فوتو: Akorda.kz
مەملەكەت باسشىسى Kazakhstan Paramount Engineering زاۋىتىنىڭ جۇمىسىمەن تانىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنت ەلوردانىڭ يندۋستريالدى نىساندارىن ارالاۋ بارىسىندا بروندى دٶڭگەلەكتٸ تەحنيكا ٶندٸرۋگە جەنە جاڭعىرتۋعا ماماندانعان Kazakhstan Paramount Engineering زاۋىتىنا دا باردى.
بۇل كومپانييا 2013 جىلى قۇرىلعان. ول – قازاقستان مەن ورتالىق ازييادا دٶڭگەلەكتٸ بروندى تەحنيكا شىعاراتىن بٸردەن-بٸر كەسٸپورىن. قازاقستان اۋماعىندا ٶز ٶندٸرٸسٸن اشۋ جەنە بەسەكەگە قابٸلەتتٸ زاماناۋي بروندى تەحنيكاعا سەرۆيستٸك قىزمەت كٶرسەتۋ, سونداي-اق تٷرلٸ مٸندەتتەردٸ ورىنداۋعا ارنالعان بروندى دٶڭگەلەكتٸ ماشينا ٶندٸرٸسٸن ٶركەندەتۋ اتالعان كومپانييانىڭ ارتىقشىلىعى سانالادى.
مەملەكەت باسشىسى وسى سالانى ٸلگەرٸلەتۋدٸڭ كەلەشەگٸ زور ەكەنٸن ەرەكشە اتاپ ٶتٸپ, كومپانييانى قورعانىس ٶنەركەسٸبٸنە ماماندانعان وتاندىق كەسٸپورىنداردى دامىتۋعا جان-جاقتى اتسالىسۋعا شاقىردى.
