فوتو: Akorda.kz
قاسىم-جومارت توقاەۆ HMS Bergbau AG كومپانيياسىنىڭ باسقارما تٶراعاسى دەننيس شۆيندتٸ قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
كەزدەسۋ بارىسىندا مەملەكەت باسشىسى قازاقستاننىڭ شەتەلدٸك ينۆەستورلاردى قولدايتىنىن جەنە جوبالاردى تابىستى ٸسكە اسىرۋ ٷشٸن قولايلى جاعداي جاسايتىنىن اتاپ ٶتتٸ.
پرەزيدەنت ەلەمنٸڭ دامىعان ەلدەرٸنٸڭ ەكونوميكاسى تاراپىنان ليتييگە سۇرانىس ارتىپ كەلە جاتقانىنا نازار اۋدارىپ, سيرەك كەزدەسەتٸن مەتالداردى ٶندٸرۋ جەنە قايتا ٶڭدەۋ ىنتىماقتاستىقتى دامىتۋدىڭ اسا ماڭىزدى باعىتتارىنىڭ بٸرٸ ەكەنٸن ايتتى.
مەملەكەت باسشىسى تاۋ-كەن ٶندٸرۋ ٶنەركەسٸبٸنە قولايلى رەتتەۋ ەكوجٷيەسٸن قالىپتاستىرۋ ٷشٸن قازاقستان بار كٷش-جٸگەرٸن جۇمسايتىنىن جەتكٸزدٸ.
ٶز كەزەگٸندە HMS Bergbau AG باسشىسى شىعىس قازاقستان وبلىسىندا ليتيي ٶندٸرەتٸن جەنە ونى قايتا ٶڭدەيتٸن كەن بايىتۋ كومبيناتىن سالۋ جوباسىن تانىستىردى. ونىڭ ايتۋىنشا, جوسپارلانعان ينۆەستيتسييانىڭ جالپى سوماسى – 500 ميلليون دوللار.
قاسىم-جومارت توقاەۆ مۇنداي ينۆەستيتسييالىق جوبالاردىڭ ەل ەكونوميكاسى مەن ونىڭ ەلەمدٸك ارەناداعى بەسەكەگە قابٸلەتتٸلٸگٸن قولداۋ ٷشٸن ماڭىزدى ەكەنٸن اتاپ ٶتتٸ.
HMS Bergbau AG – گەرمانيياداعى قاتتى پايدالى قازبالاردى بارلاۋمەن جەنە ٶندٸرۋمەن اينالىساتىن جەتەكشٸ تەۋەلسٸز كومپانييالاردىڭ بٸرٸ. بۇل كومپانييا اقش, سينگاپۋر, وار, يندونەزييا, پولشا, باە, بوتسۆانا مەملەكەتتەرٸندە شيكٸزات ٶندٸرۋ جۇمىستارىن بەلسەندٸ جٷرگٸزەدٸ. سونداي-اق ونىڭ قىتايدا, ٷندٸستاندا, كەنييادا, مالايزييادا, پەكٸستاندا, شري-لانكادا, بانگلادەشتە جەنە ۆەتنامدا ٶكٸلدٸكتەرٸ بار.
