پرەزيدەنت قاسىم-جومارت توقاەۆ ازييا ايماعىنىڭ جاعدايى مەن وسى ٶڭٸردٸڭ ەلەۋەتٸنە بايلانىستى پٸكٸر بٸلدٸردٸ, دەپ حابارلايدى قازاقپارات.
«مەنٸڭ كەسٸبي مانسابىم ازييا ايماعىمەن تٸكەلەي بايلانىستى بولدى, ياعني وسى اۋماقتا ۇزاق ۋاقىت وقۋدا بولدىم ەرٸ قىزمەت ەتتٸم. سوندا وسى ەجەلگٸ, ەرەكشە ەرٸ ۇلى مەدەنيەتكە جەنە ٶركەنيەتكە شىنايى قۇرمەتپەن قارادىم. سوندىقتان ازييا ٶڭٸرٸ جەنە ونىمەن بايلانىستى بارلىق جاعداي مەنٸڭ تىڭعىلىقتى نازارىمدا. سونىمەن قاتار, حالىقارالىق ساراپشىلار ازييا عاسىرىنىڭ كەلگەنٸن مويىندادى», - دەدٸ پرەزيدەنت «مير» تەلەارناسىنا بەرگەن سۇحباتىندا.
وسى ورايدا مەملەكەت باسشىسى ازييا ايماعىندا ٸرٸ ۇلتتىق ەكونوميكالار ورنالاسقانىن, ازييا ەلدەرٸ حالىقارالىق ساۋدا مەن تەحنولوگييالىق رەۆوليۋتسييانى, ينۆەستيتسييانى ىنتالاندىرىپ وتىرعاندىعىندىعىن اتاپ ٶتتٸ.
سونىمەن قاتار قاسىم-جومارت توقاەۆ ازييا-تىنىق مۇحيتى ايماعىنداعى جاعدايعا پٸكٸر بٸلدٸردٸ. جاھاندىق ويىنشىلار اراسىنداعى بەسەكەلەستٸك, تاريحتىڭ كٷردەلٸ كەزەڭدەرٸن تٷسٸندٸرۋ مەن شەكارالار اينالاسىنداعى داۋلار, سونداي-اق قازٸرگٸ ەلەمدەگٸ پاندەمييانىڭ تارالۋ قاۋپٸ مەن وسى ٸندەتتٸڭ كەرٸ سالدارى جەنە ٶزگە دە فاكتورلار تۇراقسىز كونتينەنتالدىق قارقىندى قالىپتاستىرىپ جاتىر.
ٶزارا سەنٸمنٸڭ جەتٸسپەۋٸنٸڭ جارقىن ٷلگٸسٸ رەتٸندە ساۋدا, ۆاليۋتا ەرٸ تەحنولوگييالىق مەسەلەلەر بويىنشا قىتايلىق-امەريكالىق داۋلاردى اتاپ ٶتۋگە بولادى. بۇل احۋال قىتاي مەن اقش اراسىنداعى گەوساياسي قاتىناستار ساپاسىنا, ايماقتىق قاۋپسٸزدٸك مەسەلەلەرٸنە جەنە باسقا دا سالالارعا تٸكەلەي ەسەر ەتەدٸ.
وسى ورايدا مەملەكەت باسشىسى قازاقستاننىڭ ٷنەمٸ الدىن الۋ دوپلوماتيياسىن ۇستانىپ كەلگەنٸن جەنە بۇل ۇستانىمدى جالعاستىراتىنىن اتاپ ٶتتٸ.
«شىعىستا تيٸمدٸ قاۋٸپسٸزدٸك ارحيتەكتۋراسىن قۇرۋ باتىسپەن ٶزارا ٸس-قيمىلسىز مٷمكٸن ەمەس ەكەنٸ انىق. قازاقستان بٸرنەشە مەرتە ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس پەن ەقىۇ اراسىندا ٶزارا ەرەكەتتەسۋدٸ رەتتەۋدٸ ۇسىندى, ياعني بۇل قادام يگٸ ٸستەر ٷشٸن قوس فورۋمنىڭ ەلەۋەتٸن پايدالانۋعا كەرەك», - دەدٸ قاسىم-جومارت توقاەۆ.
سٶز سوڭىندا پرەزيدەنت قازاقستان ەربٸر ەلدٸڭ ۇلتتىق ەگەمەندٸگٸن قۇرمەتتەۋدٸ, داۋلاردى بەيبٸت جولمەن شەشۋدٸ باستى نازارعا الاتىنىن قاداپ ايتتى.
