فوتو: Akorda.kz
مەملەكەت باسشىسى ەلوردانى دامىتۋ مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنت ٶز سٶزٸندە بيىل باس قالامىزدىڭ قۇرىلعانىنا 25 جىل تولعانىن, استانا شيرەك عاسىر ٸشٸندە زاماناۋي ٸرٸ قالاعا اينالعانىن اتاپ ٶتتٸ. ەلوردا كٷن ساناپ ۇلعايىپ كەلەدٸ. تۇرعىندار سانى ايتارلىقتاي كٶبەيدٸ. الداعى جىلدارى قالا حالقى 1,5 ميلليونعا جەتەدٸ دەگەن بولجام بار. بۇدان دا كٶپ بولۋى ەبدەن مٷمكٸن.
– بٸراق قالانىڭ باس جوسپارىندا بۇل جاعداي تولىق ەسكەرٸلمەگەن. ەرينە, قالانىڭ قارقىندى دامىعانى جاقسى. دەگەنمەن قازٸر وسى ٷردٸس ەلەۋمەتتٸك ينفراقۇرىلىمعا زور سالماق تٷسٸرٸپ وتىر. ەلٸ كٷنگە دەيٸن شەشٸمٸن تاپپاي كەلە جاتقان مەسەلەلەر بار. مۇنى جۇرت بٸلٸپ وتىر. سوندىقتان ٷكٸمەت تە, ەكٸمدٸك تە سونىڭ بەرٸن شەشۋ ٷشٸن جۇمىلا جۇمىس ٸستەۋٸ كەرەك. بۇل جۇمىسقا قوعام ٶكٸلدەرٸن تارتۋ قاجەت. استانانى كٶركەيتۋ, تۇرمىس ساپاسىن جاقسارتۋ – بەرٸمٸزگە ورتاق مٸندەت, – دەدٸ قاسىم-جومارت توقاەۆ.
مەملەكەت باسشىسىنىڭ ايتۋىنشا, مەگاپوليس – ەلٸمٸزدٸڭ ٸسكەرلٸك, ساياسي جەنە مەدەني ورتالىعى. ەلٸمٸزدٸڭ بارلىق ايماعى ەلورداعا قاراپ بوي تٷزەيدٸ, داميدى. استانا كٶپتەگەن سالادا, سونىڭ ٸشٸندە ازاماتتاردىڭ ٶمٸر سٷرۋ ساپاسى بويىنشا دا باسقا قالالارعا ٷلگٸ كٶرسەتەدٸ. سوندىقتان قالانىڭ تۇراقتى دامۋىنا كەدەرگٸ بولىپ جاتقان تٷيتكٸلدەردٸ شەشۋ ٷشٸن مەملەكەتتٸك ورگاندار تيياناقتى جۇمىس ٸستەۋٸ قاجەت.
پرەزيدەنت استانانى ودان ەرٸ دامىتۋدىڭ باسىم باعىتتارىن ايقىنداپ بەردٸ. بٸرٸنشٸدەن, ەلوردانى جىلۋمەن قامتاماسىز ەتۋ جٷيەسٸ ورنىقتى بولۋى قاجەت.
