سونىمەن قاتار, مەملەكەت باسشىسى جالپىۇلتتىق رەفەرەندۋمعا دايىندىق بارىسى تۋرالى ايتىپ, ەقىۇ-نىڭ وسى ماڭىزدى شاراعا باعا بەرۋ ٷشٸن ٶز ميسسيياسىن جٸبەرۋ جٶنٸندەگٸ شەشٸمٸن قولدادى.
"رەفەرەندۋم - ەلٸمٸزدەگٸ ماڭىزدى ساياسي ٶزگەرٸستەر ٷدەرٸسٸنٸڭ باستاماسى. قازاقستاندا دەموكراتييانى ٸلگەرٸلەتۋ جۇمىستارى ٷزدٸكسٸز جالعاسا بەرەدٸ", - دەدٸ پرەزيدەنت.
قاسىم-جومارت توقاەۆ پەن زبيگنەۆ راۋ ۇيىمنىڭ ەسكەري-ساياسي, ەكونوميكالىق-ەكولوگييالىق جەنە گۋمانيتارلىق باعىتتارداعى ىقپالداستىعىن جان-جاقتى تالقىلادى.
قازاقستان پرەزيدەنتٸ پولشامەن اراداعى ەكٸجاقتى ىنتىماقتاستىق جٶنٸندە ايتا كەلە, وسى ەلدٸ ورتالىق ەۋروپا ايماعىنداعى ماڭىزدى سەرٸكتەس رەتٸندە قاراستىراتىنىن جەتكٸزدٸ.
"2021 جىلدىڭ قورىتىندىسى بويىنشا ٶزارا تاۋار اينالىمى 12 پايىزعا ارتىپ, 760 ميلليون دوللارعا جەتتٸ. ٶزارا ساۋدا-ساتتىقتى ۇلعايتۋ ٷشٸن مٷمكٸندٸگٸمٸز مول", - دەدٸ قازاقستان كٶشباسشىسى.
ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ قازٸرگٸ تٶراعاسى پرەزيدەنت قاسىم-جومارت توقاەۆتىڭ باسشىلىعىمەن جٷزەگە اسىرىلىپ جاتقان اۋقىمدى ساياسي جەنە ەكونوميكالىق رەفورمالاردى جوعارى باعالادى.
"مەنٸڭ باعالاۋىم بويىنشا, الداعى رەفەرەندۋم كونستيتۋتسيياعا ٶزگەرٸستەر ەنگٸزۋ, حالىقتىڭ ەلەۋمەتتٸك ەل-اۋقاتىن ارتتىرۋ جەنە نارىقتىق رەفورمالاردى ٸلگەرٸلەتۋ جٶنٸندەگٸ سٸزدٸڭ كٷش-جٸگەرٸڭٸز تۇرعىسىنان ٷلكەن سەرپٸلٸس سانالادى. الداعى رەفەرەندۋم - وڭ ٶزگەرٸستەرگە جول اشاتىن ساياسي ەرٸك-جٸگەردٸڭ ايرىقشا بەلگٸسٸ. سٸزدٸڭ ەلٸڭٸزدەگٸ كونستيتۋتسييالىق رەفورمالار دەموكراتييا, بوستاندىق جەنە زاڭ ٷستەمدٸگٸ قاعيداتتارىن نىعايتۋعا باعىتتالعانىن اتاپ ٶتكٸم كەلەدٸ", - دەدٸ پولياك ديپلوماتى.
زبيگنەۆ راۋ ەلٸمٸزدەگٸ دٸني قاۋىمداستىقتار جەنە ازاماتتىق قوعام ٶكٸلدەرٸمەن ٶتكٸزگەن كەزدەسۋلەرٸ تۋرالى مەلٸمدەدٸ. سونداي-اق, ول ۇلتارالىق جەنە كونفەسسيياارالىق كەلٸسٸمنٸڭ قازاقستاندىق مودەلٸنە جوعارى باعا بەرٸپ, قازاقستاندا تۇراتىن پولياك دياسپوراسىنا تۇراقتى قولداۋ كٶرسەتٸپ كەلە جاتقانى ٷشٸن قاسىم-جومارت توقاەۆقا ريزاشىلىعىن بٸلدٸردٸ.
