مەملەكەت باسشىسى قاسىم-جومارت توقاەۆ قازاقستانعا مەملەكەتتٸك ساپارمەن كەلگەن قاتار ەمٸرٸ شەيح تەميم بەن حاماد ەل تەنيمەن شاعىن قۇرامدا كەلٸسسٶز جٷرگٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ الدىندا «اقوردا» رەزيدەنتسيياسىندا قاتار ەمٸرٸن سالتاناتتى قارسى الۋ شاراسى ٶتتٸ. قۇرمەت قاراۋىلىنىڭ باستىعى ەكٸ ەل باسشىسىنا راپورت بەرٸپ, قازاقستان مەن قاتاردىڭ مەملەكەتتٸك ەنۇراندارى ورىندالعاننان كەيٸن مەملەكەتتەر باسشىلارى ەكٸجاقتى كەزدەسۋ ٶتەتٸن زالعا باردى.
پرەزيدەنت قاتار ەمٸرٸ تەميم بەن حاماد ەل تەنيگە شاقىرۋىن قابىل الىپ, قازاقستانعا مەملەكەتتٸك ساپارمەن كەلگەنٸ ٷشٸن العىس ايتتى.
– جوعارى مەرتەبەلٸ شەيح تەميم مىرزا, ٶزٸڭٸزبەن قازاقستاندا كەزدەسٸپ وتىرعانىما ٶتە قۋانىشتىمىن. مەنٸڭ شاقىرۋىمدى قابىل الىپ, مەملەكەتتٸك ساپارمەن قازاقستانعا كەلگەنٸڭٸز ٷشٸن شىن جٷرەكتەن ريزاشىلىعىمدى بٸلدٸرگٸم كەلەدٸ. بٸز بٷگٸن ەكٸجاقتى قارىم-قاتىناستىڭ ەڭ ماڭىزدى مەسەلەلەرٸ بويىنشا تيٸستٸ ۋاعدالاستىقتارعا قول جەتكٸزەمٸز. بٸز ٷشٸن قاتار مەملەكەتٸ – تاياۋ شىعىستاعى ەڭ ماڭىزدى سەرٸكتەس. سوندىقتان قارىم-قاتىناسىمىزدى ودان ەرٸ دامىتۋ ٷشٸن بار كٷش-جٸگەرٸمٸزدٸ سالامىز, – دەدٸ مەملەكەت باسشىسى.
قاتار ەمٸرٸ پرەزيدەنت قاسىم-جومارت توقاەۆقا قازاقستانعا شاقىرعانى ٷشٸن العىس ايتىپ, قوناقجايلىق كٶرسەتكەنٸ ٷشٸن ريزاشىلىعىن بٸلدٸردٸ.
– جوعارى مەرتەبەلٸ پرەزيدەنت مىرزا, ەلٸڭٸزگە مەملەكەتتٸك ساپارمەن شاقىرعانىڭىز ٷشٸن العىس ايتامىن. ەكٸ ەل اراسىندا جاقسى قارىم-قاتىناس ورناعان. كەيٸنگٸ جىلدارى ەرتٷرلٸ سالاداعى بايلانىستارىمىز قارقىندى دامىپ كەلەدٸ. بٷگٸنگٸ مەملەكەتتٸك ساپار اياسىندا ماۋسىم ايىندا دوحادا ٶتكەن ەكونوميكالىق فورۋم كەزٸندەگٸ بٸرقاتار ۋاعدالاستىقتاردى بٷگٸن تالقىلايمىز. بۇل كەلٸسٸمدەردٸڭ ماقساتى – بٸرنەشە سالادا ىنتىماقتاستىقتى دامىتۋ. بٷگٸن بٸز كەڭەيتٸلگەن قۇرامدا مينيستەرلەردٸڭ قاتىسۋىمەن وسى مەسەلەلەردٸ جان-جاقتى قاراستىرامىز. سونداي-اق ەرتەڭ ٶتەتٸن ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس سامميتٸنٸڭ سەتتٸ ٶتۋٸنە تٸلەكتەستٸك بٸلدٸرەمٸن, – دەدٸ قاتار ەمٸرٸ.