– ەلورداداعى نەگٸزگٸ ٶزەكتٸ مەسەلەلەر قالانىڭ دامۋىنا قاتىستى تيٸستٸ جوسپاردىڭ, ياعني دۇرىس جوسپارلاۋ جۇمىسىنىڭ جوقتىعىنان تۋىنداپ وتىر. مۇنى اشىق ايتۋىمىز كەرەك. باقىلاۋسىز جٷرگٸزٸلٸپ جاتقان قۇرىلىس, ساپادان گٶرٸ سانعا مەن بەرۋ جەنە جان-جاقتى ويلاستىرىلماعان شەشٸمدەر قالاداعى ٶمٸرلٸك ماڭىزى بار ينفراقۇرىلىمنىڭ تاپشىلىعىنا الىپ كەلدٸ. جاعدايدىڭ سونشالىقتى مٷشكٸل بولۋىنا جاۋاپتى باسشىلاردىڭ بٸلٸكسٸزدٸگٸ نەمەسە باس پايداسىن ويلاعاندىعى سەبەپ بولدى. قالا باسشىلىعى قۇرىلىس كومپانييالارىنىڭ پايداسىن ەمەس, مەملەكەت پەن ازاماتتاردىڭ مٷددەسٸن بەرٸنەن بيٸك قويۋعا تيٸس. ٶتكەن جىلىتۋ ماۋسىمىندا قالادا جىلۋ قۋاتىنىڭ تاپشىلىعى قاتتى سەزٸلدٸ. قىس جىلى بولعاندىقتان, اپاتتان امان قالدىق. ال قالا باسشىلىعى قالىپتى جىلۋمەن قامتاماسىز ەتۋگە دايىن بولماسا دا, ميلليونداعان شارشى مەتر تۇرعىن ٷي سالۋدى قولداپ كەلەدٸ. قالاداعى ينجەنەرلٸك ينفراقۇرىلىمنىڭ دامۋى كٶبٸنە كوممۋنالدىق كەسٸپورىنداردى باسقاراتىن لاۋازىمدى تۇلعالاردىڭ كەسٸبيلٸگٸنە دە بايلانىستى. جەڭٸس ماحمۇدۇلى, جىل باسىندا سٸزگە قالاداعى كوممۋنالدىق مەكەمەلەردٸڭ باسشىلىق قۇرامىنا تالداۋ جٷرگٸزۋ تاپسىرىلدى. بايقاۋىمشا, ەزٸرگە بۇل تاپسىرما تولىق ورىندالعان جوق. ەلوردانىڭ جىلۋ ەلەكتر ستانساسىن زاڭگەر, استانا ايماقتىق ەلەكتر جەلٸلٸك كومپانيياسىن باعالاۋشى, جىلۋ ترانزيتٸن اگرونوم, قالالىق سۋ ارناسى مەكەمەسٸن زووتەحنيك باسقارادى. ەركٸم ٶزٸ جەتٸك بٸلەتٸن ٸسپەن اينالىسۋى كەرەك دەپ ويلايمىن. ەيتپەسە, جۇمىستىڭ نەتيجەسٸ تيٸستٸ دەڭگەيدە بولمايدى. قالا باسشىلىعىنىڭ تاياز ويلاۋى جەنە ەرەكەتسٸزدٸگٸ سالدارىنان جاڭا جىلۋ كٶزدەرٸن, سۋ قۇبىرىن, كەرٸز سۋىن تازارتۋ نىساندارىن «تٶتەنشە» رەجيمدە سالۋعا مەجبٷر بولىپ وتىرمىز, – دەدٸ پرەزيدەنت.
مەملەكەت باسشىسى ەلورداداعى ينفراقۇرىلىم نىساندارىنىڭ قۇرىلىسى ٶتە باياۋ جٷرگٸزٸلٸپ جاتقانىن سىنعا الدى. قاسىم-جومارت توقاەۆ بٸر اي مەرزٸمدە ٷشٸنشٸ جەس-تٸڭ ەكٸنشٸ كەزەڭٸ مەن ٷشٸنشٸ گاز قازاندىعىنىڭ قۇرىلىسىنا قاتىستى بٸرجاقتى شەشٸمگە كەلۋ جٶنٸندە تاپسىرما بەردٸ. نەگٸزگٸ مٸندەت – استانانى كەمٸندە الداعى 10 جىلدا سەنٸمدٸ جىلۋ جٷيەسٸمەن قامتاماسىز ەتۋ.
– ٷكٸمەت بارلىق ايماقتاعى جىلۋ ماۋسىمىنا دايىندىق جۇمىستارىن قاتاڭ باقىلاۋدا ۇستاۋى كەرەك. 30 گرادۋس ايازدا جىلۋسىز قالعان ەكٸباستۇز تۇرعىندارىنىڭ وقيعاسىنا قايتا جول بەرمەۋٸمٸز قاجەت. جازدىڭ دا تەڭ جارتىسى ٶتتٸ, الدا ۋاقىت كٶپ ەمەس. سوندىقتان قالاداعى بارلىق تيٸستٸ قىزمەتتەر قىسقى ماۋسىمعا ساقاداي ساي بولۋى قاجەت. كٷن سۋىتقانشا بٷكٸل ەلدەگٸ جىلۋ كٶزدەرٸ مەن كوممۋنالدىق جەلٸلەردٸڭ دايىندىعىن پىسىقتاۋ ٷشٸن بارلىق قاجەتتٸ شارالاردى قابىلداعان جٶن. بۇل ٷشٸن ورتالىق جەنە جەرگٸلٸكتٸ اتقارۋشى ورگاندار تيٸمدٸ جەنە ٷيلەسٸمدٸ جۇمىس ٸستەۋٸ قاجەت. سونداي-اق جىلۋ ستانسالارىنىڭ مەنشٸك يەلەرٸ مەن مەردٸگەرلەر ٶز مٸندەتتەرٸنە جاۋاپكەرشٸلٸكپەن قاراۋى كەرەك, – دەدٸ مەملەكەت باسشىسى.
