فوتو: اقوردا
مەملەكەت باسشىسى قاسىم-جومارت توقاەۆ قازاقستان حالقىن جاڭا 2025 جىلمەن قۇتتىقتادى, دەپ حابارلايدى Ult.kz اقوردانىڭ رەسمي سايتىنا سٸلتەمە جاساپ.
اقوردانىڭ باسپاسٶز قىزمەتٸ پرەزيدەنتتٸڭ جاڭاجىلدىق قۇتتىقتاۋ سٶزٸنٸڭ تولىق مەتٸنٸن جارييالادى.
قىمباتتى وتانداستار!
سٸزدەردٸ جاڭا جىل مەرەكەسٸمەن شىن جٷرەكتەن قۇتتىقتايمىن!
بٷگٸن بەرٸمٸز جٷزجىلدىقتىڭ شيرەك عاسىرلىق بەلەسٸنە قادام باسقالى تۇرمىز. بيىل التاي مەن اتىراۋ اراسىنداعى بارشا جۇرت تاريحتىڭ جاڭا پاراعىن بٸر مەزەتتە اشادى. حالقىمىز ەكٸ جىلدىڭ توعىسار تۇسىن ٸزگٸ نيەتپەن, ەرەكشە كٶڭٸل-كٷيمەن كٷتەدٸ. ٶتكەن كٷندەردٸ سارالاپ, ەسكٸ جىلعا باعا بەرەدٸ. ارمان-ماقساتىن ايقىنداپ, بولاشاققا ٷلكەن ٷمٸتپەن قارايدى. بۇل – ناعىز وتباسىلىق مەرەكە. سوندىقتان مەن بارشاڭىزعا, ەڭ الدىمەن, ەلٸمٸز امان, جۇرتىمىز تىنىش, باۋىرىمىز بٷتٸن بولسىن دەگٸم كەلەدٸ.ۇلۋ جىلى ۇلتىمىز ٷشٸن ماڭىزدى وقيعالارعا تولى بولدى. تٷرلٸ سالاداعى رەفورمالار جەمٸسٸن بەرە باستادى. ەكونوميكانىڭ جاڭا باعدارىن بەلگٸلەپ, ناقتى شارالاردى قولعا الدىق. ٶڭدەۋ ٶنەركەسٸبٸ قارقىندى دامۋدا. بٸرقاتار ٸرٸ ٶندٸرٸس ورنى اشىلدى. ينۆەستيتسييالىق احۋال جاقساردى. مىڭداعان شاقىرىم جول سالىنىپ, جٶندەلدٸ. ەلٸمٸزدەگٸ ەڭ ۇزىن كٶپٸردٸڭ قۇرىلىسى اياقتالىپ, حالىق يگٸلٸگٸنە بەرٸلدٸ.
ديقاندارىمىز مول استىق جيناپ, قامبانى دەنگە تولتىردى. "تازا قازاقستان" اكتسيياسىنىڭ اياسىندا قالالار مەن اۋىلدار جاڭاشا كەلبەتكە يە بولا باستادى. العاش رەت ازاماتتارىمىزدىڭ ورتاشا ٶمٸر سٷرۋ ۇزاقتىعى 75 جاسقا جەتتٸ.
ٶسكەلەڭ ۇرپاقتىڭ جارقىن بولاشاعى ٷشٸن اۋقىمدى جۇمىس اتقارىلىپ جاتىر. ۇلتتىق قورداعى قارجىنىڭ بٸر بٶلٸگٸ بالالاردىڭ ەسەپشوتىنا تٷستٸ. جٷزدەن استام جاڭا مەكتەپ اشىلدى. كٶپتەگەن ەلەۋمەتتٸك نىسان سالىندى.
پارلامەنت دەپۋتاتتارى قوعامداعى ٶزەكتٸ مەسەلەلەر بويىنشا زاڭدار قابىلدادى. سونداي-اق بيىل بٸز ەلٸمٸزدٸڭ كەلەشەگٸنە ايرىقشا ەسەر ەتەتٸن ٶتە ماڭىزدى شەشٸم قابىلدادىق. اتوم ەلەكتر ستانتسيياسىنا قاتىستى رەفەرەندۋم ٶتكٸزدٸك. كٶپشٸلٸك بۇل باستاماعا قولداۋ بٸلدٸردٸ.
