قازاقستان پرەزيدەنتٸ قاسىم-جومارت توقاەۆ پرەمەر-مينيستردٸڭ ورىنباسارى رومان سكلياردى قابىلدادى, – دەپ حابارلايدى اقوردانىڭ باسپاسٶز قىزمەتٸ.
قاسىم-جومارت توقاەۆقا قازاقستاندا «اشىق اسپان» جٷيەسٸن قۇرۋ جٶنٸندە اتقارىلعان جۇمىستار تۋرالى باياندالدى. بيىل قاتار, پولشا, ومان, بەلارۋس, مالايزييا, رۋمىنييا, بٸرٸككەن اراب ەمٸرلٸكتەرٸ, كۋۆەيت سەكٸلدٸ ەلدەردٸڭ تانىمال ەۋە كومپانييالارى 14 جاڭا باعىت اشادى دەپ جوسپارلانۋدا. شۆەيتسارييا, وڭتٷستٸك كورەيا, سينگاپۋر, لاتۆييا, ليتۆا ەلدەرٸندەگٸ اۆياتسييا سالاسىنىڭ باسشىلىعىمەن كەلٸسسٶزدەر جٷرگٸزٸلٸپ جاتىر.
رومان سكليار مەملەكەت باسشىسىنىڭ 2019 جىلعى تاپسىرمالارى ورىندالىپ, نەتيجەسٸندە جاڭا 12 باعىت – ەلوردادان پراگاعا, ۇلانباتىرعا جەنە توكيوعا رەيستەر اشىلعانىن حابارلادى. پرەزيدەنت مٷددەلٸ مەملەكەتتەرمەن اراداعى ەۋە قاتىناستارىن كەڭەيتۋدٸ, سونداي-اق, قازاقستاننىڭ نەگٸزگٸ ەۋەجايلارى ارقىلى ٶتەتٸن جٷك تاسىمالىنىڭ كٶلەمٸن ۇلعايتۋدى تاپسىردى.
قاسىم-جومارت توقاەۆ اۆياتسييا سالاسىنداعى بەسەكەلەستٸكتٸ ارتتىرۋدىڭ ماڭىزدىلىعىن اتاپ ٶتٸپ, ونىڭ جولاۋشىلارعا قىزمەت كٶرسەتۋ ساپاسىنا جەنە ازاماتتىق اۆياتسييانى دامىتۋعا وڭ ەسەر ەتەتٸنٸن ايتتى.