پرەزيدەنتتٸڭ پٸكٸرٸنشە, استانانى سۋمەن قامتاماسىز ەتۋ مەسەلەسٸن شەشۋگە باسىمدىق بەرۋ قاجەت. جازدىڭ باسىنداعى سۋ تاپشىلىعىنا قاتىستى تۇرعىنداردىڭ نارازىلىعى ورىندى. ادامدار ٷيلەرٸنە اۋىزسۋ بەرٸلۋٸن تالاپ ەتتٸ, تٸپتٸ جولداردى بٶگەپ, ميتينگكە شىقتى. مۇنداي كەلەڭسٸز جاعدايعا جول بەرۋگە بولمايدى.
– اشىعىن ايتساق, قالانىڭ ينجەنەرلٸك ينفراقۇرىلىمىن دامىتۋعا جاۋاپتى ادامدار جۇمىسىن ادال اتقارماعان. بۇل – ناعىز سالعىرتتىق, سونىڭ سالدارىنان وسىنداي كٷردەلٸ احۋال قالىپتاستى. مۇنى, تٸپتٸ, جۇمىسقا سەلقوس قاراۋ ەمەس, قاساقانا زييان كەلتٸرۋ دەۋگە بولادى. سەبەبٸ, سۋ, جىلۋ, جارىق – كٷندەلٸكتٸ تۇرمىستاعى اسا ماڭىزدى قاجەتتٸلٸكتەر. بۇل سالادا قاتەلٸككە مٷلدەم جول بەرۋگە بولمايدى. سوندىقتان كٸنەلٸ ادامدار تيٸستٸ جازاسىن الۋى كەرەك. قازٸر ەلوردا استانا سۋ قويماسىنا تولىق تەۋەلدٸ بولىپ وتىر. سۋ الاتىن باسقا جەر جوق. بۇل – ٶتە قاۋٸپتٸ. كەز كەلگەن سەتتە وقىس وقيعا بولسا, بٷكٸل قالاعا قاۋٸپ تٶنۋٸ مٷمكٸن. تۇرعىندار سانى كٶبەيٸپ, جاڭا نىساندار پايدالانۋعا بەرٸلٸپ جاتىر. سوندىقتان سۋ قويماسىنىڭ قۋاتى الداعى بٸر-ەكٸ جىلدا سارقىلىپ بٸتەتٸنٸ انىق. بۇعان قوسا, سۋ قويماسى لايلانىپ, لاستانىپ جاتىر. مۇنى قۇزىرلى مينيسترلٸك بٸلۋگە تيٸس. قويمانىڭ تٷبٸن تازالاپ, ونى تەرەڭدەتۋ كەرەك. استانا سۋ قويماسىنىڭ بٶگەتٸن تولىق تەكسەرٸپ, نىعايتۋ قاجەت. وعان سەتباەۆ كانالىنان سۋدىڭ تۇراقتى كەلٸپ تۇرۋىن قامتاماسىز ەتكەن جٶن. وسى شارالاردى دەرەۋ قولعا الۋ كەرەك, – دەدٸ قاسىم-جومارت توقاەۆ.
مەملەكەت باسشىسى قالانى سۋمەن قامتاماسىز ەتۋ بويىنشا كەشەندٸ جۇمىس جٷرگٸزۋگە قاتىستى تاپسىرمانى ورىنداماعانى ٷشٸن ەكولوگييا جەنە تابيعي رەسۋرستار مينيسترلٸگٸنٸڭ قىزمەتٸن سىنعا الدى. قۇزىرلى مينيسترلٸك ناقتى شارالار قابىلداۋعا تيٸس.
