مەملەكەت باسشىسى اگروٶنەركەسٸپ كەشەنٸن دامىتۋ ٸسٸندەگٸ ناقتى مەسەلەلەردٸڭ بار ەكەنٸنە نازار اۋدارىپ, ٷكٸمەت پەن جەرگٸلٸكتٸ اتقارۋشى ورگانداردىڭ الدىنا بٸرقاتار مٸندەت قويدى, دەپ حابارلايدى "ۇلت اقپارات" اقورداعا سٸلتەمە جاساپ.
اتاپ ايتقاندا, قاسىم-جومارت توقاەۆ ەلەمدە تۇراقتى ەرٸ جوعارى سۇرانىسقا يە تيٸمدٸلٸگٸ جوعارى داقىلداردى (جاسىمىق, زىعىر, سويا) ٶسٸرۋگە كٶشۋ ەسەبٸنەن ەڭبەك ٶنٸمدٸلٸگٸن ارتتىرۋ قاجەتتٸگٸن ايتتى. ونىڭ ايتۋىنشا, ورگانيكالىق اۋىل شارۋاشىلىعى ٶندٸرٸسٸن دامىتىپ, زاماناۋي اگروتەحنولوگييا مەن يننوۆاتسييانى ەنگٸزۋ كەرەك.
– ٷكٸمەت اگروحيمييا قىزمەتٸن كٷشەيتۋ, گەربيتسيدتەردٸڭ, مينەرالدى تىڭايتقىشتاردىڭ جەنە ەليتالىق تۇقىمداردىڭ قولجەتٸمدٸلٸگٸن قامتاماسىز ەتۋ جٶنٸندە تٷبەگەيلٸ شارالار قابىلداۋى قاجەت, – دەدٸ پرەزيدەنت.
مەملەكەت باسشىسى ٷكٸمەتكە ٶندٸرٸستٸڭ ەل اۋماعىندا ورنالاسۋ ەلەۋەتٸن زەرتتەۋ ارقىلى اۋىل شارۋاشىلىعى تەحنيكالارى پاركٸنٸڭ توزۋىنا قاتىستى مەسەلەنٸ شەشۋدٸ تاپسىردى.
ەلەمدٸك تەجٸريبەنٸ ەسكەرە وتىرىپ مينەرالداۋ نەگٸزٸندە توپىراقتىڭ قۇنارلىلىعىن جاقسارتۋ – ماڭىزدى مٸندەت. مەملەكەت باسشىسى بۇل مەسەلەنٸ شەشۋ ٷشٸن شەتەلدٸك ينۆەستورلاردى تارتا وتىرىپ, ەل اۋماعىندا تىڭايتقىشتار مەن پەستيتسيدتەر شىعاراتىن دايىن ليتسەنزيياسى بار زاۋىتتار سالۋدى تاپسىردى.
پرەزيدەنت بارلىق اۋىل شارۋاشىلىعى جەرلەرٸنٸڭ ەسەبٸن الۋ ٸسٸن اياقتاۋدىڭ, جەر كاداسترىن تسيفرلاندىرۋدىڭ جەنە جەرلەردٸڭ پايدالانىلۋىن عارىشتىق مونيتورينگ جاساۋ ارقىلى انىقتاۋعا كٶشۋدٸڭ ماڭىزدىلىعىنا ارنايى توقتالدى.
باياندامادا مال شارۋاشىلىعىن دامىتۋ مەسەلەسٸنە زور كٶڭٸل بٶلٸندٸ. مەملەكەت باسشىسى قوي ەتٸن, قۇس ەتٸن, قوزى ەتٸن ٶندٸرۋدٸڭ, سٷتتٸ مال شارۋاشىلىعىن دامىتۋدىڭ جەنە مال شارۋاشىلىعى ٶنٸمٸن ەكسپورتقا شىعارۋ ٸسٸن ٸلگەرٸلەتۋدٸڭ كەلەشەگٸ بار دەپ ەسەپتەيدٸ. بۇل ٷشٸن الداعى 10 جىلدا قوسىمشا 50 ميلليون گەكتار جايىلىمدىق جەر پايدالانۋعا بەرٸلەدٸ. سونىمەن قاتار پرەزيدەنت ٷكٸمەتكە جەم-شٶپ باعاسىنىڭ جوعارى بولۋ سەبەبٸنە قاتىستى مەسەلەنٸ تٷبەگەيلٸ رەتتەۋدٸ تاپسىردى.
