Foto: Akorda.kz
Memleket basshysy Kazakhstan Paramount Engineering zaýytynyń jumysymen tanysty, dep habarlaidy "Ult aqparat" Aqordanyń baspasóz qyzmetine silteme jasap.
Prezident elordanyń indýstrialdy nysandaryn aralaý barysynda brondy dóńgelekti tehnika óndirýge jáne jańǵyrtýǵa mamandanǵan Kazakhstan Paramount Engineering zaýytyna da bardy.
Bul kompaniia 2013 jyly qurylǵan. Ol – Qazaqstan men Ortalyq Aziiada dóńgelekti brondy tehnika shyǵaratyn birden-bir kásiporyn. Qazaqstan aýmaǵynda óz óndirisin ashý jáne básekege qabiletti zamanaýi brondy tehnikaǵa servistik qyzmet kórsetý, sondai-aq túrli mindetterdi oryndaýǵa arnalǵan brondy dóńgelekti mashina óndirisin órkendetý atalǵan kompaniianyń artyqshylyǵy sanalady.
Memleket basshysy osy salany ilgeriletýdiń keleshegi zor ekenin erekshe atap ótip, kompaniiany qorǵanys ónerkásibine mamandanǵan otandyq kásiporyndardy damytýǵa jan-jaqty atsalysýǵa shaqyrdy.
