فوتو: Akorda.kz
پرەزيدەنت قاسىم-جومارت توقاەۆ ەلورداداعى «اتامەكەن» ەتنو-مەموريال كەشەنٸندە ٶتكەن مەملەكەتتٸك تۋ كٶتەرۋ رەسٸمٸنە قاتىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
ەڭ الدىمەن, قۇرمەت قاراۋىلى روتاسىنىڭ باستىعى رەسٸمگە دايىندىعى جٶنٸندە پرەزيدەنتكە راپورت بەردٸ. سودان كەيٸن مەملەكەتتٸك ەنۇران شىرقالىپ, كٶك بايراعىمىز كٶتەرٸلدٸ.
پرەزيدەنت قاسىم-جومارت توقاەۆ جينالعان قاۋىمدى مەملەكەتتٸك رەمٸزدەر كٷنٸمەن قۇتتىقتاپ, ولار ەگەمەندٸك پەن ەلدٸكتٸڭ ەڭ باستى بەلگٸسٸ ەكەنٸن اتاپ ٶتتٸ.
– كٶك بايراعىمىز, ەلتاڭبامىز جەنە ەنۇرانىمىز – كٷللٸ حالقىمىزعا قاستەرلٸ نىشاندار. بٸز ٷشٸن تەۋەلسٸزدٸك – ەڭ قىمبات قۇندىلىق, ال تۋىمىزدىڭ اسقاق جەلبٸرەگەنٸ – اسا بيٸك مەرتەبە. باتىر بابالارىمىز سىن ساعاتتا ەردايىم بٸر تۋدىڭ استىندا جينالعان. بٶرٸلٸ بايراق كٷللٸ تٷركٸ جۇرتىن بٸرٸكتٸرگەن. ابىلاي حاننىڭ اق تۋى بٷكٸل قازاقتىڭ باسىن قوسقان. الاش تۋى ارىستارىمىزدىڭ جٸگەرٸن جانىپ, نامىسىن قايراعان. بٸز بابالارىمىزدىڭ داڭقتى جولىن جالعاستىرىپ كەلەمٸز. بايراعىمىز بٸرٸككەن ۇلتتار ۇيىمىنىڭ تٶرٸندە تۇر. ونى عارىشكەرلەرٸمٸز كٶك جٷزٸنە كٶتەردٸ. الپينيستەرٸمٸز ەلەمنٸڭ ەڭ بيٸك شىڭدارىنا ورناتتى. سپورتشىلار جەڭٸس تۇعىرىنان جەلبٸرەتٸپ, ەنۇرانىمىزدى شىرقاتتى. كٷللٸ ەلەم قازاق ەلٸن كٶك بايراعىنا قاراپ تانيتىن بولدى, – دەدٸ مەملەكەت باسشىسى.
پرەزيدەنت قاستەرلٸ نىشاندارىمىزدى قۇرمەتتەۋ ەربٸر ازاماتتىڭ پەرزەنتتٸك پارىزى ەكەنٸنە نازار اۋدارىپ, بٷگٸنگٸ سالتاناتتى رەسٸمنٸڭ تاعىلىمدىق مەن-ماڭىزىنا توقتالدى.
– بٸز اسىل قۇندىلىقتارىمىزدى اياق استى ەتۋگە جول بەرمەيمٸز. بيىل مەملەكەتتٸك رەمٸزدەردٸ قورلاعان ادامداردى جازالاۋ شارالارى كٷشەيتٸلدٸ. تٷسٸندٸرۋ جۇمىستارىنا ەرەكشە كٶڭٸل بٶلٸنٸپ جاتىر. وتانشىلدىق مەملەكەتتٸك رەمٸزدەردٸ قاستەرلەۋدەن باستالادى. بٸز ۇلتتىق نىشاندارىمىزدى ۇلىقتاۋ ارقىلى ٶسكەلەڭ ۇرپاققا ٷلگٸ-ٶنەگە كٶرسەتەمٸز. ولاردى وتانسٷيگٸشتٸك, جاسامپازدىق رۋحتا تەربيەلەيمٸز. سوندىقتان بٷگٸنگٸ سالتاناتتى رەسٸمنٸڭ تاعىلىمدىق, تەربيەلٸك مەنٸ ايرىقشا, – دەدٸ قاسىم-جومارت توقاەۆ.
