اتىراۋ وبلىستىق پاتولوگواناتومييا بيۋروسىنىڭ بۇرىنعى ديرەكتورى لاۋازىمدىق ٶكٸلەتتٸگٸن اسىرا پايدالانعانى جەنە قىزمەت بابىندا جالعان قۇجات جاساعانى ٷشٸن سوتتالدى. بۇل تۋرالى ونلاين بريفينگ بارىسىندا قر سىبايلاس جەمقورلىققا قارسى ٸس-قيمىل اگەنتتٸگٸنٸڭ 1-شٸ دەپارتامەنتٸنٸڭ اعا تەرگەۋشٸسٸ دانييار بيعايداروۆ ايتتى, دەپ حابارلايدى "ۇلت اقپارات".
ونىڭ اتاپ ٶتۋٸنشە, اتىراۋ وبلىستىق سىبايلاس جەمقورلىققا قارسى قىزمەتٸ «اتىراۋ وبلىستىق پاتولوگواناتومييالىق بيۋروسى» مەملەكەتتٸك كەسٸپورىن ديرەكتورىنىڭ مٸندەتٸن اتقارۋشى ي.مولداعاليەۆقا قاتىستى قىلمىستىق قۇقىق بۇزۋشىلىق بويىنشا سوتقا دەيٸنگٸ تەرگەۋدٸ اياقتادى.
«ول سوت-مەديتسينالىق ساراپتامانىڭ قورىتىندىسى بويىنشا تٸرٸ تۋىلعان نەرەستەنٸ ٶلٸ تۋعان دەپ كٶرسەتٸپ, پاتولوگواناتومييالىق زەرتتەۋدٸڭ حاتتاماسىنا كٶرٸنەۋ جالعان اقپارات ەنگٸزۋ ارقىلى لاۋازىمدىق ٶكٸلەتتٸكتەرٸن اسىرا پايدالانعان دەگەن كٷدٸك بولدى», - دەدٸ ول.
اعا تەرگەۋشٸنٸڭ دەرەگٸنشە, وسى جىلدىڭ 28 ناۋرىزىندا اتىراۋ قالاسىنىڭ №2 سوتىنىڭ ٷكٸمٸمەن ي.مولداعاليەۆكە 1 325 500 تەڭگە كٶلەمٸندەگٸ ايىپپۇل سالىندى.
«سوتتالۋشى ٶمٸر بويىنا مەملەكەتتٸك قىزمەتتە لاۋازىم اتقارۋ قۇقىعىنان ايىرىلدى», - دەدٸ دانييار بيعايداروۆ.
