Qazaqstan Prezidenti Qasym-Jomart Toqaev Premer-ministrdiń orynbasary Roman Skliardy qabyldady, – dep habarlaidy Aqordanyń baspasóz qyzmeti.
Qasym-Jomart Toqaevqa Qazaqstanda «ashyq aspan» júiesin qurý jóninde atqarylǵan jumystar týraly baiandaldy. Biyl Qatar, Polsha, Oman, Belarýs, Malaiziia, Rýmyniia, Birikken Arab Ámirlikteri, Kýveit sekildi elderdiń tanymal áýe kompaniialary 14 jańa baǵyt ashady dep josparlanýda. Shveitsariia, Ońtústik Koreia, Singapýr, Latviia, Litva elderindegi aviatsiia salasynyń basshylyǵymen kelissózder júrgizilip jatyr.
Roman Skliar Memleket basshysynyń 2019 jylǵy tapsyrmalary oryndalyp, nátijesinde jańa 12 baǵyt – elordadan Pragaǵa, Ulanbatyrǵa jáne Tokioǵa reister ashylǵanyn habarlady. Prezident múddeli memlekettermen aradaǵy áýe qatynastaryn keńeitýdi, sondai-aq, Qazaqstannyń negizgi áýejailary arqyly ótetin júk tasymalynyń kólemin ulǵaitýdy tapsyrdy.
Qasym-Jomart Toqaev aviatsiia salasyndaǵy básekelestikti arttyrýdyń mańyzdylyǵyn atap ótip, onyń jolaýshylarǵa qyzmet kórsetý sapasyna jáne azamattyq aviatsiiany damytýǵa oń áser etetinin aitty.