قازاقستاننىڭ ەلەمدٸك ارەناداعى ابىرويى ارتا تٷستٸ. استانادا بەدەلدٸ حالىقارالىق ۇيىمداردىڭ ماڭىزدى سامميتتەرٸ ٶتتٸ.دٷنيەجٷزٸلٸك كٶشپەندٸلەر ويىندارىنا مىڭداعان سپورتشىلار مەن مەيماندار كەلدٸ. بايراقتى بەسەكەنٸ تابىستى ۇيىمداستىرىپ, تٶل ٶركەنيەتٸمٸزدٸ جەر جٷزٸنە تانىتتىق. سپورتشىلارىمىز وليمپيادا جەنە پاراليمپيادا ويىندارىندا كٶك تۋىمىزدى بيٸكتە جەلبٸرەتتٸ.
وقۋشىلارىمىز تٷرلٸ بٸلٸم سايىستارىنان جٷلدەلٸ ورالدى. باسقا دا كٶپتەگەن تابىس بار.
بيىل كٶكتەمدە بٸرقاتار ايماقتا الاپات تاسقىن بولعانىن بٸلەسٸزدەر. تابيعاتتىڭ توسىن سىناعى بەرٸمٸزگە اۋىر تيگەنٸ سٶزسٸز. سوعان قاراماستان, قيىن كٷندەردە حالقىمىز بٸر-بٸرٸنە جاناشىر بولىپ, مىزعىماس بٸرلٸگٸن كٶرسەتتٸ. زارداپ شەككەن بارشا ازاماتقا جان-جاقتى كٶمەك بەرٸلدٸ. مەملەكەت ەشكٸمدٸ نازاردان تىس قالدىرعان جوق. بارلىق مٸندەتتەمەسٸن تولىق ورىندادى. جٷزدەگەن وتباسى جاڭا جىلدى جاڭا شاڭىراقتا قارسى الىپ جاتىر.بٸز وسىلايشا ىرىستى ىنتىماعىمىزدىڭ ارقاسىندا بارلىق قيىندىقتى ەڭسەرەمٸز. العا سەنٸممەن قادام باسامىز. جٷيەلٸ رەفورمالار ودان ەرٸ جالعاسادى. جوسپارىمىزدىڭ بەرٸ ويداعىداي ورىندالادى. الداعى جىل بۇدان دا تابىستى بولادى. مەن پرەزيدەنت رەتٸندە بۇعان بار كٷش-جٸگەرٸمدٸ سالامىن.
ٷكٸمەت تيٸمدٸ جۇمىس اتقارىپ, ەكونوميكانىڭ قارقىندى ٶسٸمٸن قامتاماسىز ەتۋگە تيٸس. جاڭا ٶندٸرٸس ورىندارىن اشىپ, بيزنەسكە قولايلى جاعداي جاساۋ قاجەت. جول سالۋدى جالعاستىرىپ, كوممۋنالدىق سالاداعى تٷيتكٸلدٸ مەسەلەلەردٸ شەشۋ كەرەك. تسيفرلىق تەحنولوگييالاردى, سونىڭ ٸشٸندە جاساندى ينتەللەكتٸنٸ قولدانۋ اياسىن كەڭەيتكەن جٶن. اۋىل ەڭبەككەرلەرٸن بارىنشا قولداۋ ماڭىزدى. باستى ماقساتىمىز – ازاماتتاردىڭ ەل-اۋقاتىن ارتتىرۋ.
قادٸرلٸ اعايىن!
وسى مەرەكەلٸك سەتتە مەن ەر شاڭىراققا شاتتىق تٸلەيمٸن! جاڭا جىل ەر ازاماتقا جاقسىلىق ەكەلسٸن! تٶرت قۇبىلامىز تٷگەل بولسىن! ارداقتى انالارىمىز بەن ارداگەرلەرٸمٸز امان بولسىن! جاس ۇرپاقتىڭ جولى اشىق, بولاشاعى جارقىن بولسىن! قاستەرلٸ وتانىمىز ٶسٸپ-ٶركەندەي بەرسٸن! جاڭا جىلدا بارشاڭىزعا اماندىق, باق-بەرەكە تٸلەيمٸن!
ەر ٷيدە قۋانىش كٶپ بولسىن! سٸزدەرگە مىقتى دەنساۋلىق تٸلەيمٸن! ىرىس-نەسٸبەلەرٸڭٸز ارتا بەرسٸن!
جاڭا جىل قۇتتى بولسىن!
