فوتو: اقوردانىڭ باسپاسٶز قىزمەتٸ
مەملەكەت باسشىسى قاسىم-جومارت توقاەۆ قازاقستاندىقتاردى كونستيتۋتسييا كٷنٸمەن قۇتتىقتادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"قۇرمەتتٸ وتانداستار!
سٸزدەردٸ كونستيتۋتسييا كٷنٸمەن قۇتتىقتايمىن!
اتا زاڭ – مەملەكەتتٸلٸگٸمٸزدٸڭ مىزعىماس تٸرەگٸ ەرٸ ەلٸمٸزدٸڭ ساياسي جەنە قوعامدىق قۇرىلىسىن, اينىماس قۇندىلىقتارى مەن دامۋ جولىنداعى ستراتەگييالىق باعىت-باعدارىن ايقىندايتىن باستى قۇجاتىمىز.
جالپىۇلتتىق رەفەرەندۋم ارقىلى جاڭارتىلعان كونستيتۋتسييامىز ۇلتتى ۇيىستىرۋدىڭ ناعىز سيمۆولىنا اينالدى. سونداي-اق نەگٸزگٸ زاڭىمىز ەلدٸڭ ساياسي جٷيەسٸن دەموكراتييالاندىرۋدى, زاڭ ٷستەمدٸگٸن قامتاماسىز ەتۋدٸ جەنە حالىقتىڭ ەل-اۋقاتىن ارتتىرۋدى كٶزدەيتٸن اۋقىمدى ٶزگەرٸستەردٸڭ بەرٸك تۇعىرى سانالادى. كونستيتۋتسييالىق سوتتىڭ قۇرىلۋى – وسىنداي ينستيتۋتسيونالدى رەفورمانىڭ بٸرٸ. بۇل قۇرىلىم ازاماتتاردىڭ قۇقىقتارى مەن بوستاندىقتارى قورعالاتىنىنا ەردايىم كەپٸلدٸك بەرەتٸن اتا زاڭىمىزدىڭ رٶلٸن مەيٸلٸنشە ارتتىردى.
جالپىعا بٸردەي جول اشاتىن ەدٸلەتتٸ قازاقستاندى قۇرۋ ٷشٸن كونستيتۋتسييا قاعيدالارى قاتاڭ ساقتالىپ قانا قويماي, قوعامنىڭ سانا-سەزٸمٸنە بٸرجولا ورنىعۋعا تيٸس. «ادال ازامات» دەگەن اتقا لايىق ەربٸر ادام اتا زاڭنىڭ بيٸك مۇراتتارىن قولدايتىنىنا جەنە ونى ٶمٸرلٸك ۇستانىمىنا اينالدىراتىنىنا نىق سەنٸمدٸمٸن.
بارشاڭىزعا زور دەنساۋلىق, باق-بەرەكە جەنە تولاعاي تابىس تٸلەيمٸن!" - دەدٸ پرەزيدەنت.
