مەملەكەت باسشىسى ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ از ۇلتتار ٸستەرٸ جٶنٸندەگٸ جوعارعى كوميسسارى لامبەرتو زانەردٸ قابىلدادى, دەپ حابارلايدى اقوردانىڭ باسپاسٶز قىزمەتٸ.
كەزدەسۋ بارىسىندا تاراپتار قازاقستانداعى قوعامدىق-ساياسي احۋال, سونىڭ ٸشٸندە, ەتنوسارالىق قاتىناستار سالاسىنداعى مەملەكەتتٸك ساياساتتى قالىپتاستىرۋ مەن جٷزەگە اسىرۋ مەسەلەلەرٸن تالقىلادى.
ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ (ەقىۇ) از ۇلتتار ٸستەرٸ جٶنٸندەگٸ جوعارعى كوميسسارى لامبەرتو زانەر جوعارعى كوميسسار كەڭسەسٸ مەن قازاقستان حالقى اسسامبلەياسىنىڭ اعىمداعى جۇمىستارى جەنە ىنتىماقتاستىقتىڭ كەلەشەگٸ تۋرالى حاباردار ەتتٸ.
قاسىم-جومارت توقاەۆ 2 قىركٷيەك كٷنٸ قازاقستان حالقىنا ارناعان جولداۋىندا بەلگٸلەنگەن قوعامنىڭ ساياسي ترانسفورماتسيياسى بويىنشا مٸندەتتەردٸڭ نەگٸزٸندە ۇلتتىق قوعامدىق سەنٸم كەڭەسٸ ٸسكە كٸرٸسكەنٸنە نازار اۋداردى. ەڭگٸمە بارىسىندا مەملەكەتتٸڭ قوعامدىق دامۋىنا جاس ازاماتتاردى كٶپتەپ تارتۋعا, ولاردىڭ بەلسەندٸلٸگٸن ارتتىرۋعا باعىتتالعان جاستار ساياساتىنىڭ جاڭا قاعيداتتارىنا ەرەكشە مەن بەرٸلدٸ.
لامبەرتو زانەر مەملەكەتتٸڭ ۇلت بٸرلٸگٸن نىعايتۋ جەنە ەر تٷرلٸ ەتنوستىق توپتاردىڭ تٸلدەرٸن دامىتۋعا جاسالعان جاعدايدى, ەتنوسارالىق جەنە دٸنارالىق كەلٸسٸمنٸڭ قازاقستاندىق مودەلٸن جوعارى باعالادى.
سونداي-اق, مەملەكەت باسشىسى مەن جوعارعى كوميسسار ەقىۇ جاۋاپكەرشٸلٸك ايماعىنداعى ەتنوسارالىق قاتىناستار بويىنشا قازٸرگٸ جاعداي تۋرالى پٸكٸر الماستى.
