فوتو: اقوردانىڭ باسپاسٶز قىزمەتٸ
مەملەكەت باسشىسى «قازاقستان تەمٸر جولى» ۇك» اق باسقارما تٶراعاسى نۇرلان ساۋرانباەۆتى قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆقا ۇلتتىق كومپانييا قىزمەتٸنٸڭ 2023 جىلعى نەگٸزگٸ نەتيجەسٸ جەنە الداعى كەزەڭگە ارنالعان جوسپارى تۋرالى ەسەپ بەرٸلدٸ.
نۇرلان ساۋرانباەۆتىڭ ايتۋىنشا, سوڭعى ٷش جىلدا «قازاقستان تەمٸر جولىنىڭ» نەگٸزگٸ ٶندٸرٸستٸك كٶرسەتكٸشتەرٸندە ٶسٸم بايقالادى. بىلتىر جٷك اينالىمى 7 پايىزعا ارتىپ, 270 ميلليارد توننا-كيلومەترگە جەتتٸ. ترانزيتتٸك تاسىمالداۋ كٶلەمٸ 18 پايىزعا ۇلعايىپ, 27 ميلليون توننادان استى. نەتيجەسٸندە كومپانييانىڭ كٸرٸسٸ ٶتكەن جىلمەن سالىستىرعاندا 29,3 پايىزعا ٶسٸپ, 1,9 تريلليون تەڭگەنٸ قۇرادى. كومپانييا 154 ميلليارد تەڭگە تازا پايدا تاپتى. بۇل 2022 جىلمەن سالىستىرعاندا تٶرت ەسە كٶپ ەرٸ كومپانييانىڭ رەكوردتىق كٶرسەتكٸشٸ سانالادى.
پرەزيدەنتكە دوستىق – مويىنتى, الماتى ستانتسيياسىن اينالىپ ٶتەتٸن تەمٸرجول جەلٸسٸن سالۋ جەنە باسقا دا ٸرٸ ينفراقۇرىلىمدىق جوبالاردىڭ ٸسكە اسىرىلۋى تۋرالى باياندالدى. بٷگٸنگٸ تاڭدا 350 شاقىرىمنان استام جول تٶسەلگەن. اتالعان جوبالاردىڭ ٸسكە قوسىلۋى مەملەكەتارالىق تٷيٸسۋ پۋنكتتەرٸنٸڭ ٶتكٸزۋ قابٸلەتٸن ارتتىرادى.
سونىمەن قاتار مەملەكەت باسشىسىنا سيان قالاسىنداعى قۇرعاق پورتتا جٷك تەرمينالىنىڭ قۇرىلىسى اياقتالعانى جٶنٸندە مەلٸمەت بەرٸلدٸ. قىتايدىڭ ەڭ ٸرٸ لوگيستيكالىق حابىندا ورنالاسقان بۇل تەرمينال ەلٸمٸزگە قاراي جٷكتەردٸڭ تۇراقتى تاسىمالدانۋىن قامتاماسىز ەتەدٸ جەنە وتاندىق ەكسپورتتاۋشىلار ٷشٸن جاڭا ٶتكٸزۋ نارىقتارىنا جول اشادى.
ەلەمدٸك Huawei, Wabtec جەنە PSA سەكٸلدٸ جەتەكشٸ كومپانييالارمەن بٸرگە «اقىلدى تەمٸرجول» جوباسىن جٷزەگە اسىرۋ جۇمىستارى جٷرگٸزٸلٸپ جاتىر. جاڭا شەشٸمدەردٸڭ ەنگٸزٸلۋٸ تەمٸرجولدىڭ ٶتكٸزۋ قابٸلەتٸن ۇلعايتۋعا, وتىن شىعىنىن ازايتۋعا جەنە پويىزداردىڭ قاۋٸپسٸزدٸگٸن ارتتىرۋعا مٷمكٸندٸك بەرەدٸ.
كەزدەسۋ سوڭىندا قاسىم-جومارت توقاەۆ كومپانييانىڭ ينۆەستيتسييالىق جوبالارىن ٸسكە اسىرۋ ماڭىزدى ەكەنٸن اتاپ ٶتٸپ, ەلٸمٸزدٸڭ كٶلٸك-ترانزيت ەلەۋەتٸن دامىتۋ مەسەلەسٸنە باسا نازار اۋداردى.
