پرەزيدەنت قاسىم-جومارت توقاەۆتىڭ قازاقستان حالقىنا ٷندەۋٸنٸڭ تولىق مەتٸنٸ جارييالاندى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
***
قۇرمەتتٸ وتانداستار!
قازاقستان ٶتە ماڭىزدى ەرٸ بەتبۇرىستى كەزەڭگە قادام باسقالى تۇر. 5 ماۋسىم كٷنٸ ازاماتتارىمىز جالپىۇلتتىق رەفەرەندۋمدا داۋىس بەرەدٸ. كونستيتۋتسيياعا تٷزەتۋلەر ەنگٸزۋ مەسەلەسٸ بويىنشا شەشٸم قابىلدايدى. بۇل – مەملەكەتتٸڭ جەنە بٷكٸل قوعامنىڭ بولاشاعىن ايقىندايتىن جاۋاپتى سەت. ەل تاعدىرى ەشكٸمدٸ بەي-جاي قالدىرمايتىنى انىق.
بٸز قازٸر بارلىق سالانى جاڭعىرتۋعا كٸرٸستٸك. وسى جولدا مەملەكەتتٸ باسقارۋ ٷلگٸسٸن تٷبەگەيلٸ ٶزگەرتۋ قاجەتتٸگٸ تۋىندادى. سول سەبەپتٸ مەن ناۋرىز ايىنداعى جولداۋىمدا ساياسي جاڭعىرۋدىڭ اۋقىمدى باعدارلاماسىن ۇسىندىم. ونىڭ باستى ماقساتى – ەلٸمٸزدٸ ودان ەرٸ دەموكراتييالاندىرۋ, حالىقتىڭ مەملەكەتتٸ باسقارۋ ٸسٸنە قاتىسۋ مٷمكٸندٸگٸن كەڭەيتۋ. سونداي-اق ٷكٸمەتتٸڭ تيٸمدٸلٸگٸن ارتتىرۋ. بۇل ٶزگەرٸستٸ تولىق جٷزەگە اسىرساق, ىقپالدى پارلامەنتٸ بار پرەزيدەنتتٸك رەسپۋبليكا ٷلگٸسٸنە بٸرجولا كٶشەمٸز.
كونستيتۋتسييالىق رەفورما ادام قۇقىقتارى مەن بوستاندىقتارىن قورعاۋ جٷيەسٸن بارىنشا كٷشەيتەدٸ. سونىمەن بٸرگە ەلٸمٸزدەگٸ ساياسي بەسەكەنٸڭ ەدٸل جەنە اشىق بولۋىن قامتاماسىز ەتەدٸ.
بٸز اتا زاڭىمىزدىڭ وتىزدان استام بابىنا ٶزگەرٸس ەنگٸزگەلٸ وتىرمىز. ونىڭ بەرٸ ازاماتتارىمىزدىڭ مٷددەسٸنە تولىق ساي كەلەدٸ. وسىلايشا مەملەكەتٸمٸزدٸ تٷبەگەيلٸ جاڭعىرتامىز. سول ارقىلى ەكٸنشٸ رەسپۋبليكانىڭ نەگٸزٸن قالايمىز.
قۇرمەتتٸ وتانداستار!
ەلٸمٸزدٸڭ تاريحىندا كونستيتۋتسيياعا ەنگٸزٸلەتٸن ٶزگەرٸستەر العاش رەت جالپىحالىقتىق رەفەرەندۋم ارقىلى جٷزەگە اسىرىلادى.
رەفەرەندۋم ٶتكٸزۋ – قازاقستاندا دامىعان دەموكراتييالىق قوعام قۇرۋ جولىنداعى ماڭىزدى قادام.
اتا زاڭعا ەنگٸزٸلەتٸن تٷزەتۋلەر جوباسى ەلٸمٸزدە بٸر اي بويى قىزۋ تالقىلاندى. تٷسٸندٸرۋ جۇمىستارى جٷرگٸزٸلدٸ. قوعامدا كونستيتۋتسييالىق رەفورماعا قاتىستى پٸكٸرلەر كٶپ ايتىلىپ جاتىر. ونىڭ ەرەجەلەرٸ پرەزيدەنتتٸڭ ارتىقشىلىقتارى مەن ٶكٸلەتتٸگٸن كٷشەيتۋگە ەمەس, بيلٸك تارماقتارى اراسىنداعى ٷيلەسٸمدٸ جەنە تەپە-تەڭدٸك جٷيەنٸ نىعايتۋعا, بارلىق ازاماتتىڭ مٷددەسٸن, قۇقىعى مەن ەركٸندٸگٸن قورعاۋعا باعىتتالعان.
