ەكونوميكالىق ىنتىماقتاستىق ۇيىمىنىڭ 14-سامميتٸنە قاتىسقان قر پرەزيدەنتٸ قاسىم-جومارت توقاەۆ اتالمىش ۇيىمەن ىقپالداستىق قازاقستان سىرتقى ساياساتىنىڭ باسىم باعىتتارىنىڭ بٸرٸ ەكەنٸن اتاپ ٶتتٸ, دەپ حابارلايدى "ۇلت اقپارات".
پرەزيدەنتتٸڭ پٸكٸرٸنشە, ۇيىم اياسىنداعى ٶزارا ٸس-قيمىلدىڭ نەگٸزٸ ينفراقۇرىلىمدىق, ەلەۋمەتتٸك جەنە مەدەني باعىتتارداعى ٸرٸ جوبالار بولۋى كەرەك. قىتايمەن بٸرلەسٸپ قولعا الىنعان ترانسكاسپيي حالىقارالىق كٶلٸك باعىتى – سونداي بولاشاعى زور جوبالاردىڭ بٸرٸ. اتاپ ايتقاندا, 2019 جىلدىڭ قاراشا ايىندا قازاقستان, قىتاي, ەزەربايجان, گرۋزييا جەنە تٷركييانى بايلانىستىراتىن سيان-ىستامبۇل-پراگا باعىتى بويىنشا كونتەينەرلٸك پويىزى جٷرە باستادى. بىلتىر سەۋٸر ايىندا سيان-يزمير باعىتىنداعى بٸرٸنشٸ كونتەينەرلٸك قۇرام جٷرٸپ ٶتتٸ. ول 7 000 شاقىرىم قاشىقتىقتى 16 كٷندە ەڭسەردٸ.
– بۇل – ٶزارا ىقپالداستىعىمىزدىڭ جاقسى ٷلگٸسٸ. دەگەنمەن ورنىقتى دامۋدى قامتاماسىز ەتۋ ٷشٸن ەلٸ دە كٶپ ٸس اتقارۋىمىز كەرەك. بيىل بٸز قازاقستان – تٷرٸكمەنستان – يران تەمٸر جول باعىتىنىڭ تولىق ٸسكە قوسىلۋىن قامتاماسىز ەتۋگە تيٸسپٸز. باسقا دا جاڭا باعىتتار پىسىقتالۋدا. تٷركٸستان مەن تاشكەنت اراسىنداعى جوعارى جىلدامدىققا ارنالعان تەمٸر جول قازاقستاننىڭ دا, ٶزبەكستاننىڭ دا تۋريستٸك ەلەۋەتٸن ارتتىرادى دەپ كٷتٸلۋدە. بۇل جول ۋاقىتتى ەكٸ ساعاتقا دەيٸن قىسقارتۋعا جەنە ەكٸ ەل كەسٸپكەرلەرٸ اراسىنداعى بايلانىستاردى جەڭٸلدەتٸپ, ەلەۋمەتتٸك قاتىناستاردى جاقسارتۋعا مٷمكٸندٸك بەرەدٸ, – دەدٸ قاسىم-جومارت توقاەۆ.
ەسكە سالا كەتسەك, قازاقستان پرەزيدەنتٸ ەكونوميكالىق ىنتىماقتاستىق ۇيىمىنىڭ 14-سامميتٸنە قاتىستى.