– استانانى اۋىزسۋمەن قامتاماسىز ەتۋ مەسەلەسٸن كەيٸنگە قالدىرا بەرۋگە بولمايدى. تيٸستٸ جۇمىس اتقارىلماسا, مۇنى استىرتىن قارسىلىق بٸلدٸرۋ دەپ تٷسٸنۋگە تۋرا كەلەدٸ. احۋالدى دەرەۋ تٷزەۋ قاجەت. باس قالانى وسىنداي جاعدايدا قالدىرمايمىز, – دەدٸ پرەزيدەنت.
ٷكٸمەتكە ەكٸمدٸكپەن بٸرلەسٸپ, كەلەسٸ جىلدان باستاپ سەتباەۆ كانالىنان قالاعا دەيٸن قۇبىر تارتۋ جۇمىستارىن قولعا الۋ, سونداي-اق استانانى سۋمەن قامتاماسىز ەتۋدٸڭ بالامالى جولدارىن قاراستىرۋ جٶنٸندە تاپسىرما بەرٸلدٸ.
سونىمەن قاتار پرەزيدەنت تۇرعىن ٷي قۇرىلىسى سالاسىن رەتتەۋگە شاقىردى. قازٸرگٸ تاڭدا استانادا 10 ميلليون شارشى مەترگە جۋىق تۇرعىن ٷي سالىنىپ جاتىر. ٶكٸنٸشكە قاراي, قۇرىلىس قارقىنى جوعارى بولعانىمەن, ساپاعا كٶڭٸل بٶلٸنە بەرمەيدٸ. بۇل سالادا ولقىلىقتار ٶتە كٶپ.
– قالانى كٶركەيتٸپ, جۇرتقا قولايلى جاعداي جاساۋ باستى نازاردا بولۋعا تيٸس. الايدا جەكەلەگەن قۇرىلىس كومپانييالارىنىڭ مٷددەسٸ باسىم تٷسٸپ جاتادى. قالانى دامىتۋ ٸسٸندە بٸرٸزدٸلٸك بولماعان سوڭ, ورىنسىز قۇرىلىس كٶبەيٸپ كەتتٸ. ەلەۋمەتتٸك نىساندار مەن قوعامدىق ورىندار بولۋعا تيٸس جەرلەردە تۇرعىن ٷي كەشەندەرٸ سالىندى, – دەدٸ قاسىم-جومارت توقاەۆ.
پرەزيدەنت بيىل ٷلەسكەرلەرٸ بار 16 ٷيدٸڭ قۇرىلىسىن اياقتاۋدى تاپسىردى. سونىمەن قاتار ەسكٸ جەنە اپاتتى جاعدايداعى ٷيلەرگە قاتىستى پروبلەماعا توقتالدى.
– وڭ جاعالاۋدى – قالانىڭ ەسكٸ بٶلٸگٸن ساقتاۋعا جەنە دامىتۋعا تيٸستٸ دەڭگەيدە كٶڭٸل بٶلۋ قاجەت. ونىڭ ٶز حاريزماسى بار. بٸز استانانى تەڭ دەرەجەدە دامىتۋىمىز كەرەك. ينۆەستورلار اپاتتى جاعدايداعى عيماراتتارمەن اينالىسۋى قاجەت. تۇرعىنداردى باسقا جاققا كٶشٸرسٸن. بوساعان جەرگە جاڭا نىساندار سالسىن. ال ەكٸمدٸك ولارعا قاجەتتٸ جاعدايدى جاساسىن. ينجەنەرلٸك ينفراقۇرىلىمدى دامىتسىن. جولدار, ەلەۋمەتتٸك نىساندار سالىپ بەرسٸن. وسىلاي بٸرلەسٸپ جۇمىس ٸستەگەندە عانا, ەسكٸ جەنە اپاتتى جاعدايداعى تۇرعىن ٷي مەسەلەسٸ شەشٸمٸن تابادى. سونىمەن قاتار قالانىڭ ورتالىعى مەن شەت ايماقتار اراسىنداعى تەڭسٸزدٸكتٸ جويادى. قالانىڭ ەسكٸ بٶلٸگٸنٸڭ سىرتقى كەلبەتٸ جاقسارادى. ەلوردانىڭ سول جاعالاۋى عانا ەمەس, بارلىق اۋدانى قولايلى بولۋى كەرەك. ادامداردىڭ جايلى تۇرمىسىن قامتاماسىز ەتەتٸن قۇرىلىس سالاسىنداعى وزىق شەشٸمدەر باس قالانىڭ بارلىق ايماعىندا قولدانىلۋعا تيٸس. اسپانمەن تالاسقان بيٸك ٷيلەر, اۋقاتتى كۆارتالدار مەن كەدەي اۋداندار, جارتىلاي قيراعان عيماراتتار – بۇل بٸزدٸڭ جول ەمەس. جاعدايدى «تەڭەستٸرۋ» كەرەك. ەدٸلەتتٸ قوعام قۇرۋ وسىنداي ۇستانىمنان باستالادى, – دەدٸ پرەزيدەنت.
