا ويىندارىندا سەتتٸ ٶنەر كٶرسەتكەن قازاقستان قارۋلى كٷشتەرٸنٸڭ كومانداسىن قۇتتىقتادى.
"سٸزدەر جوعارى كەسٸبي دايىندىق پەن جاۋىنگەرلٸك شەبەرلٸكتەرٸڭٸزدٸ كٶرسەتٸپ, 39 كوماندانىڭ اراسىنان 3-شٸ ورىنعا يە بولدىڭىزدار. يگٸلٸكتٸ ٸستەرٸڭٸزدە جاڭا جەتٸستٸكتەرگە جەتە بەرٸڭٸزدەر!– دەپ جازدى مەملەكەت باسشىسى Twitter-دەگٸ پاراقشاسىندا.
قازاقستاندىقتاردى مەسكەۋ وبلىسىنىڭ "الابينو" پوليگونىندا ماراپاتتادى. "پاتريوت" ساياباعىندا V حالىقارالىق ارمييا ويىندارىنىڭ سالتاناتتى جابىلۋ رەسٸمٸ ٶتتٸ. شاراعا قازاقستاننىڭ قورعانىس مينيسترٸ نۇرلان ەرمەكباەۆ قاتىستى, - دەپ حابارلادى ۆەدومستۆونىڭ باسپاسٶز قىزمەتٸ.
قازاقستاندىق ەسكەريلەر جەكە ەسەپتە بٸرنەشە مەرتە ٷزدٸك نەتيجە كٶرسەتتٸ. وتاندىق سۋ-25 ەكيپاجى "شابۋىل اۆياتسيياسى" نوميناتسيياسىندا بٸرٸنشٸ ورىندى يەلەندٸ. جەكە شەبەرلٸك سىناعىندا قازاقستاندىق ەسكەري مەديتسينا قىزمەتكەرلەرٸنە تەڭ كەلەتٸندەر بولمادى.
ەڭ قىزىقتى بايقاۋدىڭ بٸرٸ - "تانك بياتلونىندا" قازاقستاندىق كوماندا ٷزدٸك ٷشتٸك قاتارىندا بولدى.
مەرەيتويلىق حالىقارالىق ارمييا ويىندارى 3-17 تامىز ارالىعىندا ٶتتٸ. جارىس قازاقستان, رەسەي, ەزەربايجان, ارمەنييا, بەلارۋس, ٷندٸستان, يران, قىتاي جەنە ٶزبەكستان ەلدەرٸنٸڭ 25 ەسكەري پوليگونىندا ٶتتٸ. بيىل 32 بايقاۋدان تۇراتىن سايىسقا 39 ەلدەن 223 كوماندا قاتىستى.
