قاسىم-جومارت توقاەۆ «Alibaba Group» كومپانيياسىنىڭ نەگٸزٸن قالاۋشى دجەك مامەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
قىتايلىق بيزنەسمەنمەن كەزدەسۋ كەزٸندە ەلەمدٸك ەكونوميكاداعى زاماناۋي جەنە ماڭىزدى مەسەلەلەر, كەسٸپكەرلٸك پەن ەلەكتروندى كوممەرتسييانى دامىتۋ جاعدايى سٶز بولدى.
مەملەكەت باسشىسى دجەك مانى قىتاي حالىق رەسپۋبليكاسىنىڭ 70 جىلدىق مەرەكەسٸمەن جەنە «Alibaba Group» كومپانيياسىنىڭ قۇرىلعانىنا 20 جىل تولۋىمەن قۇتتىقتاپ, ەكٸ ەل اراسىنداعى ستراتەگييالىق ەرٸپتەستٸكتە زاماناۋي تەحنولوگييا سالاسى ماڭىزدى رٶل اتقاراتىنىن ايتتى.
– مەن سٸزدٸڭ قازاقستانعا قولداۋ كٶرسەتەم دەگەن نيەتٸڭٸزدٸ جوعارى باعالايمىن. بٸز قازاقستان مەن قىتايدىڭ اراسىنداعى تسيفرلىق ەكونوميكانى دامىتۋعا قاتىستى ستراتەگييالىق كەلٸسٸم جاسادىق. وسى ٸسكە سٸزدٸڭ دە اتسالىسقانىڭىزدى قالايمىز,– دەدٸ قاسىم-جومارت توقاەۆ.
ٶز كەزەگٸندە ەلەمدەگٸ ەڭ اۋقاتتى ادامداردىڭ بٸرٸ دجەك ما قازاقستاندا بٸرنەشە رەت بولعانىن, بٸزدٸڭ ەلدٸڭ مەدەنيەتٸ مەن ادامدارى ەرەكشە ەسەر قالدىرعانىن جەتكٸزدٸ. ول ٶزٸنٸڭ تەجٸريبەسٸن قازاقستاندىقتارمەن بٶلٸسۋگە دايىن ەكەنٸن مەلٸمدەدٸ.
«Alibaba Group» كومپانيياسى ديرەكتورلار كەڭەسٸنٸڭ تٶراعاسى چجان يۋن مەملەكەت باسشىسىنا ەلەمدٸك ينتەرنەت ساۋدانىڭ كٶشباسشىسى سانالاتىن ۇجىمنىڭ تاريحى مەن قىزمەتٸ جايىندا, قالىپتاسقان ٶزٸندٸك دەستٷرٸ تۋرالى, بولاشاقتاعى جوسپارلارى مەن ەلەكتروندى كوممەرتسيياداعى جاڭا ترەندتەر حاقىندا باياندادى.
