1 قىركٷيەككە دەيٸن ەلٸمٸزدەگٸ بارلىق مەكتەپ پەن بالاباقشا بەينەباقىلاۋ كامەرالارىمەن قامتاماسىز ەتٸلۋٸ تيٸس. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆ ايتتى, دەپ حابارلايدى قازاقپارات.
«مەكتەپ جٷيەسٸندە ەلٸ كٷنگە دەيٸن 237 پروبلەمالى مەكتەپ بار. سوناۋ 2017 جىلى-اق بٸلٸم بەرۋ مەملەكەتتٸك باعدارلاماسى اياسىندا ولاردىڭ بارلىعى جويىلۋى تيٸس ەدٸ. جاڭا مەملەكەتتٸك باعدارلامادا 800 جاڭا مەكتەپتٸڭ قۇرىلىسى جوسپارلانعان. اپاتتى جاعدايدا بالالار بٸلٸم الىپ جاتقان كەزدە مەكتەپ ساپاسىنا, ستاندارتىنا قاتىستى مەسەلە تۋىندايدى. مۇنداي مەكتەپتەردٸڭ باسىم بٶلٸگٸ باتىس قازاقستان وبلىسىندا 12, ال تٷركٸستان وبلىسىندا 7 جەنە اتىراۋ مەن جامبىل وبلىستارىندا 5-تەن قالىپ وتىر. بارلىق ەكٸمدٸكتەرگە شۇعىل ارادا اپاتتىق, ٷش اۋىسىمدى مەكتەپتەردٸ جويۋ بويىنشا ناقتى شەشٸم قابىلداۋدى, قابىلدانعان شارالار تۋرالى بايانداۋدى تاپسىرامىن. بۇل مەسەلە مەنٸڭ جەكە باقىلاۋىمدا بولادى. كەشە عانا بارلىق ٶڭٸرلەرگە تاپسىرما بەردٸم. مەكتەپتەردە جٶندەۋ جۇمىستارى جٷرگٸزٸلٸپ جاتقان ٶڭٸرلەر دە بار», - دەدٸ ەرالى توعجانوۆ پەداگوگتار مەن بٸلٸم جەنە عىلىم سالاسى قىزمەتكەرلەرٸنٸڭ رەسپۋبليكالىق تامىز كەڭەسٸ بارىسىندا.
سونىمەن قاتار ول بٸلٸم مازمۇنى مەن ساپاسىنا قاتىستى دا ٶتە ٶزەكتٸ مەسەلە قالىپ وتىرعاندىعىن ايتتى. مەسەلەن, 2018 جىلى PISA نەتيجەسٸ بارلىق كٶرسەتكٸشتەر بويىنشا قازاقستاننىڭ تمد ەلدەرٸنەن قالىپ قويعاندىعىن كٶرسەتكەن. سونىمەن قاتار پرەمەر-مينيستردٸڭ ورىنباسارى اۋىل مەن قالا مەكتەپتەرٸ اراسىنداعى بٸلٸم الشاقتىعىن جويۋ قاجەتتٸگٸنە باسا نازار اۋدارتتى.
«تاعى بٸر ماڭىزدى مەسەلە - مەكتەپتە بالالاردىڭ قاۋٸپسٸز بولۋى. 2 200 مەكتەپتە دەرەتحانا دالادا ورنالاسقان. مەكتەپتەردٸ جىلى سانيتارلىق جەلٸمەن قامتاماسىز ەتۋ مەسەلەسٸن شۇعىل شەشۋ قاجەت. بۇعان قوسا, 1 قىركٷيەككە دەيٸن مەكتەپتەر مەن بالاباقشالار بەينەباقىلاۋ كامەرالارىمەن قامتاماسىز ەتٸلۋٸ تيٸس. وبلىس ورتالىقتارى مەن قالالالارداعى مەكتەپتەر مامانداندىرىلعان كٷزەتكە كٶشۋٸ قاجەت», - دەدٸ ەرالى توعجانوۆ.