قاسىم-جومارت توقاەۆ ەلٸمٸزدٸڭ قايتا ٶڭدەلگەن ٶنٸمدەرٸ سىرتقى نارىقتا كەدەرگٸلەرگە تاپ بولىپ جاتقانىن ايتتى. وسىعان بايلانىستى مەملەكەت باسشىسى وتاندىق تاۋارلاردى ماقساتتى تٷردە ٸلگەرٸلەتۋدٸ جەنە شەتەلدٸك سەرٸكتەستەردەگٸ ٶزگەرٸستەرگە قاتىستى دەر كەزٸندە ەرەكەت ەتۋدٸ تاپسىردى.
مەملەكەت باسشىسى وتاندىق اگرارلىق عىلىمدى دامىتۋ ٸسٸنە جەنە كەيٸنگٸ جىلدارى دەڭگەيٸ ايتارلىقتاي تٶمەندەگەن كادرلاردىڭ ەلەۋەتٸنە ارنايى توقتالدى.
– ۇلتتىق اگرارلىق عىلىم-بٸلٸم ورتالىقتارىنداعى ەڭبەككەرلەردٸڭ تەك 20 پايىزىنىڭ عىلىمي دەرەجەسٸ بار. سوندىقتان اگرارلىق سالادا بولاشاعى بار جاس عالىمداردىڭ پۋلىن جاساقتاۋ قاجەت, – دەدٸ قاسىم-جومارت توقاەۆ.
قازاقستان پرەزيدەنتٸ اۋىل حالقىنىڭ 85 پايىزى تۇراتىن كەلەشەگٸ بار تٸرەك ەلدٸ مەكەندەردٸ دامىتۋ قاجەتتٸگٸن ايتتى. ونىڭ ايتۋىنشا, بۇل ەلدٸ مەكەندەر جول, قول جەتٸمدٸ بايلانىس جٷيەسٸ مەن ينتەرنەت, بٸلٸم بەرۋ جەنە دەنساۋلىق ساقتاۋ نىساندارى, مەدەنيەت جەنە سپورت كەشەندەرٸ سيياقتى ينفراقۇرىلىمدارمەن قامتاماسىز ەتٸلۋٸ تيٸس.
مەملەكەت باسشىسى اۋىلدىق جەرلەردە بۇقارالىق سپورتتى دامىتۋ ٷشٸن 3 جىل ٸشٸندە 100 دەنە شىنىقتىرۋ جەنە ساۋىقتىرۋ كەشەندەرٸن سالۋدى تاپسىردى. سونىڭ ٸشٸندە 22 نىسان بيىل ٸسكە قوسىلادى.
ەلباسى ۇسىنعان «اۋىل – ەل بەسٸگٸ» جوباسى اياسىندا قوسىمشا 90 ميلليارد تەڭگە بٶلٸنەتٸن بولادى. پرەزيدەنت «ديپلوممەن اۋىلعا» باعدارلاماسىنا بٶلٸنەتٸن قارجىنى جىلىنا 20 ميلليارد تەڭگەگە دەيٸن ارتتىرۋدى تاپسىردى.
سونداي-اق, قاسىم-جومارت توقاەۆ اۋىل تۇرمىسىنىڭ ساپاسىن جاقسارتۋ جٶنٸندە جٷيەلٸ شارالار قابىلداۋدىڭ ماڭىزدىلىعىن اتاپ ٶتتٸ.
– اۋىل شارۋاشىلىعى كەسٸپورىندارى, ەسٸرەسە ٸرٸلەرٸ شەتتە قالماۋى تيٸس. اگراريلەر مەملەكەتتٸك-جەكەمەنشٸك سەرٸكتەستٸگٸ قاعيداتىنا سەيكەس اۋىل تۇرعىندارىنىڭ ٶمٸر سٷرۋ ساپاسىن جاقسارتۋعا قاتىستى ەلەۋمەتتٸك جاۋاپكەرشٸلٸكتٸ بٶلٸسۋٸ قاجەت, – دەدٸ مەملەكەت باسشىسى.
رەسپۋبليكالىق كەڭەس بارىسىندا اۋىل شارۋاشىلىعى مينيسترٸ ساپارحان وماروۆ, «زەنچەنكو ي ك» كوممانديتتٸك سەرٸكتەستٸگٸنٸڭ ديرەكتورى گەنناديي زەنچەنكو, «اگروفيرما «رودينا» جشس-نٸڭ باس ديرەكتورى يۆان ساۋەر, «قازەكسپورتاستىق» اق ديرەكتورلار كەڭەسٸنٸڭ تٶراعاسى رۋسلان مولدابەكوۆ, س.سەيفۋللين اتىنداعى قازاق اگروتەحنيكالىق ۋنيۆەرسيتەتٸنٸڭ رەكتورى اقىلبەك كٷرٸشباەۆ جەنە «Bioperations» جشس قۇرىلتايشىسى ەليحان تالعاتبەك بايانداما جاسادى.
