Qazaqstan Prezidenti Qasym-Jomart Toqaev Almatyda tramvai qozǵalysyn toqtatý sheshimine qatysty aitty, dep habarlaidy QazAqparat.
«Tramvai qatynasyn alyp tastaý, menińshe, pikirtalas týdyrǵan sheshim boldy. Relsterdi jóndep, tramvai parkin jańalaý kerek edi. Sóitip, qaladaǵy tramvaidy qaldyrýǵa da bolar edi. Kóliktiń osy túri Eýropanyń kóptegen qalasynda táp-táýir qyzmet etip júr. Dál osy jaǵdai qala basshylyǵynyń mamandarmen, jurtshylyq ókilderimen keńesýi qajettigin dáleldei tústi», - dedi Memleket basshysy Almatynyń áleýmettik-ekonomikalyq damýyna arnalǵan otyrysta.
Eske salaiyq, Almatyda tramvailarǵa qatysty jol-kólik apattarynyń sany kóbeigen soń, 2015 jyly jolaýshylardy qoǵamdyq kóliktiń bul túrimen tasymaldaý toqtatylǵan edi.
