فوتو: Akorda.kz
مەملەكەت باسشىسى قىزىلوردا قالاسىندا جاقىندا بوي كٶتەرگەن «اناعا تاعزىم» ورتالىعىن ارالاپ كٶردٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
اتالعان ورتالىق بيىل دەمەۋشٸلەردٸڭ قولداۋىمەن سالىنعان. جالپى قۇنى – 1 ميلليارد 700 ميلليون تەڭگە.
جوبانىڭ ماقساتى – ۇلتتىق قۇندىلىقتاردى ۇرپاققا ميراس ەتٸپ قالدىرۋ, دەستٷرلٸ مەدەنيەتتٸ جاڭعىرتۋ, ەيەلدەر ەڭبەگٸن دەرٸپتەۋ. سونىمەن قاتار قىز-كەلٸنشەكتەر مەن انالاردى ٶمٸرگە, تۇرمىسقا بەيٸمدەۋ جۇمىسىمەن دە اينالىسادى.
پرەزيدەنت ورتالىقتا قولٶنەر شەبەرلەرٸ جاساعان بۇيىمدار كٶرمەسٸن جەنە «قازاق ەلٸنٸڭ ۇلى انالارى» كارتيناسىن تاماشالادى. سودان كەيٸن «اناعا تاعزىم» ورتالىعىنداعى «ۇلت جاقۇتى» مۋزەي زالىمەن, «ميراس» ەجەلەر كلۋبىمەن, «جاس وتاۋ» مەكتەبٸمەن, «شامشىراق» فوتو-ۆيدەو ستۋديياسىمەن, پسيحولوگ-مەدياتور كابينەتٸمەن تانىستى.
مەملەكەت باسشىسى مۇنداي ورتالىق جاستارعا تەلٸم-تەربيە بەرۋدە ماڭىزدى رٶل اتقاراتىنىن ايتتى.
– راسىندا, بۇل جۇمىس ٶتە ماڭىزدى. جاستارىمىزدىڭ اراسىندا ۇلتتىق سالت-دەستٷرٸمٸزدٸ, بولمىسىمىزدى, تٸلٸمٸزدٸ, دٸلٸمٸزدٸ ناسيحاتتاۋىمىز كەرەك. ەيتپەسە, دٷنيەجٷزٸندە بولىپ جاتقان تەرٸس ٷردٸستەردٸ بەرٸمٸز كٶرٸپ وتىرمىز. ونداي جاعىمسىز ٷردٸستەر ەلٸمٸزدە دە بار. بٸز ولارمەن كٷرەسٸپ, ٶزٸمٸزدٸڭ ۇلتتىق كٶزقاراسىمىزدى دەرٸپتەۋٸمٸز قاجەت, – دەدٸ قاسىم-جومارت توقاەۆ.
