1 قىركٷيەكتە امەريكا قۇراما شتاتتارىنىڭ باستاماسى بويىنشا بۇۇ قاۋٸپسٸزدٸك كەڭەسٸ جاپپاي قىرىپ-جويۋ قارۋىن تاراتپاۋ جەنە ولاردى جەتكٸزۋ جٷيەلەرٸن تاراتۋ قاۋپٸ تاقىرىبى بويىنشا مينيسترلەر دەڭگەيٸندە كەزدەسۋ ٶتتٸ.
باسقوسۋدا بۇۇ قاۋٸپسٸزدٸك كەڭەسٸنٸڭ قارۋ-جاراقتىڭ تاراتىلۋىن بولدىرماۋ تۋرالى شەشٸمدەرٸن قولدانۋ جولدارىن تالقىلاندى, دەپ حابارلايدى قر سٸم باسپاسٶز قىزمەتٸ.
اقش مەملەكەتتٸك حاتشىسى رەكس تيللەرسون ٶزٸنٸڭ اۋقىمدى بايانداماسىندا جاھاندىق قارۋسىزدانۋ مەن تاراتپاۋ ٷدەرٸسٸندەگٸ قازاقستاننىڭ رٶلٸنە بٶلەك نازار اۋداردى. اتاپ ايتقاندا, ول يادرولىق قارۋدان باس تارتقان ەلٸمٸز دانالىقتىڭ ايرىقشا ٷلگٸسٸ بولىپ تابىلاتىنىن اتاپ ٶتتٸ. قازاقستان بۇرىنعى كەڭەستٸك قارۋلاردى جەنە يادرولىق تەحنولوگييالاردى ٶز اۋماعىنان الىپ تاستادى جەنە يادرولىق ەمەس مەملەكەت رەتٸندە يادرولىق قارۋدى تاراتپاۋ تۋرالى شارتقا قوسىلدى.
«قازاقستان باسشىلىعىنىڭ باتىل شەشٸمٸ يادرولىق قارۋدىڭ, ونىڭ قۇرامداس بٶلٸكتەرٸنٸڭ, يادرولىق ماتەريالداردىڭ جەنە قوس ماقساتتى تەحنولوگييالاردىڭ زييانكەستەردٸڭ قولىنا تٷسۋ قاۋپٸن ەدەۋٸر قىسقارتتى», - دەپ اتاپ ٶتتٸ ر. تيللەرسون. ونىڭ پٸكٸرٸنشە, يادرولىق قارۋ باسقا ەلدەرمەن قارىم-قاتىناستاردى قيىنداتىپ, ەسەپتەن جاڭىلىسۋ, اپاتتار نەمەسە تاراتۋ قاۋپٸن تۋدىرادى.
مەملەكەتتٸك حاتشى قازاقستاننىڭ ەرەكەتٸ ەلدٸ حالىقتار قاۋىمداستىعىنا تارتۋ ٷدەرٸسٸندە ماڭىزدى قادام بولعاندىعىنا ەرەكشە توقتالدى. «يادرولىق قارۋدان قۇتىلۋدىڭ نەتيجەسٸندە ەلەم قازاقستاندى يادرولىق اگرەسسورعا اينالۋى مٷمكٸن «الاستاتىلعان» مەملەكەت رەتٸندە قاراستىرمايدى. ول ٶزٸنٸڭ يادرولىق كٶرشٸلەرٸ - رەسەي مەن قىتايدىڭ دۇشپانىنا دا اينالعان جوق. سونداي-اق بٷگٸندە قازاقستان كٶرشٸلەرٸمەن تاتۋ-بەيبٸت ٶمٸر سٷرۋدە. ول بەرٸك ساۋدا قاتىناستارىن دامىتۋدا. بيىل ەكسپو-2017 حالىقارالىق مامانداندىرىلعان كٶرمەسٸ ٶتٸپ, ول بولاشاقتىڭ ەنەرگييا كٶزدەرٸن جەنە بٷكٸل ەلەمنٸڭ قاتىسۋشىلارىنا قازاقستاننىڭ ينۆەستيتسييالىق مٷمكٸندٸكتەرٸن كٶرسەتتٸ. بۇل ٶڭٸرلٸك جەنە حالىقارالىق بەيبٸتشٸلٸك پەن ٶركەندەۋگە ەلەۋلٸ ٷلەس قوسىپ وتىرعان زاماناۋي مەملەكەت. قازاقستان ٶزٸنٸڭ شەشٸمٸنەن تەك پايدا كٶردٸ», - دەدٸ ول.
«بۇرىنعى كەسٸبي قىزمەتٸمدە پرەزيدەنت نۇرسۇلتان نازارباەۆپەن بٸرنەشە رەت كەزدەستٸم جەنە وعان وسى شەشٸم تۋرالى سۇراق قويۋىما مٷمكٸندٸك بولدى. ول ماعان بۇل شەشٸمگە ەشقاشان ٶكٸنبەيتٸنٸن جەنە كٷندەردٸڭ بٸرٸندە بۇل جوبا جاس ەلٸمٸز ٷشٸن جاساعان ەڭ زور جاقسىلىعى ەكەنٸن ايتقان بولاتىن», - دەپ ەسكە الدى ر. تيللەرسون.
سىرتقى ٸستەر مينيسترٸ قايرات ەبدٸراحمانوۆ ٶز سٶزٸندە اقش مەملەكەتتٸك حاتشىسىنا بٸزدٸڭ ەلٸمٸزگە جەنە پرەزيدەنت ن. نازارباەۆقا جولداعان جىلى لەبٸزدەرٸ ٷشٸن العىسىن بٸلدٸردٸ. مينيستر قاتىسۋشىلاردى اەحا تٶمەن بايىتىلعان ۋران بانكٸنٸڭ اشىلۋ كەزٸندە جارييالانعان ەلباسىنىڭ باستامالاردان حاباردار ەتتٸ, سونداي-اق حالىقارالىق قارۋسىزدانۋ جەنە تاراتپاۋدىڭ نەگٸزگٸ اسپەكتٸلەرٸ بويىنشا قازاقستاننىڭ ۇستانىمىنا ەگجەي-تەگجەيلٸ توقتالدى.