سونىمەن قاتار پرەزيدەنت مەملەكەتتٸك رەمٸزدەر تاريحىمىزدى, ٶزٸندٸك بولمىسىمىزدى جەنە حالقىمىزدىڭ جارقىن بولاشاققا ۇمتىلىسىن ايعاقتايتىنىن اتاپ ٶتتٸ.
– مەملەكەتتٸك رەمٸزدەردە بٷكٸل قازاقستان حالقىن بٸرٸكتٸرەتٸن, جالپىۇلتتىق بٸرەگەيلٸگٸمٸزدٸ نىعايتاتىن قۇدىرەتتٸ كٷش بار. ايتۋلى مەرەكەلەر مەن ەلەمدٸك دٷبٸرلٸ سپورت سايىستارىندا جەڭٸسكە جەتكەن كەزدە جٷرەگٸمٸزدە وتانعا دەگەن سٷيٸسپەنشٸلٸك وتى لاۋلاپ, ەلٸمٸزگە دەگەن ماقتانىش سەزٸمٸ پايدا بولادى. كٶك بايراعىمىز, ەلتاڭبامىز جەنە ەنۇرانىمىز – مەملەكەتٸمٸزدٸڭ مەرتەبەسٸ, حالقىمىزدىڭ ار-نامىسى. ولار العا قاراي نىق قادام باسىپ, بيٸك ماقساتتارعا قول جەتكٸزۋ جولىندا كٷش-جٸگەر بەرەدٸ, – دەدٸ پرەزيدەنت.
سالتاناتتى رەسٸم بارىسىندا جوعارى ەسكەري وقۋ ورىندارىنىڭ 12 ٷزدٸك تٷلەگٸ قازاقستان پرەزيدەنتٸ – قازاقستان رەسپۋبليكاسى قارۋلى كٷشتەرٸنٸڭ جوعارعى باس قولباسشىسىنىڭ قولىنان وفيتسەرلٸك شەن الدى.
شارا سوڭىندا مەملەكەتتٸك كٷزەت قىزمەتٸنٸڭ, قورعانىس جەنە ٸشكٸ ٸستەر مينيسترلٸكتەرٸنٸڭ قۇرمەت قاراۋىلى روتالارى پرەزيدەنت پەن جينالعان قاۋىم الدىنان سالتاناتتى مارشپەن جٷرٸپ ٶتتٸ.
تۋ كٶتەرۋ رەسٸمٸنە پارلامەنت مەجٸلٸسٸنٸڭ تٶراعاسى ەرلان قوشانوۆ, پرەمەر-مينيستر ەليحان سمايىلوۆ, مەملەكەتتٸك كەڭەسشٸ ەرلان قارين, پرەزيدەنت ەكٸمشٸلٸگٸنٸڭ باسشىسى ولجاس بەكتەنوۆ, مەملەكەتتٸك ورگاندار باسشىلارى, ٷكٸمەت مٷشەلەرٸ, پارلامەنت دەپۋتاتتارى, مەملەكەتتٸك رەمٸزدەر مەن ۆەدومستۆولىق جەنە ولارعا تەڭەستٸرٸلگەن ٶزگە دە ناگرادالار گەرالديكاسى مەسەلەلەرٸ جٶنٸندەگٸ رەسپۋبليكالىق كوميسسييا مٷشەلەرٸ, جوعارى ەسكەري وقۋ ورىندارىنىڭ كۋرسانتتارى مەن ولاردىڭ تۋىستارى قاتىستى.
