قاسىم-جومارت توقاەۆ «كەمەڭگەرلٸكتٸڭ 30 جىلى» اتتى حالىقارالىق عىلىمي كونفەرەنتسيياعا قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
الماتى قالاسىندا ەلباسى ن.ە.نازارباەۆتىڭ جوعارى مەملەكەتتٸك قىزمەتكە كەلگەنٸنە 30 جىل تولۋ مەرەيتويىنا ارنالعان «كەمەڭگەرلٸكتٸڭ 30 جىلى» اتتى حالىقارالىق عىلىمي-تەجٸريبەلٸك كونفەرەنتسييا ٶتتٸ.
مەملەكەت باسشىسى قاسىم-جومارت توقاەۆ كونفەرەنتسييادا سٶيلەگەن سٶزٸندە تەۋەلسٸز قازاقستاننىڭ تاريحى, شىن مەنٸندە, مەملەكەتٸمٸزدٸڭ نەگٸزٸن قالاۋشى تۇڭعىش پرەزيدەنت نۇرسۇلتان ەبٸشۇلى نازارباەۆتىڭ كٶشباسشىلىق تاريحى ەكەنٸن اتاپ ٶتتٸ.
– بۇل جاي عانا مەرەيتويلىق داتا ەمەس, «قازاقستاندىق دامۋ» جولىن انىقتاعان ەل تاريحىنداعى اسا ماڭىزدى كەزەڭ بولدى, – دەدٸ قازاقستان پرەزيدەنتٸ.
قاسىم-جومارت توقاەۆ ەلباسىنىڭ باسشىلىعىمەن پوستكەڭەستٸك كەڭٸستٸكتە ەڭ تابىستى مەملەكەتتٸك قۇرىلىس جوباسى جٷزەگە اسىرىلعانىن شەتەلدٸك ساراپشىلاردىڭ مويىندايتىنىن ايتتى. باياندامادا ايتىلعانداي, ينفلياتسييانىڭ شارىقتاعان, كەسٸپورىنداردىڭ جۇمىسى توقتاعان, تاۋارلاردىڭ جاپپاي تاپشىلىعى كٷشەيگەن كەزدەگٸ پوستكەڭەستٸك ەكونوميكانىڭ قيراندىسىنىڭ ورنىنا ەلەمنٸڭ ەڭ دامىعان 50 ەلٸنٸڭ قاتارىنا قوسىلعان كٷشتٸ مەملەكەت قۇرىلدى.
مەملەكەت باسشىسى قازٸرگٸ حالىقارالىق قاتىناستاردىڭ نەگٸزگٸ فاكتورلارىنا اينالعان ازيياداعى ٶزارا ىقپالداستىق جەنە سەنٸم شارالارى كەڭەسٸ, ەلەمدٸك جەنە دەستٷرلٸ دٸندەر كٶشباسشىلارىنىڭ سەزٸ, تەۋەلسٸز مەملەكەتتەر دوستاستىعى, شانحاي ىنتىماقتاستىق ۇيىمى, ەۋرازييالىق ەكونوميكالىق وداقتىڭ قۇرىلۋى سيياقتى ەلباسىنىڭ سىرتقى ساياساتتاعى باستامالارىنا جان-جاقتى توقتالدى.
– قازاقستان وراسان زور يادرولىق قارۋدان ٶز ەركٸمەن باس تارتىپ, جەر بەتٸندەگٸ ٸرٸ يادرولىق پوليگونداردىڭ بٸرٸن جاپتى. ەلباسى ەلەمدٸك ديپلوماتييا تاريحىنا جاھاندىق يادرولىق قارۋعا قارسى قوزعالىستىڭ كٶشباسشىسى رەتٸندە ەندٸ. تۇڭعىش پرەزيدەنت قانا قازاقستاننىڭ استاناسىندا ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ ەزٸرگە وسى مىڭجىلدىقتاعى العاشقى ەرٸ جالعىز سامميتٸن ٶتكٸزٸپ, ەۋرازييالىق قاۋٸپسٸزدٸك دەكلاراتسيياسىن قابىلدادى. ەلباسى ەلەمنٸڭ ەڭ بيٸك مٸنبەرلەرٸنەن حالىقارالىق قاتىناستاردى تٷبەگەيلٸ رەفورمالاۋعا باعىتتالعان ۇسىنىستارىن جەتكٸزدٸ, – دەدٸ قاسىم-جومارت توقاەۆ.
مەملەكەت باسشىسى سٶزٸنٸڭ سوڭىندا قازاقستاننىڭ تۇڭعىش پرەزيدەنتٸ سانالى عۇمىرىن حالقىنا قىزمەت ەتۋگە ارناعان ەلٸنٸڭ ادال پەرزەنتٸ ەرٸ جاھاندىق دەڭگەيدەگٸ ساياساتكەر ەكەنٸن اتاپ ٶتتٸ.
كونفەرەنتسييا قاتىسۋشىلاردىڭ الدىندا سونىمەن قاتار قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆ تا سٶيلەدٸ.
حالىقارالىق كونفەرەنتسييانىڭ پلەنارلىق وتىرىسىنا «جاڭارۋ» جەمقورلىققا قارسى جالپىۇلتتىق قوزعالىسىنىڭ جەتەكشٸسٸ, دەموكراتييالىق كٷشتەردٸڭ جالپىۇلتتىق كواليتسيياسىنىڭ مٷشەسٸ ورالباي ەبدٸكەرٸموۆ, رەسەي عىلىم اكادەميياسىنىڭ جالپى تاريح ينستيتۋتىنىڭ ديرەكتورى ميحايل ليپكين, قر پارلامەنت مەجٸلٸسٸنٸڭ دەپۋتاتى قۋانىش سۇلتانوۆ, شانحاي قوعامدىق عىلىم اكادەميياسىنىڭ رەسەي جەنە ورتالىق ازييا زەرتتەۋ ورتالىعىنىڭ ديرەكتورى داۆەي پان, ٶزبەكستان پرەزيدەنتٸ جانىنداعى ستراتەگييالار جەنە ايماقارالىق زەرتتەۋلەر ينستيتۋتىنىڭ ديرەكتورى ەلدور تاحيروۆ, قىرعىز رەسپۋبليكاسىنىڭ ەكس-مەملەكەتتٸك حاتشىسى وسمانقۇن يبرايموۆ, امەريكالىق ساياساتتانۋشى جەنە جۋرناليست اريەل كوەن, ەزٸربايجان رەسپۋبليكاسىنىڭ ميللي مەجٸلٸسٸنٸڭ دەپۋتاتى, ەزەربايجان مەملەكەتتٸك باسقارۋ اكادەميياسىنىڭ جانىنداعى ساياسي زەرتتەۋلەر ينستيتۋتىنىڭ ديرەكتورى ەلمان ناسيروۆ, «ۆالداي» حالىقارالىق پٸكٸرتالاس كلۋبىنىڭ باعدارلامالىق ديرەكتورى, رەسەي سٸم مەسكەۋ مەملەكەتتٸك حالىقارالىق قاتىناستار ينستيتۋتىنىڭ (مگيمو) حالىقارالىق زەرتتەۋلەر ينستيتۋتىنىڭ ديرەكتورى اندرەي سۋشەنتسوۆ, مەملەكەت جەنە قوعام قايراتكەرٸ راۆيل چەرداباەۆ قاتىستى.