قاسىم-جومارت توقاەۆ ەلوردا سەۋلەتٸنٸڭ بٸرىڭعاي كەلبەتٸن قالىپتاستىرۋ ٷشٸن باتىل شارالار قابىلداۋ قاجەت ەكەنٸن اتاپ ٶتتٸ. ونىڭ ايتۋىنشا, سالىنىپ جاتقان نىساندار بٸر-بٸرٸمەن ٷيلەسپەيدٸ, ورتاق ستيل جوق, ەكلەكتيكا باسىم. ەلوردادا بٸركەلكٸ ەرٸ سٷرەڭسٸز «قوراپ-عيماراتتار» قاپتاپ كەتتٸ. ولاردىڭ ساپاسى كٶبٸنە سىن كٶتەرمەيدٸ.
– مىڭجىلدىق اللەياسىنىڭ قالاي سالىنىپ جاتقانىن قاراڭىزدار. ول ەۋەلدە ويلاعانداي ەلوردانىڭ كٶرنەكتٸ جەرلەرٸنٸڭ بٸرٸ بولۋعا تيٸس ەدٸ. نەتيجەسٸندە, ٷيلەرٸنٸڭ قاسبەتتەرٸ تالعامسىز, الاباجاق ەكٸ جۇپىنى كٶشە پايدا بولدى. اينالاسى لاس, ەگٸلگەن اعاشتار شىبىق كٷيٸندە قۋراپ قالعان, ينجەنەرلٸك ينفراقۇرىلىمىنىڭ پروبلەماسى شاش ەتەكتەن. بۇعان قوسا, وسى اللەياداعى جالعىز شاعىن ساياباقتى ٷي سالۋ ٷشٸن جەكەمەنشٸك كومپانيياعا بەرٸپ جٸبەرگەن. بۇل – مٷلدە شەكتەن شىققاندىق. باس جوسپاردا قاراستىرىلعان شاعىن ساياباقتاردى قايتارۋدى جەنە مىڭجىلدىق اللەياسىن جٷيەلٸ دامىتۋ مەسەلەسٸمەن شۇعىل اينالىسۋدى تاپسىرامىن. مەن قالانى كٶگالداندىرۋعا, ونى اباتتاندىرۋعا, ساياباقتاردى دامىتۋعا ايرىقشا كٶڭٸل بٶلەمٸن. بۇل استاناعا عانا ەمەس, بارلىق وبلىس ورتالىقتارىنا جەنە الماتىعا دا قاتىستى. الماتى سەكٸلدٸ استانا دا جاسىل قالاعا اينالۋى كەرەك. بەيبٸتشٸلٸك جەنە كەلٸسٸم سارايىنان جاڭا ۆوكزالعا دەيٸن سوزىلىپ جاتقان ەلوردانىڭ ستراتەگييالىق وسٸ ٷلكەن ەرٸ جايلى, جاسىل جەلەكتٸ ساياباققا اينالۋعا تيٸس. ونىڭ ماڭايىنداعى كٶشەلەر مەن اۋلالاردىڭ بەرٸن تيٸستٸ دەڭگەيدە اباتتاندىرۋ كەرەك. جالپى, جاعالاۋ شاعىن اۋدانى مەن تۇران داڭعىلىنىڭ باتىس جاعىنداعى قۇرىلىس الاڭى سەكٸلدٸ ەلوردانىڭ جاڭا اۋداندارى مٷلدەم اباتتاندىرىلماعان. كٶشەلەر جارىقتاندىرىلماعان, جاياۋ جٷرگٸنشٸلەر جولى جوقتىڭ قاسى, قوعامدىق ورىندار قاراستىرىلماعان. ال ساياباقتار مەن شاعىن باقتار تۋرالى ايتپاي-اق قويايىق. ونداي اتىمەن جوق, – دەپ مەملەكەت باسشىسى بٸرقاتار تٷيتكٸلدٸ مەسەلەلەرگە نازار اۋداردى.
