Foto: Aqordanyń baspasóz qyzmeti
Memleket basshysy Qasym-Jomart Toqaev qazaqstandyqtardy Konstitýtsiia kúnimen quttyqtady, dep habarlaidy "Ult aqparat" Aqordanyń baspasóz qyzmetine silteme jasap.
"Qurmetti otandastar!
Sizderdi Konstitýtsiia kúnimen quttyqtaimyn!
Ata zań – memlekettiligimizdiń myzǵymas tiregi ári elimizdiń saiasi jáne qoǵamdyq qurylysyn, ainymas qundylyqtary men damý jolyndaǵy strategiialyq baǵyt-baǵdaryn aiqyndaityn basty qujatymyz.
Jalpyulttyq referendým arqyly jańartylǵan Konstitýtsiiamyz ultty uiystyrýdyń naǵyz simvolyna ainaldy. Sondai-aq negizgi zańymyz eldiń saiasi júiesin demokratiialandyrýdy, zań ústemdigin qamtamasyz etýdi jáne halyqtyń ál-aýqatyn arttyrýdy kózdeitin aýqymdy ózgeristerdiń berik tuǵyry sanalady. Konstitýtsiialyq Sottyń qurylýy – osyndai institýtsionaldy reformanyń biri. Bul qurylym azamattardyń quqyqtary men bostandyqtary qorǵalatynyna árdaiym kepildik beretin Ata zańymyzdyń rólin meiilinshe arttyrdy.
Jalpyǵa birdei jol ashatyn Ádiletti Qazaqstandy qurý úshin Konstitýtsiia qaǵidalary qatań saqtalyp qana qoimai, qoǵamnyń sana-sezimine birjola ornyǵýǵa tiis. «Adal azamat» degen atqa laiyq árbir adam Ata zańnyń biik murattaryn qoldaitynyna jáne ony ómirlik ustanymyna ainaldyratynyna nyq senimdimin.
Barshańyzǵa zor densaýlyq, baq-bereke jáne tolaǵai tabys tileimin!" - dedi Prezident.
