قازاقستان پرەزيدەنتٸ قاسىم-جومارت توقاەۆ استاناداعى «Ikomek109» مونيتورينگ جەنە شۇعىل ەرەكەت ەتۋ ورتالىعىنا باردى, دەپ حابارلايدى "ۇلت اقپارات" اقورداعا سٸلتەمە جاساپ.
ورتالىق تەۋلٸك بويى قالانىڭ قاۋٸپسٸزدٸگٸن باقىلايدى, كوممۋنالدىق كەسٸپورىنداردىڭ بارلىق Call-ورتالىقتارىن بٸرٸكتٸرەدٸ جەنە تۇرعىنداردىڭ ٶتٸنٸشتەرٸ مەن ۇسىنىستارىن ٶڭدەۋگە مٷمكٸندٸك بەرەدٸ.
قازاقستان پرەزيدەنتٸنە باسقارۋ پانەلٸنٸڭ مٷمكٸندٸگٸ كٶرسەتٸلدٸ. مۇندا 6 مىڭنان استام كامەرا قوسىلعان, ولار تٶتەنشە جاعدايلارعا, وقىس وقيعالارعا شۇعىل ەرەكەت ەتٸپ, ولاردى جويۋعا, سونداي-اق, قالانىڭ تىنىس-تٸرشٸلٸگٸنە مونيتورينگ جٷرگٸزۋگە مٷمكٸندٸك بەرەدٸ.
قاسىم-جومارت توقاەۆ مەملەكەتتٸك ورگانداردىڭ قىزمەتٸنٸڭ نەگٸزگٸ تۇتىنۋشىسى رەتٸندە حالىقپەن تيٸمدٸ كەرٸ بايلانىس جەنە كوممۋنيكاتسييا ورناتۋى ٷشٸن زاماناۋي تسيفرلىق تەحنولوگييانى قولدانۋدىڭ ماڭىزدى ەكەنٸن اتاپ ٶتتٸ.
مەملەكەت باسشىسى بۇل تەجٸريبەنٸ ٶڭٸرلەرگە تاراتۋ قاجەتتٸگٸن ايتتى.
سونداي-اق, قازاقستان پرەزيدەنتٸ «بوتالى» وتباسى دەنساۋلىعى ورتالىعىندا بولدى.
مەملەكەت باسشىسىنا قالانىڭ العاشقى مەديتسينالىق-سانيتارلىق جەردەم جەلٸسٸنٸڭ دامۋى جەنە «ٷيدەگٸ دەرٸگەر» جوباسىنىڭ جٷزەگە اسىرىلۋى جٶنٸندە مەلٸمەت بەرٸلدٸ.
قاسىم-جومارت توقاەۆ ازاماتتارعا, ەسٸرەسە, قالا حالقىنىڭ تۇراقتى ٶسۋ جاعدايىندا مەديتسينالىق كٶمەكتٸڭ ساپاسىن ارتتىرۋ جەنە ونىڭ قول جەتٸمدٸ ەرٸ جاقىن بولۋىن قامتاماسىز ەتۋ قاجەتتٸگٸن اتاپ ٶتتٸ.
قازاقستان پرەزيدەنتٸ مەديتسينالىق كابينەتتەردٸ, جەڭٸلدٸكپەن دەرٸ-دەرمەكتەر بەرٸلەتٸن دەرٸحانانى ارالاپ كٶردٸ. سونىمەن قاتار, زاماناۋي تسيفرلىق تەحنولوگييانى قولداناتىن تٸركەۋ بٶلٸمٸنٸڭ جۇمىسىمەن تانىستى.
سونىمەن قاتار قازاقستان پرەزيدەنتٸ قاسىم-جومارت توقاەۆ نۇر-سۇلتان قالاسىنداعى №68 مەكتەپ-گيمنازيياعا باردى.
مەملەكەت باسشىسىنا ەلورداداعى ورتا جەنە مەكتەپكە دەيٸنگٸ بٸلٸم جٷيەسٸنٸڭ قازٸرگٸ احۋالى مەن ونىڭ كەلەشەك دامۋ پەرسپەكتيۆالارى, سونداي-اق, ارنايى بٸلٸم بەرۋدٸ قاجەت ەتەتٸن بالالارعا جاسالعان جاعداي جٶنٸندە مەلٸمەت بەرٸلدٸ.
قاسىم-جومارت توقاەۆقا نۇر-سۇلتان قالاسىنداعى بٸلٸم بەرۋ مەكەمەلەرٸندە جٷرگٸزٸلٸپ جاتقان تسيفرلاندىرۋ جۇمىستارىنىڭ نەتيجەلەرٸ باياندالدى. سونىڭ ٸشٸندە, بالاباقشالارعا كەزەككە قويۋ جەنە جولداما بەرۋ, مەكتەپكە قابىلداۋ جەنە مەكتەپتەن مەكتەپكە اۋىسۋ, وقۋ ورنىنا كٸرۋگە ارنالعان بٸرىڭعاي ەلەكتروندى كارتا جەنە وقۋشىلاردىڭ تاماعى مەن جولاقىسى ٷشٸن اقشاسىز تٶلەم جٷيەسٸن ەنگٸزۋ سيياقتى ٷدەرٸستەردٸ ونلاين فورماتىنا كٶشٸرۋ جٶنٸندە ايتىلدى.
سونىمەن قاتار, قازاقستان پرەزيدەنتٸ مەكتەپ-گيمنازيياداعى «شۇعىلا» كوميۋنيتي ورتالىعى» قوسىمشا بٸلٸم بەرۋ ورتالىعىنىڭ جۇمىسىمەن تانىستى. ول استاناداعى وقۋشىلار سارايىنىڭ فيليالى سانالادى.
مۇندا بالالاردىڭ قابٸلەتٸن دامىتۋعا ارنالعان 5 ستۋدييا مەن 13 ٷيٸرمە تەگٸن جۇمىس ٸستەيدٸ. بۇل ٷيٸرمەلەرگە ونلاين جٷيەسٸ ارقىلى جازىلۋعا بولادى.
.jpeg)