پرەزيدەنتتٸڭ پٸكٸرٸنشە, قالانى كٶگالداندىرۋدىڭ ماڭىزى زور. ەلوردانى جاپپاي كٶگالداندىرۋ بويىنشا العاشقى ەلەۋلٸ نەتيجەگە بيىل قول جەتكٸزۋٸمٸز كەرەك.
بۇدان بٶلەك, ەلوردا حالقىنىڭ تۇرمىس ساپاسىن ٷزدٸكسٸز ارتتىرۋ قاجەت. استانانىڭ بارلىق تۇرعىنىنا قالا ينفراقۇرىلىمى, اتاپ ايتقاندا, بٸلٸم بەرۋ, دەنساۋلىق ساقتاۋ, مەدەنيەت جەنە سپورت, سونداي-اق ساياباقتار مەن قوعامدىق ورىندار سەكٸلدٸ نىساندار تەڭ دەرەجەدە قول جەتٸمدٸ بولۋعا تيٸس.
– ەمحانالارداعى كەزەكتٸڭ كٶپتٸگٸنە جەنە جەكە كلينيكالاردا كٶرسەتٸلەتٸن قىزمەتتٸڭ قىمباتتىعىنا بايلانىستى ادامدار سوڭعى سەتكە دەيٸن دەرٸگەرگە قارالمايدى. مۇنىڭ بەرٸ قالا تۇرعىندارىنىڭ دەنساۋلىعىنا كەرٸ ەسەرٸن تيگٸزەدٸ. جاعدايدى تٷزەۋ ٷشٸن ەلوردادا ٷشٸنشٸ كٶپبەيٸندٸ اۋرۋحانا سالۋ جٶنٸندەگٸ ۇسىنىستى قولداۋ ماڭىزدى دەپ سانايمىن. ساپالى بٸلٸم بەرۋ قىزمەتٸنٸڭ قولجەتٸمدٸ بولۋى اسا ماڭىزدى. استانادا بالانى مەكتەپكە نەمەسە بالاباقشاعا ورنالاستىرۋ ەلٸ دە ٶزەكتٸ مەسەلە بولىپ وتىر. كٶپتەگەن مەكتەپتە وقۋشىلار سانى جوسپارلى مەجەدەن ارتىق. شىن مەنٸندە, ٷش اۋىسىمدى وقىتۋ جٷيەسٸ ساقتالىپ وتىر. بۇعان جول بەرۋگە بولمايدى. قالادا جاڭا بٸلٸم بەرۋ مەكەمەلەرٸنٸڭ قۇرىلىسىنا باسىمدىق بەرۋ قاجەت. سونداي-اق 15 قوسىمشا بٸلٸم بەرۋ نىسانىن سالۋ كەرەك. استانادا بٸلٸكتٸ ۇستازداردىڭ تاپشىلىعى ەرەكشە سەزٸلەدٸ. جىل سايىن بٸر مىڭعا جۋىق مۇعالٸم جەتٸسپەي جاتادى. سوندىقتان ەلوردادا پەداگوگيكالىق جوعارى وقۋ ورنىن اشۋ تۋرالى ۇسىنىستى قولدايمىن, – دەدٸ قاسىم-جومارت توقاەۆ.
پرەزيدەنت قازٸرگٸ تسيفرلىق ٶركەنيەت پەن بٸلٸم ەكونوميكاسى جاعدايىندا ينتەرنەتكە قولجەتٸمدٸلٸك ادامنىڭ, ەسٸرەسە قالا تۇرعىنىنىڭ نەگٸزگٸ قاجەتتٸلٸكتەرٸنٸڭ بٸرٸنە اينالىپ وتىرعانىن اتاپ ٶتتٸ.