بٷكٸل حالىقتىڭ كونستيتۋتسيياعا ەنگٸزٸلەتٸن ٶزگەرٸستەرگە قاتىستى ەرٸكتٸ تاڭداۋى جاڭا, ەدٸلەتتٸ قازاقستاننىڭ بەرٸك ٸرگەتاسىن قالايدى. بٸز بٸرلەسە وتىرىپ, شىن مەنٸندە, جاڭا قازاقستان قۇرامىز. وندا ەلەۋمەتتٸك ەدٸلدٸك جاڭا قوعامدىق كەلٸسٸمنٸڭ باستى قۇندىلىعى جەنە نەگٸزگٸ ٶزەگٸ بولادى.
رەفەرەندۋم قوعامىمىزدىڭ ازاماتتىق كەمەلدٸگٸ مەن ساياسي سانالىلىعىن باعالاۋعا مٷمكٸندٸك بەرەدٸ. رەفەرەندۋمنىڭ ورتالىق كوميسسيياسى مەن باسقا دا ۋەكٸلەتتٸ مەملەكەتتٸك ورگاندار سايلاۋ زاڭناماسىنداعى بارلىق نورمانىڭ مٷلتٸكسٸز ساقتالۋىن قامتاماسىز ەتەدٸ. داۋىس بەرۋ بارىسىن حالىقارالىق باقىلاۋشىلار مەن ەلٸمٸزدەگٸ قوعامدىق بٸرلەستٸكتەردٸڭ ٶكٸلدەرٸ قاداعالايدى.
سايلاۋ ۋچاسكەسٸندەگٸ سٸزدٸڭ داۋىسىڭىز قوعامدىق ٶمٸردٸڭ ەدٸل ەرٸ تٷسٸنٸكتٸ جاڭا ەرەجەلەرٸن ايقىنداۋدا ماڭىزدى جەنە شەشۋشٸ رٶل اتقارۋى مٷمكٸن. سٸز سايلاۋ ۋچاسكەسٸنە كەلۋ ارقىلى حالقىمىزدىڭ بٸرلٸگٸ مەن ىنتىماعى مىعىم ەكەنٸن كٶرسەتەسٸز.
بۇرىن-سوڭدى بولماعان قۇبىلمالى گەوستراتەگييالىق جاعدايدا جەنە ەلٸمٸزدٸڭ الدىندا تۇرعان كٷردەلٸ مٸندەتتەردٸ ورىنداۋ ٷشٸن بٸزدٸڭ بٸرلٸگٸمٸز بەكەم, ىنتىماعىمىز بەرٸك بولۋعا تيٸس. شىنايى دەموكراتييا ەربٸر ازاماتتىڭ ورتاق ٸسكە بەلسەندٸ ەرٸ سانالى تٷردە قاتىسۋىن بٸلدٸرەدٸ. سٸز جاڭا تٷزەتۋلەرگە داۋىس بەرە وتىرىپ, جەمقورلىققا, تامىر-تانىستىققا, ساياسات پەن ەكونوميكاداعى مونوپوليياعا باتىل قارسى شىعاسىز.
قۇرمەتتٸ وتانداستار, سٸزدەردٸ تاريحي تاڭداۋ جاساۋعا شاقىرامىن. ٶيتكەنٸ, بۇل قازاقستاننىڭ دامۋ باعدارىن ايقىندايدى. ەرقايسىڭىز بٸرتۇتاس قازاقستان حالقىنىڭ اجىراماس بٶلشەگٸسٸز جەنە تۇتاس ۇلتتىڭ بولاشاعىنا ىقپال ەتە الاسىز. دەمەك, بۇل – ٶز تاعدىرىڭىز دەگەن سٶز. وتانىمىزدىڭ تاعدىرى سٸزدەرگە بايلانىستى.
الداعى رەفەرەندۋم مەملەكەتٸمٸزدٸ نىعايتۋعا جەنە قوعامدى تىڭ سەرپٸنمەن دامىتۋعا جول اشادى. مەن ەربٸر ازاماتىمىزدى ەل تاعدىرىن ايقىندايتىن تاريحي تاڭداۋ جاساۋعا شاقىرامىن. بۇل رەفەرەندۋمدا ەر ازاماتتىڭ داۋىسى – ماڭىزدى. ەربٸر ازامات تۇتاس ۇلتتىڭ تاعدىرىنا, ياعني تٸكەلەي ٶز تاعدىرىنا وڭ ىقپال ەتە الادى.
ەندەشە, 5 ماۋسىم كٷنٸ ٶز تاڭداۋىمىزدى جاسايىق!
جاڭا قازاقستاندى بەرٸمٸز بٸرگە قۇرايىق!
