قازاقستان پرەزيدەنتٸ قاسىم-جومارت توقاەۆ الماتىدا ترامۆاي قوزعالىسىن توقتاتۋ شەشٸمٸنە قاتىستى ايتتى, دەپ حابارلايدى قازاقپارات.
«ترامۆاي قاتىناسىن الىپ تاستاۋ, مەنٸڭشە, پٸكٸرتالاس تۋدىرعان شەشٸم بولدى. رەلستەردٸ جٶندەپ, ترامۆاي پاركٸن جاڭالاۋ كەرەك ەدٸ. سٶيتٸپ, قالاداعى ترامۆايدى قالدىرۋعا دا بولار ەدٸ. كٶلٸكتٸڭ وسى تٷرٸ ەۋروپانىڭ كٶپتەگەن قالاسىندا تەپ-تەۋٸر قىزمەت ەتٸپ جٷر. دەل وسى جاعداي قالا باسشىلىعىنىڭ ماماندارمەن, جۇرتشىلىق ٶكٸلدەرٸمەن كەڭەسۋٸ قاجەتتٸگٸن دەلەلدەي تٷستٸ», - دەدٸ مەملەكەت باسشىسى الماتىنىڭ ەلەۋمەتتٸك-ەكونوميكالىق دامۋىنا ارنالعان وتىرىستا.
ەسكە سالايىق, الماتىدا ترامۆايلارعا قاتىستى جول-كٶلٸك اپاتتارىنىڭ سانى كٶبەيگەن سوڭ, 2015 جىلى جولاۋشىلاردى قوعامدىق كٶلٸكتٸڭ بۇل تٷرٸمەن تاسىمالداۋ توقتاتىلعان ەدٸ.