– الايدا ەلورداداعى ينتەرنەت پەن ۇيالى بايلانىس تۇراقتىلىعى سىن كٶتەرمەيدٸ. بۇل تۇرعىندار ٷشٸن قولايسىز جاعداي تۋدىرىپ قانا قويمايدى, سونداي-اق قالا ەكونوميكاسىنا ەدەۋٸر شىعىن كەلتٸرەدٸ. استانا قوناقتارى ٷشٸن ٶتە جاعىمسىز ەسەر قالىپتاستىرادى, – دەدٸ مەملەكەت باسشىسى.
سونىمەن قاتار كەڭەس بارىسىندا قوعامدىق كٶلٸكتٸڭ جۇمىسىنا جەنە جولداعى كٶلٸك كەپتەلٸسٸنە, LRT جوباسىنىڭ جٷزەگە اسىرىلۋىنا قاتىستى مەسەلەلەر قاراستىرىلدى. سونداي-اق ٷكٸمەتكە استانا قالاسى, اقمولا جەنە قاراعاندى وبلىستارىنىڭ ەكٸمدٸكتەرٸمەن بٸرلەسٸپ, ەلوردا اگلومەراتسيياسىن دامىتۋدى ويلاستىرۋ جٶنٸندە تاپسىرما بەرٸلدٸ. پرەزيدەنت ەلوردا مەن ونىڭ تٶڭٸرەگٸندە ورنالاسقان ەلدٸ مەكەندەر بٸركەلكٸ دامۋى كەرەك, ولاردىڭ اراسىندا كٶپ ايىرماشىلىق بولماۋعا تيٸس دەپ سانايدى. بۇل, ەسٸرەسە, ەلەۋمەتتٸك سالاعا قاتىستى مەسەلە. باس قالا ماڭىنداعى ەلدٸ مەكەندەردٸ كٶركەيتۋ قاجەت. ولار ٶمٸر سٷرۋگە بارىنشا قولايلى بولۋعا تيٸس.
مەملەكەت باسشىسى بٷگٸنگٸ كەڭەستە ايتىلعان مٸندەتتەردٸ دەر كەزٸندە ەرٸ ساپالى ورىنداۋ قاجەتتٸگٸنە نازار اۋداردى.
– استانا باس قالا دەگەن اتاۋعا لايىق بولۋعا تيٸس. استانا كٶركەيسە, بٷكٸل ەلٸمٸزدٸڭ ەڭسەسٸ بيٸك بولادى.
استانا ەدٸلەتتٸ قازاقستاندى قۇرۋ جولىندا تٷبەگەيلٸ ٶزگەرٸستەرگە ۇيىتقى بولۋى كەرەك. جالپى, قالانىڭ كٷندەلٸكتٸ تىنىس-تٸرشٸلٸگٸ ۇدايى نازاردا بولۋعا تيٸس.
ەكٸمگە قالانىڭ احۋالىن جاقسى جاعىنا قاراي ٶزگەرتۋ ٷشٸن بٸر جىل ۋاقىت بەرەمٸن. سٸزدٸڭ جۇمىسىڭىز مەنٸڭ باقىلاۋىمدا بولادى. بارلىق قاجەتتٸ كٶمەكتٸ كٶرسەتەمٸز. بٸراق جۇمىستىڭ نەگٸزگٸ ٶزەگٸ – سٸزدٸڭ قولىڭىزدا. تابىس تٸلەيمٸن, – دەدٸ قاسىم-جومارت توقاەۆ.
جيىندا استانا قالاسىنىڭ ەكٸمٸ جەڭٸس قاسىمبەك, پرەمەر-مينيستردٸڭ بٸرٸنشٸ ورىنباسارى رومان سكليار, اقمولا وبلىسىنىڭ ەكٸمٸ ەرمەك مارجىقپاەۆ, ەكولوگييا جەنە تابيعي رەسۋرستار مينيسترٸ زٷلفييا سٷلەيمەنوۆا, اۋىل شارۋاشىلىعى مينيسترٸ ەربول قاراشٶكەەۆ, سونداي-اق تسيفرلىق دامۋ, يننوۆاتسييا جەنە اەروعارىش ٶنەركەسٸبٸ مينيسترٸ باعدات مۋسين سٶز سٶيلەدٸ.
