فوتو: Akorda.kz
پرەزيدەنت اقش سەناتى ۇلتتىق قاۋٸپسٸزدٸك جەنە ٷكٸمەت ٸستەرٸ جٶنٸندەگٸ كوميتەتٸنٸڭ تٶراعاسى گەري پيتەرستٸ قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى سەناتورعا ٸلتيپات بٸلدٸرە وتىرىپ, ونىڭ ساپارى ەكٸجاقتى ىنتىماقتاستىق مەسەلەلەرٸ بويىنشا جان-جاقتى پٸكٸر الماسۋعا جاقسى مٷمكٸندٸك ەكەنٸن اتاپ ٶتتٸ.
– امەريكا قۇراما شتاتتارى جاھاندىق قاۋٸپسٸزدٸكتٸ نىعايتۋ, يادرولىق قارۋدى تاراتپاۋ, ەكونوميكالىق تۇراقتىلىقتى قامتاماسىز ەتۋ جەنە دەموكراتييالىق قۇندىلىقتاردى ٸلگەرٸلەتۋ ٸسٸندە ەردايىم بٸزدٸڭ ەلٸمٸزدٸڭ ستراتەگييالىق سەرٸكتەسٸ سانالعان. بٸز كٶپ نەرسەگە قول جەتكٸزدٸك ويلايمىن. ەيتسە دە ەكٸ ەلدٸڭ مٷددەسٸنە ساي كەلەتٸن سالالارداعى ٶزارا ىنتىماقتاستىعىمىزدى نىعايتۋ ٷشٸن العا قاراي جىلجۋىمىز كەرەك, – دەدٸ پرەزيدەنت.
ەڭگٸمەلەسۋ بارىسىندا قاسىم-جومارت توقاەۆ بيىل قىركٷيەك ايىندا بۇۇ باس اسسامبلەياسى الاڭىندا «س5+1» فورماتىندا ٶتەتٸن اقش پەن ورتالىق ازييا مەملەكەتتەرٸ باسشىلارىنىڭ العاشقى سامميتٸنە شاقىرعانى ٷشٸن پرەزيدەنت دجو بايدەنگە ريزاشىلىعىن بٸلدٸردٸ.
ٶز كەزەگٸندە سەناتور گەري پيتەرس امەريكا قۇراما شتاتتارى مەن قازاقستان اراسىنداعى قارىم-قاتىناسقا قاتىستى نەگٸزگٸ مەسەلەلەردٸ تالقىلاۋ مٷمكٸندٸگٸ ٷشٸن قاسىم-جومارت توقاەۆقا العىس ايتتى.
– ورتالىق ازييا – ەلەمنٸڭ ماڭىزدى بٶلٸگٸ, ال قازاقستان – ورتالىق ازييا ٶڭٸرٸندەگٸ نەگٸزگٸ مەملەكەتتەردٸڭ بٸرٸ. سوندىقتان بٸز الداعى ۋاقىتتا ىنتىماقتاسا جۇمىس ٸستەۋگە مٷمكٸندٸگٸمٸز بار ەكەنٸنە كٶز جەتكٸزگٸمٸز كەلەدٸ. بۇل پٸكٸرٸمدٸ پرەزيدەنت بايدەن دە قۇپتايدى دەپ ويلايمىن. ول سٸزبەن تاياۋ ۋاقىتتا نيۋ-يوركتە كەزدەسۋگە نيەتتٸ. بۇل كەزدەسۋ بٸزدٸڭ قارىم-قاتىناسىمىزدى نىعايتۋعا وڭ ىقپال ەتەدٸ دەپ ويلايمىن, – دەدٸ اقش سەناتورى.
كەزدەسۋ بارىسىندا سونداي-اق حالىقارالىق جەنە ٶڭٸرلٸك كٷن تەرتٸبٸندەگٸ ٶزەكتٸ مەسەلەلەر تالقىلاندى.
